2007-10-15

العيد فرحة

أولا : كل سنة و انتو طيبين اوي اوي و طائعين لله و تقبل الله منا و منكم صالح الأعمال
ثانيا : معنى خطر على بالى حبيت اقوله لكم .....المعنى ده هو استشعار لرحمة ربنا بينا اوي .... قد ايه العيد ده رحمة من ربنا عارفين ليه؟؟؟
تخيلو لو مفيش بعد رمضان عيد ....كنا هنبقى عاملين ازاي؟؟؟
اللى حسوا و استشعروا القرب الشديد في رمضان كانوا هيبقوا عاملين ازاي؟؟؟
أكيد كان هيبقى يوم كئيب جدا عليهم
لكن ربنا برحمته الواسعة اهدنا يوم العيد و فرض علينا الفرح فيه علشان هو بيحبنا
و حتى اللى قصروا في رمضان ربنا قالهم يفرحوا لعل الله يرحمهم
و من رحمته بينا أيضا أهدانا الأيام الست من شوال نصومهم علشان ما نشعرش ان رمضان سابنا فجأة
يااااااااااااااااه
قد ايه رمضان كان جميل
و إن شاء الله السنة دي تكون بداية خير كبير للأمة
ثالثا: آسفة جدا على تقصيري في الرد على تعليقاتكم الفترة الماضية من آواخر رمضان نظرا لظروف رمضان اللى انتوا عارفينها و في أول يومين في العيد لأن كنت مسافرة ، و بشكر جدا جدا كل اللى مروا و علقوا أو ما علقوش بس سألوا عنى و عيدوا عليه و سبقونى بالفضل ...اقولهم جميعا : جزاكم الله كل الخير

رابعا : احب اقولوا ان رمضان السنة دي شفانى من أمراض كتيرة و أثر فيه يا رب يكون أثر فيكوا انتو كمان و ربنا يثبتا جميعا بعده و يخففنا من الذنوب علشان نقدر نحقق نهضة الأمة

تابعونا بعد رمضان علشان عندي رغى كتير عايزة اقوله لكم
أحبكم جميعا في الله

هناك 27 تعليقًا:

HoNdA يقول...

كل سنة وانتى بخير
تقبل الله منا ومنكم

RAMA يقول...

العيد خلص يا حلم

أعععاااااااااااا

رمضان خلص يا حلم

اعععاااااااااا

رجعنا الشغل يا حلمممممممم

اعععععااااااااااااااا

أنا زعلانة اوي يا حلم

وااااااااااء

البوست حلو أوي يا حلم
هههههههههه
تحياتي

الحلم العربي يقول...

هوندا
.....
هنودة ...حبيبة قلبى ....وحشتينى
و انتى طيبة يا قمر ....و تقبل الله طاعتك و جعلك من عتقائه يا رب

تحياتي

الحلم العربي يقول...

راما
.....
عندك حق يا راما
عااااااااااااا
انا كمان ظعلانة علشان رجعنا الشغل
عاااااااااا
الاجمل من البوست تعليقك
ههههههههههههههه
وحشتيى يا راما الشقية
سلام مربع لأحلى راما

A.SAMIR يقول...

كل سنة وانت طيبة وان شاء الله رمضان اللي جاي تكوني في اتم صحة وسعادة
تحياتي واحتراماتي

momken يقول...

اد ايه كامك جميل واد ايه انتى حساسه وشفافه
الحمد لله على رحمته بنا
وكل عام وانتى بخير

حزيــــــــــــــــــن يقول...

كل سنه وانت طيبه

واسف جدا على التأخير
واتمنى انك تكونى فى اسعد حال وربنا يديم عليك
حلاوة الايمان

ولــــــــــو يقول...

