٢٠٠٨-١٠-٠٥

الآن عرفت خطيئتها


تعيش بعالم لا تنتمي له
و تتطلع إلى عالم لا يعنيه الكثير أن تكون به
الكل ينتظر منها أن تكون من عالمه
بل و يفترض ذلك و يعاملها بموجب افتراضاته
و هي بدورها لا تخذل الجميع
لأنها ببساطة لم تعتد أن تخذل أحدهم و لو كان سمجا
لأنها ببساطة
لا تتحمل أن يأتي عليها يوم من أيام المراجعات الحياتية الشديدة فتجد نفسها تلوم نفسها لأنها بحماقة جرحت أحدهم ....و إن كان لزجا
تبحث عنها و عن عالمها
فتجده هلاميا غريبا
تتطلع إلى بعض المقربين
فتجدهم غريبون مثل عالمها الذي تعيشه
هم منه ... و هي لست منه و لا منهم
لماذا هم بالتحديد ؟
و لأي سبب أصبحوا هم القريبين؟
لا تدري
و لكنها الحقيقة
تنظر من بعيد على العالم الذي تتمناه
و ترى أصدقائها الذين تمنتهم
تحاول الإقتراب
فتبتعد أكثر مما تقترب
فهي بطبعها تجيد البدايات و لكنها أسوء من ينتهي
لماذا حري بها أن تبدأ دائما ؟؟
و لماذا تتجرع حبوب الشجاعة لأشياء تافهة و بسيطة؟؟
و لماذا تتعامل بعدسات الآخرين أحيانا؟؟
و لماذا لا تتلقى منهم المثل ؟؟
الآن فقط أدركت المثل الذي سمعته يوما
" فيه ناس متعتها في الحياة إنها تضحي، و فيه ناس متعتها في الحياة تدور على اللى بيضحي علشان تاخد منه على قد ما تقدر"
و هي دائما تلعب الدور الأول
و دائما ما يوقعها القدر في أباطرة الدور الثاني
و الآن فقط تستطيع أن تدعي أنها عرفت "خطيئتها الكبرى"
لن تدعي أنها تستطيع تغييرها و إن حاولت
و لن تدعي أنها ستحاول الوصول لعالمها الذي تتمناه لأنها أرهقت نفسها و أرهقتها نفسها في ذلك
و لن تدعي أنها ستحاول التكيف مع عالمها الذي تعيش فيه لأن هذا هو الفشل بعينه في نظرها
و هي إن لم تستطع النجاح ...فلن ترض يوما بالفشل
فقط ستتمنى أن تصبح حياتها كلها بداية
لأنها تكره فتور النهايات
و تحب حماس البدايات
حتى الموت
ستتمنى أن يكون بدايتها
لعالم أفضل بإذن الله

هناك ٢٢ تعليقًا:

حزيــــــــــــــــــن يقول...

يكفيها انها هى وليست شخص اخر
--
اتمنى ان تكون مازالت تحفظ القرءان
---
اتمنى لها كل خير
--
ما بال الفراق يدق على كل من اعتدنا على وجودهم بحياتنا
اؤمن انه لا يبقى الا وجه الله

momken يقول...

الحياه الحقيقه ان اعيشها انا
لا ان اعيشها على نى اخر او اتقمص شخص اخر
فحياتى تعنينى انا وليست تعنى غيرى

احيها انها عاشت حياتها فكثير منا

يولد ويموت ببساطه

وينتهى امره


تحياتى

sakayar يقول...

يبقى أقدر أقول دلوقتي
حمدلله ع السلامة
لانها وصلت لنفسها .... لكن من غير ما نقول انها تخطيء أو تفشل في النهايات ... ليه منقولش ان النهايات هي اللي بتخطيء؟؟
ليه منقولش ان لسه مفيش أيقونة اتقفلت ولا فيه نهاية جت لأي حدث حتى لو عدى عليه سنيييين؟؟
صعب نعيش على أساس اننا مش احنا أو اننا ناس تانيين ... المهم نكون الأهم لأنفسنا مش لغيرنا ... المهم نعرف اننا مش هنلاقي تقدير من غيرنا مهما بذلنا ... المهم إننا نعرف ان غيرنا عمرهم ما هيبقوا احنا ... واحنا استحالة نقبل نكون زيهم ... لاننا وبلا فخر .... الأرقى والأسمى دائماً
تحياتي لها ... كل سنة واحنا أسود ف الجو وحيتان ع الطريق السريع وعيال ع الرمل ...بمناسبة 6 اكتوبر يعني
ربنا يوفقكم

Miss. Sosa يقول...

