2007-09-24

إنها الجنة فهل من مشمر؟؟


نفسي أعمل عمل كويس يفيد الأمة

و أول ما أعمله أموت شهيدة في سبيل الله
و أكون أتميت حفظ القرآن الكريم

و بعد ما أموت
أقابل الرسول صلى الله عليه و سلم
و أنزل على يده الشريفة أقبلها و أكلمه
و أقوله
"يا جدي يا حبيبى يا رسول الله ...أتعبتنا الدنيا كثيرا فهل تشفع لنا كي ندخل الجنة"؟؟
و يأتى يوم القيامة
و يقال لأصحاب القرآن -بس أصحابه بجد الذين يقيمون حدوده و حروفه مش حروفه فقط - و أتمنى أن أكون منهم فيقال اقرأ و ارق و رتل كما كنت ترتل في الدنيا فإن منزلتك عند آخر آية تقرؤها
فأقرأ و أقرأ و أقرأ حتى أصل لسورة الناس فأجد يد النبي الكريمة تأخذ بيدي و تدخلنى الفردوس الأعلى
ثم أجد هناك كل أحبتى و اخوانى في الله
بابا و ماما و اخواتى
صديقات القرآن
صديقات الدراسة
أخواتى في المدونات
كل أحبتى في الله
و اتمشى مع رسول الله صلى الله عليه و سلم في الجنة
و يورينى قصري في الجنة و يكون بجواره صلى الله عليه و سلم
و يفرجنى قصور الصحابة اللى هما جيراني
ده قصر سيدنا أبو بكر الصديق....الله ياله من قصر جميل ....صحيح قصر يليق بصديق رسول الله
ده قصر سيدنا عمر رضى الله عنه....ايوه و دي الجارية اللى كانت بتتوضأ و الرسول أزاح وجهه عنها لما علم ان ده قصر سيدنا عمر لأنه رجل يغار...أمنك يغار يا رسول الله ؟؟!!
و ده قصر سيدنا بلال
و ده قصر السيدة مريم العذراء ...ما شاء الله على النور
و ده قصر السيده فاطمة الزهراء رضى الله عنها
كل الصحابة جيرانى
كل الضياء أمامي
كل النعيم في يدي
وأقف متأملة ....و أسأل نفسي......ماذا فعلت في الدنيا كي يجازينى الله كل هذا الخير الذي لم تره عيناي من قبل
و لم تسمعه أذناي من قبل
و لم يخطر على قلبي من قبل

فهل وصلت الرسالة؟؟؟

حدثنا ‏ ‏عبد الله بن عبد الرحمن ‏ ‏أخبرنا ‏ ‏يزيد بن هارون ‏ ‏أخبرنا ‏ ‏همام ‏ ‏حدثنا ‏ ‏زيد بن أسلم ‏ ‏عن ‏ ‏عطاء بن يسار ‏ ‏عن ‏ ‏عبادة بن الصامت

أن رسول الله ‏ ‏صلى الله عليه وسلم ‏ ‏ ‏ ‏قال :
" في الجنة مائة درجة ما بين كل درجتين كما بين الأرض والسماء والفردوس أعلاها درجة ومنها تفجر أنهار الجنة الأربعة ومن فوقها يكون العرش فإذا سألتم الله فسلوه الفردوس"
صدق رسول الله صلى الله عليه و سلم

رواه الترمذي



هناك 28 تعليقًا:

momken يقول...

يزور أهل الجنة بعضهم بعضا ، ويجتمعون في مجالس طيبة يتحدثون ويذكرون ما كان منهم في الدنيا ، وما منّ الله به عليهم من دخول الجنة ، قال تعالى واصفا ذلك { ونزعنا ما في صدورهم من غل إخوانا على سرر متقابلين } ، وأخبر تعالى عن لون من ألوان الأحاديث التي يتحدثون بها في مجتمعاتهم { وأقبل بعضهم على بعض يتساءلون * قالوا إنا كنا قبل في أهلنا مشفقين * فمنّ الله علينا ووقانا عذاب السموم * إنا كنا من قبل ندعوه إنه هو البر الرحيم } ، ومن ذلك تذكرهم أهل الشر الذين كانوا يشككون أهل الإيمان ويدعونهم إلى الكفران { فأقبل بعضهم على بعض يتساءلون * قال قائل منهم إني كان لي قرين * يقول أءنك لمن المصدقين * أءذا كنا ترابا وعظاما أءنا لمدينون * قال هل أنتم مطلعون * فاطلع فرآه في سواء الجحيم * قال تالله إن كدت لتردين * ولولا نعمة ربي لكنت من المحضرين * أفما نحن بميتين * إلا موتتنا الأولى وما نحن بمعذبين * إن هذا لهو الفوز العظيم * لمثل هذا فليعمل العاملون }



البوست بتاعك مؤثر جدا
خليتينى اشتاق للجنه اوى
ربنا يجمعنى واياك وكل المسلمين فى الجنه

تحياتى

الحلم العربي يقول...

