٢٠٠٧-٠٦-٢٧

كلام أغاني


اشتروني و اشتروا خاطر عيوني......ريحوني
ياللى غاويين تتعبوني ........ريحوني
صدقوني
النهاردة أنا بين ايديكوا صدقوني
بس بكرة هتدوروا مش هتلاقوني
صدقوني بكرة
هتدوروا مش هتلاقوني
.........................
جزء من أغنية لوردة

حد فهم حاجة؟؟؟؟؟
مفهمتوش!!!!!!
ليه بس كده؟؟؟؟؟
من الآخر هو ده اللى انا حاسة بيه النهاردة

هو مش كلام أغاني ؟؟
بس ساعات بيبقى في الجووول
يا سلام عليكي يا وردة لما تبدعي

هناك ٣٦ تعليقًا:

Alaa يقول...

بين ابايع و الشاري يفتح الله
:)
ادبحوني ياللي غاويين تقتلوني و ريحوني
بس سيبوني اموت في حالي و ارحموني
هههههههههههه

الحلم العربي يقول...

هههههههههههههه
ده الجزء التاني من الأغنية و لا اصدار 2007 منها

ممكن على البوست الجاي تكون حالتى بالشكل ده

تحياتي على الابداع

صاحب البوابــة يقول...

مررت لألقى السلام

تحياتي

FadFadA يقول...

لا نشعر بما في أيدينا
ونراه بأعيننا
و لكن عندما نفقده
عندها
يظل البحث جاري
و الندم مستمر

محمود على يقول...

كل ما الانسان قرب من حاجه اوووووي
كل ما قيمتها عنده تقل
والعكس صحيح
انسان غريب

الحلم العربي يقول...

صاحب البوابة
شكرا لمرورك الكريم
و عليكم السلام و رحمة الله و بركاته

تحياتي

الحلم العربي يقول...

fadfada
فعلا الناس مش بتحس بالنعمة غير لما تزول منها

شكرا لتعليقك الجميل و لزيارتك
تحياتي

الحلم العربي يقول...

محمود على
كلامك مظبوط
و فيه بعض الناس بى لما تحس ان خلاص الحاجة دي هتروح منه يكون عايز يطلع منها بأكبر المكاسب قبل ما تضيع منه

انسان غريب فعلا
تحياتي

الحلم العربي يقول...

علاء
اشكرك على دعوتك و انا فعلا رحت المدونة و كتبت رأيي في التعليقات

أشكرك على الثقة جدا
تحياتي

ياسر سليم يقول...

ههههههههههههههههه

وماله

الحلم العربي يقول...

ياسر سليم

ههههههههههه
ما انا بردو بقول
و ماله

تحياتي

momken يقول...

عندما تحب عدوك يشعر بتفاهته

اذا طعنت من الخلف فاعلم انك فى المقدمه

يجب علينا ألا نركز كثيراً على إتجاه الريح ، إنما يجب أن نركز على كيفية التحكم في الشراع


يوجد هناك طريقتان للتعامل مع الصعوبات في الحياة ، إما أن تغير الصعوبات وتلغيها وهذا صعب ، أو أن تغير ردة فعلك تجاه الصعوبات


انا جدتى فقالت
الى اشترانا اشتريناه وصار متعنا متاعه
ومن بعنا بعناه يحرم علينا اجتماعه
رحمه الله عليكى يا جدتى


تحياتى

بسمه عبدالباسط يقول...

كلمات جميلة جدا
فعلا ساعات الأغانى بتعبر عن حالتنا
تحياتى

الحلم العربي يقول...

momken
.........
لا تتخيل كلامك أثر فيه قد ايه ...لا فض فوك

فعلا هو ده اللى حاولت أعمله مع اللى ضايقوني ....و كتير من كلامك حسيته فعلا ....حاولت اتعامل مع المشكلة بحب و الحمد لله ...جيت على نفسي شوية ...لكن ما خسرتش حد حتى الآن الحمد لله

أشكرك جدا على تعليقك اللى جه في الجووول هو كمان

و رحم الله جدتك الحكيمة

تحياتي

الحلم العربي يقول...

bos bos
.......
فعلا أصل الأغاني دي تعبير عن مشاعر ناس زينا بردو ....و ساعات اللى كاتبها بيكون عنده وعي بجد و بيلمس مشاعر الناس
و خصوصا الأغاني القديمة كان فيها أحاسيس جميلة جدا

تحياتي و أهلا بيكي

Oma يقول...

