٢٠٠٧-٠٧-٢٧

لعنة الأوتوكاد



هل تعلم أن حياتك مثل برنامج أتوكاد

إذا أردت أن تفتح صفحة جديدة في حياتك اضغط
file / new
إذا أردت أن تستعيد الماضي اضغط
file / open
و شاهد الماضي
إذا أردت أن تري الصورة بشكل عام اضغط
zoom /all
أما إذا اردت أن تري تفاصيل الحياة بوضوح اضغط
zoom /window
أراك تريد أن ترى الحياة من كل الاتجاهات فلتضغط
3d orbit
هل تاملت يوما تلك الحياة بطبقاتها ؟؟
الاوتوكاد أيضا يحمل الطبقات ذات الألوان و الأشكال المختلفة تماما مثل الحياة
فقط عليك ان تضغط
format / layers
تريد أن تقيم أحلامك و تقيسها ؟؟
فما وحدة القياس التى تريد ؟؟؟
هل تعلم انك تمتلك الكثير منها تحت يديك في هذا البرنامج
فقط افعلها و اضغط
dimensions
لتجد العديد من الاختيارات

الناس تماما مثل أوامر الاوتوكاد
فستجد منهم من يشبه أمر ال
move
متحرك دائما ...يعمل و لا يكل ...و لكن قليلا ما يعمل هذا الأمر في حياتنا تري لم؟؟!!!0
منهم من هو مثل ال
rotate
يأخذ حاجته منك ثم يستدير ليبحث عن آخرين لينال منهم البعض
أما ال
mirror
ستجده و لكن قليلا في حياتك فهذا هو الصاحب الذي هو مرآتك ...يكشف لك عما بداخلك يصارحك
يصدقك فصديقك كما تعلم من صدقك لا من صدَقك
trim
اقطع به العضو الذي لابد من بتره حتى يصح البدن كله
أما
extend
فصل به من وصلك .... ومن قطعك إن لزم الأمر
explod
ستحتاجه كثيرا عندما تريد أن تنفجر و تفجر كل ما حولك من سلبيات
أما
scale
ستحتاجه عندما تريد ان تعرف حجمك مقارنة بأحجام الآخرين
انعش حياتك...... فقط اضغط
REGEN

أخطأت كثيرا في الطريق عليك ب
undo


و لكن تبا للاوتوكاد فالحياة لا تحمل ال

UNDOOOOOO


هناك ٣٢ تعليقًا:

سكينة يقول...

فوق يا حلم من الحلم اصل فيه أن دو في الحياة جايز معقد شوية لكن المضطر يركب الصعب
أليست التوبة
أن دوو, وأيضا الاستغفار أن دوو, وأتبع الحسنة السيئة تمحوها كذلك أن دوو
وبين الناس هناك "بحبك" عبارة عن أن دوو ووحشتيني مفروض أن دوو وكذلك أنا أسف على التأخير والتغليسس أن دوو
:)
أنا شايفة أن فيه
undo

حزيــــــــــــــــــن يقول...

السلام عليك ورحمة الله وبركاته
ازيك اسأل الله ان يثلج صدرك ويريح بالك وييسر لك من امرك رشدا

معلش اتأخرت عليكى كنت مشغول شويه فى انتظار النتيجه الحمد لله نجحت واتخرجت وبقى معايا بكاليريوس اقتصاد وطبعا مش عارف هعمل بيه ايه بس الحمد لله
انا قرأت البوست دا والبوست اللى تحت
بصى كله الا درس القرأن الدين هو الحاجه الوحيده اللى بتريح الضمير فى حياتنا عايز اقولك انى من 8 شهور غبت حصه حصه من معهد القرأن ولما رجعت لقيتهم سبقونى بربع فجيت احفظ الربعين فمعرفتش احفظهم فى يومين فرحت الحصه اللى بعدها حافظ ربع واحد فالشيخ قالى لازم تجتهد وكانت امتحاناتى فى الكلبه قربت فغبت الحصه اللى بعدها وقلت هبقى احفظ وفضل يتراكم عليا ربع ورا ربع وانا مش عايز ارووح الا لما احفظ اللى عليا لحد انهارده
انا حزين جدا
بالله عليكى لا تتأخرى على المعهد
بشرى ولا تنفرى اللى جاى احسن ان شاء الله
وكل عام وانت بخير
وابقى طمنينا عليكى

محمود على يقول...


ايه يا عم التشبيهات الجامده ديه
علي الرغم اني مليش في الاوتو كاد
بس لما فكرت بيها في الاكسل مجال تخصص
ظبطت
وفعلا
ما الدنيا الا حزمه اوووفيس كبيره

عجبني اوووي رائ
سكينه
فعلا في اندوو

semsem يقول...

لا حول ولا قوة الا بالله
ادى اخر القاعده قدام البرامج

ربنا بعينك

همسة قلم يقول...

انتي بخير يابنت الحلال؟
اذا الشغل الجديد كان ده تأثيره يابنتي يبقى بلاش منه احسن واديله دليت افيدلك :)

الحلم العربي يقول...

