2007-10-27

مجرد مشاعر


عندما تحلم
لا تحلم بشدة
فربما يتحقق حلمك يوما
و لا تقدر عليه

هناك 47 تعليقًا:

محمود علي يقول...


عندما تحلم احلم بشدة فلو لم يتحقق حلمك عندها فقط تكون واثق انك ارضيت ضميرك

لو بطلنا نحلم نموت
احلمي واحلمي واحلمي
لو ربنا مكرمكيش في حلم بالتاكيد هيكرمك في التاني

Halawa يقول...

عندك حق

عشان كده معدتش بحلم
بقيت عايش
الواقع الوقيع المتوقع المتقوقع

الأحلام دي متعبة بتجيب هرش
وقلة نوم وسهر وهلفطة كلام أثناء النوم
صعبة بجد
هههههههههههههههه

قلتها أحسن

تحياتي أختي الغالية

momken يقول...

على رائى منير
قبل ما تحلم فوق احلم وانت فايق
قبل ما تطلع فوق انزل للحقايق

حلو اوى الكلام ده
تحياتى

ولــــــــــو يقول...

انا باختلف معاكي
فيه قول مأثور بيقول
shoot for the moon
even if you miss
you will land among the stars
باقي لينا ايه غير الاحلام
احلمي على قد ما تقدري

son's egypt يقول...

السلامعليكم
انا اختلف معكي لان الاحلام مطلوبه بس بشرط ان تكون احلام في مقدرة الاسنان ولاتكون احلام اكبر من قدراته لامها ب>لك ستشعره بالياس والاحباط

الحلم العربي يقول...

محمود على
........
حاضر يا محمود هحلم لأنى مقدرش اتخلى عن احلامى ...لكن الاحلام متعبة شوية فلازم تكون فيه لحظات ضعف ...لكن على العموم شكرا على النصائح الجميلة
و انت كمان احلم و ربنا يوفقك

تحياتي

الحلم العربي يقول...

halawa
.......
لا يا حلاوة بس الواقع الوقيع المتقوقع ده مش كويس و لو قضينا فيه حياتنا هنموت و مش هنعمل حاجة

لا يا عم احلم و خلاص ...اهو الحلم ارحم شوية ...و لو على قلة النوم هي موجوده من غير حاجة

تحياتي يا حلاوة باشا
عملت ايه في الامتحانات صحيح؟؟؟

الحلم العربي يقول...

momken
.......
انت عارف يا ممكن و انا بكتب البوست ده كنت بغني الاغنية دي من غير ما آخد بالى و بعدين أخدت بالى ....
و عارف كمان انا بحب المقطع التانى اكتر:
جايز حلم في غمضة عين عايز يتحقق في سنين و جايز يبقى الحلم اتنين و تحققهم قبل دقايق

تحياتى الخالصة و دايما منور البلوج

الحلم العربي يقول...

و لو
....
عندك حق يا ولو جدا ...بس انا اللى كنت بقاوح

انت عارف اكبر مثل على كلامك ان الرسول صلى الله عليه و سلم قال لنا اننا نسأل الله الفردوس الاعلى علشان حتى لو معرفناش نحققها نكون جيبنا اقل منها بدرجة او اتنين ...يعني هو ده وحش ...لأ طبعا

تحياتي لك و اسفة ان كان كلامى خالف ناس كتير لكنها لحظات ضعف

الحلم العربي يقول...

son's egypt
............
و عليكم السلام و رحمة الله و بركاته
طبعا كلامك مظبوط
لكن حتى لو الانسان حاسس انه حلمه مش في ايده ليه ما يحاولش يكون قد حلمه كبير

مش عارفة لكن كلامى في البوست كان كلام يائس شوية و دي مش طبيعتى

شكرا جدا على مرورك وتعليقك

ابو مفراح يقول...

ليه بس كده
حتى عندما نحلم نضع حول حلما طوقا

الحلم العربي يقول...

ابو مفراح
.........
هي احلام اليومين دول كده ...بشروط و حدود
ده على افتراض انك قدرت تحلم اصلا أو اخدت فرصتك علشان تحلم

معلش كلامى يائس شوية بس انت نورتنا

dead man يقول...

محمد منير بيقولك ايه .. قبل ما تحلم فوف احلم وانت فايق..

RAMA يقول...

