الكلام ده مجرد فضفضة مالهاش لازمة غير إني أطلع طاقة ضيق من شيء ما وعلشان أفكر نفسي أتناقش فيه مع اللي يحب يشترك في المناقشة لما أكون مستعدة ليها،
ايه هي حدود حرية الإنسان؟ مطلقة ولا مقيدة؟ وأنا هنا مش باتكلم خالص لا في المعتقدات ولا في الشكل أكيد ولا في الاختيارات الشكلية، أنا باتكلم عن الاختيارات اللي ممكن تؤدي بيه للهلاك المادي أو المعنوي، يعني لو فيه ناس بتقول الإنسان حر في اختيار حياته أو موته، هل لو اللي حواليه شايفينه رايح لسكة الانتحار وسايبينه لأنهم مش عاوزين يتدخلوا في حريته هما كده صح ولا غلط؟
طيب بلاش الانتحار، الوحدة والأفكار المؤدية حتما للجنون، هل من حق محبيه إنهم يمنعوه بالقوة عن مصير صعب هما شايفينه وهو مش شايفه؟
طيب نفس الناس دي شايفين إننا لازم نتخذ إجراءات مع مدمري البيئة والدول اللي انبعاثات الكربون بتاعها مدمرة الكوكب، لو بعض المنظمات اتخذت إجراءات رادعة معاهم تبقى بتتعدى على الحرية؟
فيه حد هيقولي دي مش حرية شخصية دي حرية عامة، وأنا موافقة على النقطة دي لكن هل الحرية العامة دي مش مكونة من ناتج حريات أفراد مجتمعين؟
يعني لو احنا كمجتمع سبنا وحش الاكتئاب كل يوم يخطف مننا شخص هل ساعتها هيكون فيه حرية شخصية وحرية عامة؟ ولا الحرية الشخصية هتتلاشى أمام المصلحة العامة؟ وبالمثل على كل الأمثلة
الكلام مش منتظم وأنا قاصدة أسيبه كده لغاية ما أقدر أتناقش فيه مع اللي يحب.
ايه هي حدود حرية الإنسان؟ مطلقة ولا مقيدة؟ وأنا هنا مش باتكلم خالص لا في المعتقدات ولا في الشكل أكيد ولا في الاختيارات الشكلية، أنا باتكلم عن الاختيارات اللي ممكن تؤدي بيه للهلاك المادي أو المعنوي، يعني لو فيه ناس بتقول الإنسان حر في اختيار حياته أو موته، هل لو اللي حواليه شايفينه رايح لسكة الانتحار وسايبينه لأنهم مش عاوزين يتدخلوا في حريته هما كده صح ولا غلط؟
طيب بلاش الانتحار، الوحدة والأفكار المؤدية حتما للجنون، هل من حق محبيه إنهم يمنعوه بالقوة عن مصير صعب هما شايفينه وهو مش شايفه؟
طيب نفس الناس دي شايفين إننا لازم نتخذ إجراءات مع مدمري البيئة والدول اللي انبعاثات الكربون بتاعها مدمرة الكوكب، لو بعض المنظمات اتخذت إجراءات رادعة معاهم تبقى بتتعدى على الحرية؟
فيه حد هيقولي دي مش حرية شخصية دي حرية عامة، وأنا موافقة على النقطة دي لكن هل الحرية العامة دي مش مكونة من ناتج حريات أفراد مجتمعين؟
يعني لو احنا كمجتمع سبنا وحش الاكتئاب كل يوم يخطف مننا شخص هل ساعتها هيكون فيه حرية شخصية وحرية عامة؟ ولا الحرية الشخصية هتتلاشى أمام المصلحة العامة؟ وبالمثل على كل الأمثلة
الكلام مش منتظم وأنا قاصدة أسيبه كده لغاية ما أقدر أتناقش فيه مع اللي يحب.
ياريت لو حد عنده اقتراحات لكتب أو أفلام اتكلمت في النقطة دي يفيدني بيها.
