شوية حاجات يمكن تنفعك

1- السعادة قرار : ده حقيقي مهما كنا بنقاوح في الموضوع ده صحيح مش دايما الحزن بايدينا لكن لما الحزن بيطول غالبا احنا اللى بنتسلذ الاحساس ده و بنطوله بمزاجنا.

2- لو عاوز تتعلم ماتاخدش كل الحاجات من اللى بيعلمك مسلم بيها ، اللى بيعلمك بيعلمك من خلال تجربته و رؤيته الشخصية اللى اكيد فيها قصور ،حط تجربتك الشخصية و نكهتك المميزة على الحاجة اللى بتتعلمها يمكن تتوصل لحاجة جديدة تعلمها للى علمك كمان.

3- عاوز تحس بشعور باباك و مامتك ، خليك مسئول عن طفل لمدة ساعة مسئولية كاملة يعني تبقى مسئول انك تسكته لو عيط و تأكله لو جعان و تغيرله كمان لو لزم الأمر ، ساعتها هتعرف يعني ايه الكلام اللى كانوا بيقولوهولك باباك و مامتك انهم ممكن يعملوا اي حاجة علشان انت تبقى كويس.

4- ما تحكمش على حد من انطباع شخصي واحد و لا من موقف واحد ، عادة الناس بتتغير ، جرب تقعد مع حد انت مش بتحب قعدته قوي لكن بنظرة مختلفة و حاول تفتش عن الحاجة الكويسة اللى فيه و أكيد هتلاقيها لو انت موضوعي و ساعتها هتعرف ان الحياة أجمل لما نتقبل بعض و ندي فرص لبعض أكتر و أكتر .

5- سيب للدنيا فرصة تفاجئك ، ماتستعجلش كل حاجة و ماتقولش ان حظك قليل و الناس حظها اكتر منك ، ربنا قسم المفاجآت الحلوة علينا بالتساوي لكن كل واحد بياخد مفاجأته في الوقت المناسب ، من الآخر ماتاخدش الدنيا عافيه :)

6- لو فاكر ان مأساتك أكبر مأساة في الدنيا فأحب اقولك انك أنانى جدا ، كل واحد فينا اتكسر و مر في حياته بامتحان كان بمثابة نقطة تحول ، فيه ناس اتغيرت لأنها كان لازم تتغير و ناس اتغيرت لأنها استسلمت و ناس تانية المأساة خلت معدنهم يبرق من كتر ما النار صهرته ، كل ما كانت مأساتك كبيرة و انت وقفت قدامها كل ما معدنك لمع بعد ماتخلص ..و أكيد هتخلص .

7- ماتحاولش تكون التاني بتاع حد لأنك مش هتعرف و لأنك هتضيع النسخة الأصلية منك .. أجمل ما فيك ان مافيش منك اتنين .

8- ماتحاولش تقلد النسخة القديمة منك حتى لو كانت أحسن بكتير منك دلوقتى... مفيش حد بيرجع لزي ماكان زمان ...لكن ممكن تبقى أحسن من زمان و من دلوقتى لما تعرف ايه الحاجات اللى كانت حلوة فيك زمان و تزودها على الحاجات اللى اكتسبتها دلوقتى و ان شاء الله الناتج يبقى بنى آدم أجمل .

9- مهما صعبت عليك الدنيا لما تدعي من قلبك هتجيلك رسالة من ربنا بتقولك انك مش وحيد ربنا اللى خلق الكون ده كله بيسمعك انت فلان الفلانى و بيستجيب ليك انت و شايفك فما تقلقش .

10 - لو اقتنعت بحاجة من الكلام ده كمل عليه و انا هضيفها و لما يوصلوا خمسة و عشرين نقطة هننشرهم تاني يمكن ينفعوا حد تالت :)

بعد رحيلك

و في يوم من الأيام

سأصحو لأجدني قد تخلصت من بقايا ملابسك و تصدقت بها على روحك لشحاذي المدينة كي أراك فيهم كل يوم

سأعود إلى منزلنا و سأوقد كل الشموع التى كنت تطفئها

سأفتح النوافذ كي أستقبل شمس يوم جديد و رائحة المطر لاتزال في أنفي

سأفعل كل هذا و أنا أحتسي قهوتي الصباحية

أعرف تلك الدمعة التى ستنحدر من عيني على أيام ذهبت إلى صناديق الذكريات ، لكنني سأمسحها سريعا عندما أنظر إلى مقعدك المفضل لأراه فارغا ، و ستزداد طمأنينتي عندما تطغى رائحة المطر على رائحة التبغ الكامنة في أنسجة المقعد

سأرفع عيني لأرى ذلك الجزء المكسور من المرآة ، ذلك الجزء الذي أصر ألا يتحطم في آخر معركة لك هنا ، عندما استقر قرينه بعد تناثر شظاياه في ذراعي .

سأكشف ذراعي لأرى كل الجروح قد التأمت ، و سأنظر لركن المرآة المكسور لأرى ابتسامتى قد عادت لتقول لي " البقاء لله"

حكم قديمة

قليل من الحكم البديهية قد يفيد أحيانا

" الأشياء الثمينة نفقدها قيمتها عندما نهديها لمن لا يعرف قيمة الأشياء"