جزاك الله خيرا
تعليق حضرتك اللى رائع
فعلا ربنا سبحانه و تعالى قال لنا التلخيص في الآخر
بسم الله الرحمن الرحيم
" لمثل هذا فليعمل العاملون" صدق الله العظيم
يعني لو احنا مشتاقين ليها اوي لازم نعمل لها
ربنا يرزقنا العمل الصالح اللى يجعلنا من أهل الفردوس الأعلى

و ربنا يتقبل دعائك و يجمعنا جميعا في الفردوس الأعلى

حياك الله

RAMA يقول...

ياااااااااه يا حلم

ايه الجمال ده... أنا بشتاق للجنة كتيييييير اوي وبقعد أفكر في الحاجات اللي حعملها هناك وكنت بفكر أكتب حاجة عن الجنة بس أنت سبقتيني ... بجد بوست تحفة

حلم.. ادع لي أدخل الجنة.. لا ادع لي ادخل الفردوس الأعلى.. حتدع لي صح؟.. اوعي تنسي

إني أحبك في الله

الحلم العربي يقول...

rama
....
أحبك الله الذي أحببتنى فيه
و الله يعلم انا كمان بحبك في الله

و الله بدعيلك بالاسم دايما في صلاة التراويح ..و هدعيلك كمان بالفردوس الأعلى يارب تكونى من أهلها و تتنعمي فيها و نكون مع بعض فيها و نكون جيران الرسول صلى الله عليه و سلم
ايوة كده دايما لازم نشتاق لها و نتخيلها علشان تهون المصاعب و علشان نعمل لها لأن مهرها غالى

تحياتي ليكى يا حبيبتى و ربنا يرضى عنا جميعا

Human يقول...

زوروا وشاركوا في إلارسولي
http://elarasoly.blogspot.com/
وده واجبنا كلنا للرد على تلك الهجمات
................

bos bos يقول...

تخيلى أن جسمى كله بيترعش من الكلام ده
كنت بتخيل الصورة فى كلامك
ياه هل ممكن نوصل لده
وسألت نفسى هو أحنا بنعمل ايه علشان نوصل لده وياريت فعلا كلنا نتسابق للفعل اللى هيوصلنا لده
وشكرا على البوست الرائع ده
تحياتى لكى

احمد رفعت يقول...

الجنة الان مفتحة الابواب باقى بس من يدخلها ...

رغم انفه من ادرك رمضان ولم يغفر له ..

بوست رائع وجميل بجد

يارب نتقابل في الجنة

الحلم العربي يقول...

human
......
شكرا على الدعوة و إن شاء الله هشارك و كل واحد فينا يحاول يعمل اللى يقدر عليه علشان يغير صورتهم عن نبي الرحمة صلى الله عليه و سلم ...و الله هتتغير لو احنا بدأنا بأنفسنا و حاولنا ننصره بتطبيق سنته و نرجع الأخلاق اللى دعا لها في الأرض

تحياتي لكم و أعانكم الله

الحلم العربي يقول...

bosbos
......
فعلا يا بوس بوس عندك حق احنا محتاجين نركز و نعرف احنا هنعمل ايه علشان ربنا يجازينا الفردوس الأعلى ...صحيح محدش هيدخل الجنة بعمله لكن لعلنا نقدم ما نقدر عليه حتى يرحمنا رب العباد

اوصيكي بالدعاء جعلك الله من أهل الفردوس الأعلى

الحلم العربي يقول...

أحمد رفعت
........
العريس شخصيا عندنا؟!!!
أهلا و سهلا نورت المدونة....ربنا يتقبل منك و نتقابل كلنا في الفردوس الأعلى و يسقينا الرسول صلى الله عليه و سلم من يديه شربة لا نظمأ بعدها أبدا و نكون جيرانه

أوصيك بالدعاء ربنا يعتقنا في هذه الأيام الجميلة لعل الله يتقبل منا جميعا

تحياتي لك و نسأل الله الفردوس الأعلى و ما يقرب إليها من قول و عمل

ولــــــــــو يقول...