اسلوب بجد رشيق جدا ونفاذ بسرعة للقلب والعقل

الحلم العربي يقول...

حزين
.....
ما هي دي المشكلة يا أحمد انها ساعات بتحس انها هي مش هي لأنها بتتعامل بعدسات الآخرين

أما عن حفظ القرآن .....فقد نكأت الجرح ...فقط أدع لها
و هي ايضا تتمنى لك التوفيق و الخير
....
أما عن الفراق فسبحان من له الدوام وحده
أشكرك بشده

الحلم العربي يقول...

momken
.......
ألا ترى معى ان من يتعامل بهذا المنطق طوال الوقت يكون أنانيا
ربما يقتضي بنا الأمر ان نفكر في أنفسنا بعض الوقت لكن ليس طول الوقت
......أما عمن عاشوا و ماتوا ببساطة فرب أشعث أغبر لو أقسم على الله لأبره

ليتها حتى كانت كذلك

تحياتي لك

الحلم العربي يقول...

sakayar
........
أوافقك بشدة على كلامك
لكن التنفيذ ليس بتلك السهولة

و كل سنة واحنا منتصرين على أنفسنا و على أعدائنا
بمناسبة انتصارات اكتوبر بردو
.....
سؤال بقى ازاي يعني كل سنة واحنا أسود ف الجو وحيتان ع الطريق السريع وعيال ع الرمل
الحقيقة مش منطقى منها غير الاخيرة
هههههههههههههههه

الحلم العربي يقول...

miss.sosa
.........
و الله ده من ذوقك
أخجلتم تواضعنا
نورتى المدونة و يا رب تنوريها دايما
تحياتي

sakayar يقول...

لأ هقولك بقى
كمان حيتان ع الطريق السريع منطقية شوية بس ممكن يبقى تشبيه ضمني أو جناس ناقص او اللي هو الحاجات بتاعة البلاغة دي
لكن أسود في الجو يبقى اكيد دخلنا ف فيلم كارتون أو فيلم خيال علمي والاسد بيطير ويتجنن على الطيور وكده
هههههه
تحيااااتي

الحلم العربي يقول...

sakayar
........
ماشي هعديها المرة دي علشان خاطر الطاغية سكاير
هههههههههه
خالص التحية

son's egypt يقول...

السلام عليكم
هناك اشخاص لا يقدرون من يضحي من اجلهم
بل يقفون مستمتعين بهذه التضحية فقط دون ان يفعلوا اي شئ

الحلم العربي يقول...

son's egypt
...........
للأسف أصبح زماننا ملئ بهم ، إلا من رحم ربي
أشكرك على تشريفك

Wish I were a Butterfly ... يقول...

قرأت كلماتك أكتر من مرة لكن مش عارفة أكتب و لا كلمة!!!

سامحيني على كدة
بس هقوللك إن أسلوب كتابتك راقي أوي و وصل أوي أوي جامد

تبحث عنها و عن عالمها
فتجده هلاميا غريبا

للأسف صح... لأنه عالم أقرب للخيال من الواقع. خطيئتها إنها عايزة تبقى إنسانة بمعنى كلمة "إنسانة" بجد، مش زي ماالناس عايزينها تتعامل

الصورة اللي انت حطاها بريئة أوي أوييييي :) عجبتني جدا

تحياتي لحد قريب مني أوي و بدعي أقابله في الجنة عشان بجد حبيته كتير

Aml Ghonaim يقول...