تصدقي اول مره اعرف ان فيه اغنيه كده لورده
كلامها جامد على فكره اووي
ذوقك عالي

نقطة مية يقول...

الله عليكي يا رايقة...
:-)
ايه الدماغ العالية دي...
اكيد من الحر

بس متقلقيش..مش هنسيبك تضيعي مننا عشان ندور عليكي
:-)

الحلم العربي يقول...

oma
.....
أهلا بيكي لأول مرة في المدونة و يا رب تكون عجبتك
أيوه فعلا هي أغنية مغمورة لوردة أنا بردو أول ما سمعتها استغربتها شوية بس بعدين حبيتها جدا

شكرا لوجودك و يا رب نكون أصدقاء بلوجات

تحياتي

الحلم العربي يقول...

نقطة مية
........
ازيك يا قمر

و الله مش روقان بس باول اتعامل مع المشاكل بطريقة مختلفة علشان ما اطقش .....هههههه

أنا عارفة ان انتو مش هتسيبونى اضيع منكوا علشان تشتروني ....بس يا ريت الناس كلها زيكوا...

تحياتي

غير معرف يقول...

ربنا يريح قلبك

بس انتي بتسمعي وردة؟؟؟

الحلم العربي يقول...

مصراوي أوي
...........
آمين ..شكرا على الدعاء و ربنا يريح قلبك انت كمان
و الله انا مش سميعة أغاني أوي ....بس مالها وردة يعني؟؟؟
أنا عن نفسي بحب أغانيها القديمة ...

تحياتي

semsem يقول...

انا اتعلمت حاجه انه لاحزن دائم ولا فرح دائم

ولكن يوجد انسان قادر على التغلب كل كل شى بعقله

قادر على مواجمه كل شى ان ارد

ومن باعك لا تلتف اليه

واذا اردت شيا بشده فدعه فان اتى اليك فهو ملكك وان لم ياتى فهو لم يكن لك من البدايه

تحياتى

الحلم العربي يقول...

semsem
.......
فعلا كلامك كله صح بجد ...شكرا على النصائح الغالية و يا رب اعرف أعمل كده
ابتسم في وجه من ضايقونى و أحاول اكسبهم ما اخسرهمش ...
أشكرك بشدة
و أهلا بيكي في المدونة
تحياتي و احتراماتي

حزيــــــــــــــــــن يقول...

هو انا هرجع ادون الاقيكى بتقولى هتدوروا مش هتلاقونى
هى ايه الحكايه الناس كلها هتهج امال هنسيب البلد لمين

الحلم العربي يقول...

حزين
....
ايوة كده الأخبار الحلوة ...ألف مبروك عود أحمد للتدوين ...مع انى معرفش مين أحمد ....ههههههه
لا انا مش هسيب البلد و لا حاجة دي مصر دي أمي حد يسيب أمه بردو ؟؟؟
انا بس كنت بقول رسالة لناس مضايقاني ...ناس بتاعت مصلحتها كده ربنا ما يوريك ...بس ياللا هنعمل ايه؟؟
اللى يعيش ياما يشوف

المهم انى قاعدة على قلبكوا ...ماتقلقش ...ههههههههههه

تمنياتي بالتوفيق

هوندا يقول...

لو مات فيكو الضمير ليا رب كبير

الحلم العربي يقول...

هوندا
.....
ازيك يا جميل
فعلا و الله
لو مات فيكو الضمير ...ليه رب كبير

شكر للاضافة الجميلة

وحشتنى تدويناتك و الله
تحياتي

قضية عم أحمد Ahmed Case يقول...

هههههههههههه

ايه التحفة ديه

دمها عسل :)

بحب النعبير البلدي بيبقى صادق أوي .

تسلم الايادي

mo'men mohamed يقول...