بارك الله فيكي
احسنتي الوصف واحسنت النيه واحسنتي الامنيات
ربنا يوفقك ويجمعنا ف الجنه انشاء الله
ربنا يهديكي لليله القدر ويخرجك من رمضان مغفور لكي برحمته سبحانه
انه على كل شئ قدير
ربنا يتقبل

sendbad يقول...

جزاكي الله خير ا وجعله في ميزان حسانتك
كل عام وانتم بخير

عمر يقول...

ربنا يكرمك يا رب وربنا يديلك كل الانت عايزاه بس فيه خير ليكي ويوفئك في حفظ القران ويحشرك مع كل من تحبين ومع الرسول صلى الله عليه ةسلم

واد غلبان يقول...

لا تعليق
كلام مؤثر جدا
بس حبيت اثبت حضور

احمد رفعت يقول...

بكرة العيد

كل سنة وانت أطيب واروع

داليا عز يقول...


أخى الفاضل : صاحب المدونة

السلام عليكم ورحمة الله وبركاته

بصفتك مدون عربى ؛ أعوك للمشاركة برأيك فى فكرة انشاء اتحاد للمدونين العرب على هذا الرابط


http://bent-elneel.blogspot.com/2007/10/blog-post_10.html


وأنت أيضا أخى زائر هذه المدونة مدعو للإدلاء برأيك فى المشروع

خطوة جديدة لعالم التدوين العربى

لا تتركنا نتخذها بدونك

شارك معنا برأيك

الإقتراح مقدم من قبل : داليا عز صاحبة مدونة : بنت النيل .. على هذا الرابط


مع تحياتى داليا عز

فبركة يقول...

اللهم أرزقنا الفردوس يا حنان يا منان يا رحمن يا رحيم

ألف رحمة ونور عليكى يا شيماء
اللهم أرحمها وأرحم كل موتى المسلمين
اللهم أرحمنا فوق الأرض وتحت الأرض ويوم العرض عليك
رجاء من الكل زيارة مدونتى وقراءة البوست الأخير
جزاكم الله خيرا

المستقبل يقول...

الطريقه اللى سردتى بيها البوست غايه فى الجمال وطريقه ياريت الكل ياخد بيها فى الدعوه انا عن نفسى بيتهيألى ان نفسى اعمل اللى انتى كتبتيه وان شاء الله نكون كلنا على حوض امام المرسلين وسيد الخلق اجمعين
يارب اجعلها ممن يجاورون حبيبك المصطفى دعوه بظر الغيب ارجو ان تستجاب

ولــــــــــو يقول...

عزيزتي الحلم العربي
كل سنه وانتي بخير واتمنى من الله ان تكوني ممن انعم الله عليهم ف رمضان
عيد سعيد

الحلم العربي يقول...

ولو
...
آميييييييييين و لك مثله يا رب و ربنا يجمعا جميعا في الفردوس الأعلى

تحياتي و آسفة على التأخير في الرد

الحلم العربي يقول...

sendbad
........
كل عام و حضرتك بخير و ربنا يتقبل منك
أشكرك بشدة

الحلم العربي يقول...

عمر
....
ايه الدعوات الجميلة دي؟؟
يا رب يتقبل منك و يجازيك خير يا رب

تحياتي و نورتنا لأول مرة

الحلم العربي يقول...

واد غلبان
.........
حضورك ثبت يا افندم و نورتنا بجد
شكرا على الكلام الجميل

تحياتي و كل سنة و انت طيب

الحلم العربي يقول...

أحمد رفعت
........
للأسف انا ما شفتش التعليق غير بعدها بثلاثة ايام ...آسفة على التأخير في الرد

كل سنة و حضرتك أطيب و اروع و اقرب إلى الله

تحياتي و شكرا جدا على ذوقك و فضلك في انك سبقتنى بالمعايدة

الحلم العربي يقول...

داليا عز
..........
شكرا على الدعوة و انا جاية اهو

تحياتي

الحلم العربي يقول...

فبركة
......
أهلا بيك أول مرة عندنا
ربنا يتقبل منك ...آمييييييييين
ربنا يرحمها و يغفر لها و يسكنها الفردوس الأعلى

شكرا لزيارتك

الحلم العربي يقول...

المستقبل
.......
آميييييييين
اشكرك جدا على دعواتك الجميلة و تعليقك الرائع
يارب نقدر نحقق شئ في الدنيا يجعلنا ممكن ينعم الله عليهم بالجنان

تحياتي لك و إن شاء الله نتقابل في الجنة

الحلم العربي يقول...

و لو
....
دائما تسبقنى بالخير
و انت طيب و بخير و سعادة
و ربنا يتقبل منك و يجعلك من أهل الفردوس الأعلى

تحياتي و كل سنة و انت طيب