شوفي يايوية ؛ أنا كتبت تعليق طويييييل ؛ وبعدين لقيت اني نسيت أحول الكلام لعربي ؛ فغطلع انجليزي تماااااام ؛
بعدين كتبته تاني اتمسح ؛ فمش عارفة أجمع تاني ؛
لكن : الخلاصة :
ربنا اختارها في المكان ده والزمان ده علشان حكمة ربما لم تدركها ( هي ) بعد ؛ وربما أدركتها لكنها لم تعترف بها بعد ...
قولي لها أن تصبر ؛ فالقادم أجمل مما تتخيل ؛
وسلمي على ((( هي )) كتير ؛ وقوليلها : وحشتيني ....

الحلم العربي يقول...

Wish I were a Butterfly
........................
م انا اللى مش ببقى عارفة اقول ايه بعد كلامك الجميل بجد ومش عارفة اعبرلك انا كمان حبيتك ازاي قبل ما اشوفك... ربنا يجمعنا في الجنة ياااااااا رب

و الله يا فراشتى انا مش عارفة إذا كانت هي اللى صح و لا العالم اللى هي مش منتمية ليه هو اللى صح ، لكن هي نفسها تكون زي ما تحب مش زي ما هما يحبوا ..و الأهم تكون صح ...يعني كلامك مظبوط ...ادعيلها
بحبك في الله

الحلم العربي يقول...

إصرار أمل
.........
أولا : انتى مش متخيلة فرحتى بإنك رجعتى تاني لعالمنا الفضائي
ثانيا : اكيد عندك حق ، هي فعلا مفتقدة لموضوع الصبر شوية ، ادعيلها ربنا يهديها للصبر
ربنا يجعلك دائما سبب في تفاؤل من حولك
على فكرةانتى كمان وحشتيها أوي

§a§a يقول...

جميل جدا البوست

اول زيارة لمدونه بس مشاء الله ممتازة

تحياتى

غير معرف يقول...

عجبتنى جدا الجمله اللى بتقول
فى ناس مهمتها تضحى وفى ناس عايشه عشان تدور ع الناس اللى بتضحى
تدوينه جميله ومدونتك جميله انا اول مره ازورها
تحياتى

الخيط الرفيع يقول...

سلام عليكم
ازيك يا حلمنا العربي الكبير اللي ان شاء الله مش أكبر مننا
بصي يا كونتسيتي الجميله
في مقوله حلوة قوي وبحترمها جدا
لو قدرتي عليها فأنت علي غيرها أقدر
نفسك
والدليل علي كدا فكره جهاد النفس للوصول بها لخير البشر ممكن يكون التنفيذ صعب جدا بقولهالك من أعماق قلبي صعب والكلمة دي مش ثلاثة حروف لا دي اكبر بكثير
وربنا بيغير نواميس للي بيقدروا يغيروا نفسهم
يعني تغير حقائق ثابته اسهل من تغير نفس

بعيد عن الكلام دا كله
عاوزة اقولك ان طعم الحياه بنكتشفه بجد وبنستمتع لما نعرف احنا عاوزين اية بالظبط ونرحلة ولو لقينا حد عاوز مننا حاجة نحدفها قبل ما نمشي كلها 60 سنه بالكتير بيفوت منهم كل يوم يوم
ربنا معاكي

الحلم العربي يقول...

sosa
....
أهلا بيكي نورتى المدونة لأول مرة و أشكرك لذوقك
يا ريت ما تكونش آخر مرة
تحياتي

الحلم العربي يقول...

mohamed gedo
.............
و الله ده بس من ذوقك
أشكرك جدا
و نورتنا
تحياتي

الحلم العربي يقول...

الخيط الرفيع
............
أولا : أنا مبسوطة اوي ان انتى زرتينى ، لو انا مش غلطانة دي أول مرة لكن انا حاسة انى اعرفك من قبل كده
ثانيا : كلامك جميل جدا و المشكلة انها مقتنعة بكل الى قلتيه لكن كل واحد فينا ساعات بيكون عايش يرضى الإنسان اللى جواه ، يعني كل انسان عايز يحس ان اللى حواليه ممكن يعملوا علشانه حاجة زي ما هو بيحاول على قد ما بيقدر يعملهم
كلامك صح جدا فعلا .... ص ع ب ... صعب جهاد النفس و صعب ان الواحد يتغلب على النفس اللى جواه ....ربنا يعيننا جميعا و يعدي حياتنا على خير
أشكرك
و ارجو اننا نكون اصدقاء