والله انا مبسمعش اغانى
ومش قادر لغاية دلوقتى افهم !!!
لو حد فاهم يقولى
السلام عليكم

قضية عم أحمد Ahmed Case يقول...

ديه انا كنت كاتبها في البلوج عندي ومردتيش عليها

الحلم العربي
لا مفيش علاسة خالص ان اللي أسف والله التاج بتاعك على في بالى وليكي عليا ارد عليه بس بصراحة فيه شوية اسئلة مستفزة .

انا اللي ممكن طلب رخم ممكن تكتبى انتي الاسئلة اللي انت عايزها في التاج وانا ارد عليها اصلى حاسس ان التاج ده نموذج الناس بتتادوله وخلاص :)

لو مردتيش هرد على التاج الاصلي بتاعك

elkamhawi يقول...

بس بكرة هتدوروا مش هتلاقوني

الحلم العربي يقول...

أحمد رفعت
..........
عود أحمد
المرة دي مش هقولك مين أحمد؟؟ لأن انت عارف طبعا انه عم أحمد ههههههههههه

انا بقى اللى ليه حق اقولك حمد الله على السلامة بقالك كتير ما شرفتنيش في المدونة

شكرا على تعليقك انا كمان بحب التعبير بالبلدي لأنه صادق بس بردو أحيانا الواحد بيحب الفزلكة ...ههههههه


بالنسبة للتعليق اللى كان في مدونتك :
انا قريته و عيب عليك يا عم احمد ركز في كلامك هتلاقيني رديت بس انت مش واخد بالك

انت قلت : لو مردتيش هرد على التاج الاصلي بتاعك
و انا مرديتش علشان عايزاك ترد على التاج الأصلى (أصلى بحب الحاجة الطبيعية)...ده لو ما يضايقكش لكن لو بجد التاج رخم أوي كده خلاص انا آسفة ان كنت أثقلت عليك بيه...دي وجهات نظر

بس بردو هزهقك كل ما يجيلى تاج و همررهولك...غلاسة بقى تعمل ايه ؟؟ههههههههه

تحياتي

الحلم العربي يقول...

mo'men mohamed
...............
انا افهمك يا سيدي الحكاية....
اه أسفة الأول أهلا بيك في المدونة لأول مرة و يارب سوء التفاهم ده ما يخليكش تكره المدونة

شوف يا سيدي ....بقى انا كان في ناس معايا في الشغل مضايقنى جدا...و تاعبنى جدا جدا ...و انا أصلا ماشية و هسيب الشغل
و الناس دول بقى بيستغلوا انى مش عايزة امشي و اسيب انطباع وحش عند أي حد و بيحاولوا يضغطوا عليه و خلاص

قوم و انا ماشية في الشارع لقيت نفسي بغني الاغنية دي مش عارفة جت لى منين ....حسيت انها منطبقة عليه تماما زائد ان انا بحب أغاني وردة القديمة جداا

طقت في دماغى اكتبها تدوينة

ها فهمت
طب فهمت ايه بقى ؟؟؟
يا ريت تفهمنى علشان انا مش فاهمة

هههههههههههههههه

تحياتي و اعتذاراتي لأنى أكيد صدعتك

الحلم العربي يقول...

elkamhawi
............
طبعا عاجباك الأغنية لأنها تابعة لجبهة التهييس الشعبية

ايوة طبعا بكرة هتدوروا مش هتلاقونى

تحياتي و نورتني

ولــــــــــو يقول...

الله يخرب بيت النت
اصله كان واقع عندي بقاله اسبوع
وبصراحه مش برتاح ف سيبرات
اهو فوّت عليا المزاد اللي حصل ده
قوليلي انت بس عايزه كام وانا شاري
هو حد هايلاقي حلم اليومين دول
انا مستعد ادفع لحد خماشر جنيه
هااا
deal????

الحلم العربي يقول...

و لو
.....
هههههههههههههه
بقى كدة يا ولو يعني انا بقول عليكوا كلمتين حلوين و بشتكيلكوا من الناس التانيين تطلعوا انتو الناس التانيين ....
طب يفتح الله بقى و مش بايعين ....خلاص شطبنا يا باشا

ههههههههههه
تحياتي