فاكرة بومبة لما كان بيقول لتيمون سؤال مجرد قام قاله لا اسمها مجرد سؤال

حلم.. طلب مجرد أو مجرد طلب.. لما تعملي بوست قولي ليه علشان مش كل مرة أجي أعلق متأخر

:@

خلينا بقى في مشاعر مجرد أو مجرد مشاعر.. هي عميقة أوي وحلوة أوي وحزينة أوي

يلا سلامات

حزيــــــــــــــــــن يقول...

الكلام دا قالوا السادات زمان لما الثورة قامت

مش بتيجى عندى ليه

semsem يقول...

اختلف معكى
احلمى احلمى يشده
ومع الحلم ولكن احلام متكامله

وكيف لا اقدر على حلم تمنيته

ربنا يحققلك كل احلامك وتقدريه عليها

الصقر الجارح يقول...

اكيد عمرى ما هحلم بحاجه مش هقدر عليها
واكيد يوم ما هتحقق هكون انا قدها وقدود

الواحد معندوش شى يعمله غير الحلم
ازاى منحلمش بشده

اصرار أمل يقول...

ممكن !!!!!!!!!!!!!
بجد ؛ ممكن ...
لفتة راقية لا تأتى الا منك ...
آية : وحشتينى ............

مصطفي النجار يقول...

نعم قد يأتي الحلم الذي
حلمناه ولا نستطيع ان نتعامل معه
ونتمني الا نكون قد حلمناه
او رجوناه يوما

عجيب هذ الانسان

الحلم العربي يقول...

dead man
........
ايوة و كمان بيقولك
:
لو بطلنا نحلم نموتو نحن بين ذاك و تلك

نورتنى

الحلم العربي يقول...

rama
....
أنا آسفة جدا يا راما
أسف مجرد أو مجرد آسف
ههههههههههه

شكرا على تعليقك الجميل

و طبعا نورتينى اوي

الحلم العربي يقول...

حزين
....
تصدق و الله ما اعرف ان السادات قال الكلام ده قبل كده
لكن على العموم كويس توارد الخواطر ده ...أصل انا كنت بحترم السادات في بعض الاشياء
الله يرحمه بقى

تحياتي لك
و طبعا هزورك معلش النت بتقطع عندنا كتير و بقيت بدخل بصعوبة

شكرا جدا على سؤالك

الحلم العربي يقول...

semsem
......
أولا شكرا جدا على الدعاء ...و لك مثله إن شاء الله
اما بخصوص الاحلام فساعات بتكون الاحلام الكبيرة اوي تعجيز لصاحبها لو مش واقف على أرض صلبة و لو الطريق طويل

لكن عموما انا من دعاة ان الانسان يكون ليه حلم كبير ...يعني ما اختلفناش اوي

تحياتي ليكي و دايما منورانى و الله

الحلم العربي يقول...

الصقر الجارح
...........
عندك حق طبعا ....ربنا يوفقك و تحقق حلمك و ما تحسش بلحطات الضعف ابدا

تحياتى الخالصة

الحلم العربي يقول...

اصرار أمل
.........
أه ممكن ...أحيانا

و الله تعليقاتك انتى اللى راقية جدا

و انتى بقى وحشتينى بعنف و بشده ....يارب تظهري على الماسنجر بقى عايزة اتطمن عليكي

الحلم العربي يقول...

مصطفي النجار
............
و اي عجب
و لكن الحلك الذي تتحدث عنه ربما هو الحلم الذي حلمنا و نحن لا نعرف الهدف منه
أو ربما الحلم الذي ادي بنا إلى طرق لم نكن نتمناها

ربن ما يوقعنا في الحلم ده ابدا

شرفت المدونة لأول مرة و يارب ما تكونش الأخيرة

مصراوي أوي يقول...

لا بس هو يتحقق وانا اقدر عليه

:)

بس فعلا عندك حق ممكن يفتننا مثلا او يبعدنا مثلا عن طريق ربنا


بس لازم نحلم وبشدة

الحلم العربي

:)

الحلم العربي يقول...

مصراوي أوي
...........
أولا عود أحمد من زمان ما شرفتش المدونة
ثانيا : اتفق معاك جدا في كلامك ربنا يرزقنا دايما الهمة للعمل من أجل حلمنا الكبير و يبعدنا عن الأحلام اللى بتبعدنا عن الهدف

تحياتي و ما تغيبش عننا كتير علشان تعليقاتك بتضيف كتييير

A.SAMIR يقول...

فكرة فلسفية جامدة جدا
فعلا بقليل من التأمل هتلاقي الكلام دة جامد جدا
تحياتي واحتراماتي

لو كنت أعلم يقول...