كلامك بيحسسني بالراحه النفسيه
باحس عندك ان الدنيا لسه بخير
طبعا هاننتظر
وكلنا لهفه لمعرفه الاحداث
تحياتي

الحلم العربي يقول...

a.samir
.......
يااااه
فينك من زمان ....نورت المدونة و الله
و انت طيب و يا رب تكون سنة جميلة عليك و على جميع من حولك

تحياتى الخالصة و شكرا جدا على تعليقك

الحلم العربي يقول...

momken
.......
أخجلتم تواضعنا
اللهم اجعلنى خير مما تظنون و اغفر لى ما لا تعلمون
و ده من بعض ما عندكم يا افندم و بوستات حضرتك تشهد بذلك

أشكرك بشدة على التشجيع و كل سنة و انت طيب و يا رب السنة الجاية تكون حققت كل الى نفسك فيه

تحياتي

الحلم العربي يقول...

حزين
.....
و انت طيب و ربنا يتقبل منك يا رب و تحقق كل اللى نفسك فيه

ما تتأسفش على التأخير حاول بس ما تكرروش علشان احنا بنحب نتابع اشعارك الجميلة
تحياتي الخالصة

الحلم العربي يقول...

و لو
.....
و الله تعليقاتك اللى بتحسسنى بالشفافية دي ....ربنا يكرمك يا رب

مش هتأخر إن شاء الله عليكوا و تقريبا البوست الجاي هيكون التاج بتاعك إن شاء الله

تحياتي

الصقر الجارح يقول...

كل سنه وانتى طيبه انا اسف على التاخير بس ما باليد حيله

Soooo يقول...

تصدقي فعلا ماخدتش بالي من المعلومه دي

بجد معلومه حلوة والله

وربنا يتقبل صيامنا وقيامنا وسائر اعمالنا في الخير ان شاء الله


وكل سنه وانتي طيبه
والسلام ختام

الحلم العربي يقول...

الصقر الجارح
...........
و انت طيب و يا رب تكون بخير
عذرك معاك على التأخير أكيد كنت مشغول زيي الفترة اللى فاتت بس لازم ترجع بقوة زي الأول

نورت المدونة تانى و أهلا بيك دايما

تحياتي

الحلم العربي يقول...

soooo
.....
ربنا يتقبل منك يارب و أهلا بيك لأول مرة عندنا يا رب تكون المدونة عجبتك و ما تقطعش الزيارات

نورتنا
تحياتي لك

احمد رفعت يقول...

فين الرغي الللا يغد العيد الله

نفسنا يقول...

نفسنا مجلة بتعبر عننا

رينـــــــــــا يقول...

كل سنة وانتى بخير
تقبل الله منا ومنكم

OMA يقول...

met2a5ra showaya
bs lazem a2olk ya rab elsna kolha tkon feast w ramdaan
w nkon kolna fe a7san 7al 3alatoool :)

sendbad يقول...

انا مقصر والله
بس اديني جيت اهه
ايه اخبار الرغي اللي بعد رضمان فين يعني مفيش حاجة
تحياتي

الحلم العربي يقول...

أحمد رفعت
........
معلش الرغي قلب معايا بصمت مقبع ...ههههههههههه
نوووووورتنا بجد
و آسفة على التأخير

الحلم العربي يقول...

نفسنا
....
و احنا نفسنا تستمر مجلة نفسنا مادامت بتعبر عن اللى في نفسنا

هههههههههه
شكرا على الدعوة

الحلم العربي يقول...

رينا
....
يااااااه
و الله زمان ...انتى كنتى فين كل ده
عود أحمد
تقبل الله منا و منك صالح الاعمال
و نورتينا اوي

الحلم العربي يقول...

oma
....
فيه مقولة بتقول
later better than never
و انا بقولك أهلا بيكى في اي وقت كفايه انك نورتى البلوج بتعليقك و مشاعرك الجميلة
ربنا يكرمك و يخلى ايامك كلها اعياد

تحياتي

الحلم العربي يقول...

sendbad
........
مش انت بس اللى مقصر ....انا مقصرة اكتر منك
ادعيلى بس ربنا يسهل و هتلاقى احلى رغي إن شاء الله

تحياتي و نورتنى

Arabiology يقول...

لفت أنتباهي أخر سطر من البوسط مع إني مأريتش البوسط. بس مفهمتش أخر سطر. يعني أيه أحبكم كلكم ف الله؟