فليتحقق حلمي
أكون مسؤولة عنه
وعن مجرد تمنيه

تحياتي وسلام كبيييييييير قوي ليك ياجميل

احمد رفعت يقول...

روعة وصح اوي اوي اوي اوي اوي اوي اوي ....

ولن ازيد ...

انتى ازيك بجد

DoLLy يقول...

بجد اصاب السهم الهدف

رينـــــــــــا يقول...

عمرى ما فكرت فيها كدا
بس تصدقى ممكن فعلا
وجه نظر بردوا

الحلم العربي يقول...

a.samir
........
و الله مش قصدي اتفلسف لكن هو الحياه احيانا بتطلع مننا الفلسفة عصب عننا

لكن انت نورتنا بجد
تحياتي

الحلم العربي يقول...

لو كنت أعلم
...........
حلوة اوي الجملة دي بجد

انتى فين يا بنتى من زمان و فين الكلمات الجامدة بتاعتك

تحياتي و ما تغيبيش عنا كتير

الحلم العربي يقول...

أحمد رفعت
.........
شكرا لتعليقك الجميل ....بس هي الجملة دي احيانا بتكون صح و احيانا ما ينفعش نعتمد عليها علشان نكمل

انا الحمد لله كويسة انت عامل ايه ؟؟ يا رب تكون في ات صحة و سعادة

تحياتي

الحلم العربي يقول...

dolly
.....
اهلا بيكى لأول مرة عندنا و نورتينا بجد

صحيح احنا مانعرفش بعض من زمان لكن احساسي بيقولى انك شخصية جميلة من جوة

نيجي بقى للكومنت يارب يكون السهم اصاب الهدف بشئ كويس
و ربنا يكرمك و يوفقك يا رب

تحياتى و تعالى عندنا كتي علشان بتنوري المدونة

الحلم العربي يقول...

رينا
.....
اه ممكن ليه لأ
بس مش دايما يا رينا

تحياتى لك

إبـراهيم ... معـايــا يقول...

أيتـها الحلم، على العكـس ربما تمامًا، علمونـــا ، احلم أكثر ، ربما تفاجئك أحلامـك بالتحقق :)

.
.
.
دمتِ حلم

حبة حاجات (ايمان) يقول...

كلام المختصر المفيد
معنى حلو اوى
تحياتى ليكي

زُمُرده يقول...

احلمييييييييييييي
ملناش غير الحلام
كل ما تحلمي اكتر تتعلقي بحلمك اكتر
تجري عليه اكتر
تبذلي مجهود اكتر
تتحملي اكتر
ولو اتحقق هتفرحي اكتر واكتر
ولو متحققش كله تحلمي تاني وتحاولي
ولو متحققش تفضلي تحلمي لحد ما تموتي
وتبطلي احلام
بدون احلام=موت مؤكد

ابن اسكندرية يقول...

انا بختلف معاكى نسبيا لان انا فى رأى ان نترك العنان لعقنا ليحلم ولكن بالنسبة لأهدفنا الى عيزيين نحققها لابد ان تكون فى اطار الواقعيه والمنطق لذك خلينا نحلم عشان فى حاجات كتير مش ممكن نحققها الى عن طريق الحلم

الحلم العربي يقول...

إبراهيم ...معايا
.................
جملة جميلة ....و ربما تتحقق بالفعل ...أولعلها

شكرا للاضافة المثمرة
و نورت المدونة

الحلم العربي يقول...

حبة حاجات( إيمان)
.................
أشكرك بشدة على تعليقك الجميل
و شرفتى المدونة لأول مرة
يارب نشوفك عندنا كتير

تحياتي

الحلم العربي يقول...

زمردة
......
مممممم...تقصدي لو بطلنا نحلم نموت؟؟
طبعا عندك حق
لكن هناك من الأحلام ما لا يستحق ذلك أليس كذلك
؟؟
انتى نورتينا يا زمردة و كلامك جميل اوي ربنا يوفقك في أحلامك

الحلم العربي يقول...

ابن اسكندرية
...........
أولا لازم اقولك انك شنورتنا خصوصا ان انا بحب اسكندرية جدا

ثانيا : كلامك مظبوط جدا لازم نحلم بطريقة خيالية لكن نحقق أحلامنا بطريقة واقعية

شكرا للاضافة الجميلة
تحياتنا لكل أهل اسكندرية

غير معرف يقول...

الدليل الشامل للمدونات العربية
سياسة ، اقتصاد ، ثقافة ، حوار ،
أدب ، شعر ، فن والمزيد

http://arab-blogs-guide.blogspot.com/
http://blogsguide2.blogspot.com/