سكينة
.......
أهلا بيكي لأول مرة في المدونة و يا رب ما تكونش آخر مرة
نورتينى
اتفق معك جدا في ان التوبة أن دوو ...و أحسن من أن دوو أيضا لأنها تبدل السيئة بالحسنة و ذلك من رحمة الله بنا

أما بين الناس فاختلف معك و سأشرح لك :
في الاوتوكاد ممكن تفتحي فايل و تشتغلى فيه كتير و بعدين تكتشفي انك غلطتى من الأول فتقدعدي تدوس أن دووو لغاية ما توصلى للنقطة اللى انتى عايزاها ساعتها بتكون الأولمر اللى عملتيها كلها كانك ما عملتيهاش

أما مع الناس ...لو أخطأتى في حق حد مرة و استحملك فلن يتحمل منك الاخرى و حتى لو تحملها فلن ينسها ...فقط تبقى في ركن ما في ذاكرته جاهزة للاسترجاع وقت ما يشاء

إذا فالتوبة أن دوو حلو أوي ...لكن مع الناس فالأن دوو لا يفيد كثيرا ...و هذا ما كنت أقصده في البوست

عموما احترم وجهة نظرك و تأملك بشدة
و بجد نورتينى

الحلم العربي يقول...

حزين
.....
ألف مبرووووووووووك النجاح ....ربنا يوفقك في الشغل إن شاء الله و استعد لمرحلة جديدة من حياتك ...نفع الله بك الأمة

أشكرك بشدة على النصائح الغالية ...و فعلا انا كلمتهم في المعهد و طلع ان كل المجموعة بتاعتى عندهم ظروف اليومين دول فاضطرينا نأجل الفصل بتاعنا لبعيد عيد الفطر ....لكن أنا قررت انى أراجع على كل الحفظ القديم في الفترة دي ....و الحمد لله
صحيح ده بردو اختبار من ربنا تانى ....يا تري البعد ده عن المعهد هيخلينى عاملة ازاي ...لكن نسأل الله الثبات على الحق

و جزاك الله خيرا
و ثبتك أنت أيضا على الحق ...و رزقك حفظ القرآن و العمل به على الوجه الذي يرضي الله

تحياتي لك

الحلم العربي يقول...

محمود على
........
فلعا رأي سكينة متميز و واضح انها ماشاء الله عليها مخها صاحي

و فعلا أنا حاولت اجيب الأوامر المشتركة في برامج كتيرة علشان اللى ا يعرفوش الاوتوكاد كويس

شرفتنى بتعليقك الجميل

الحلم العربي يقول...

semsem
.......
شكرا على الدعاء
ايوة شوفتوا بقى ....اللى مش هيشرب اللبن هيبقى زيي كده

ههههههههههههههههههه

تحياتي

الحلم العربي يقول...

همسة قلم
........
يا حبيبتى انتى قلقتى عليه و لا ايه ؟؟؟
لأ ما تخافيش أنا لسة بكامل قواي العقلية و الله

موضوع الديليت ده صعب دلوقتى ...لكن هفكر فيه ...محتاجاه فعلا ولو لفترة مؤقتة

شكرا ليكي جدا و المدونة نورت بهمساتك الرقيقة

ولــــــــــو يقول...

كنت ف فتره من حياتي عايز اتعلم البرنامج ده من كتر ما اصحابي بيتكلموا عنه وندمت اني مااتعلمتوش
وجه الوقت اللي اكتشف فيه ان القدر كان رحيم بيا
ايه يعني لما ابقى جاهل اوتوكاد ودماغي زي ماهيه
كان الله ف العون البرمجه ضربت والبورده مش مستحمله
رفقا بها
بجد بوست متميز والفلسفه بتنط منه
تحياتي

الحلم العربي يقول...

و لو
...
حتى أنت يا بروتس
و الله أنا لسة بعقلي يا جماعة ...انتو ليه محسسن انى خلاص عقلي ضرب....لسة فاضلي شوية

تحياتي لك ....و لو تحب تتعلم الأوتوكاد ابقى قولى ...بس خلى بالك من عقلك الأول...ههههههههههههه
شكرا لوجودك و تعليفك

لو كنت أعلم يقول...

وحشتيني يا جميل

البرنامج ده خياراته واسعة غعلاً

هههههههههه

بس ياترى ما فيهوش
delete

عشان بيكون مهم جداً
لمن هو غير مرغوب فيه
وما اكترهم

تحياتي

والبوست جامد مووووت

dead man يقول...

طب تقريبا كده انا هحب الحياة علي طريقة الأوتو كاد .. فعلي الرغم مما تحمله الحياة إلا أنى أرفض الديليت والاندو، فكل ما حدث لي يوما ساهم في أن أكون أنا..

ابو العربى يقول...

ههههههههههه حلوة يامعلم انا معرفش الاوتوكاد بس بالفكاكه كده فهمتها جمده

غير معرف يقول...

كويس يا حلم انك اديتينا فكرة عن الاوتوكاد بسمع الكلمة دي من اصحابي المهندسين كتير بس ولا بكون فاهم حاجة الصراحة:)


لاحظت من التعليقات ان في اتفاق علي ان في حاجات بالذات في علاقتنا مع ربنا بتكون احسن من الاندو ومتفق معاكم في الراي

احيانا مع بعض الاشخاص اللي بيحبونا وبنحبهم بنعرف نعمل اندو لو زعلوا مننا مثلا وبيسامحونا ويا دار مدخلك شر

الصقر الجارح يقول...

عندك حق فى حاجات كتير
بس لو الحياه زى البرنامج بيتهيالى هتبقى احلى
هناك تقدر تتغير بضغتط زر اما فى الحقيقه ياريت تبقى كده فعلا

سندباد يقول...

حلوة الفكرة
بس احنا بشر

Known as PHYSCO يقول...

جامدة جدا يا حلم عربى .. ماكنتش أتوقع غن حد يؤلف موضوع عن الأوتوكاد .. وأنا معاك جدا فى الجملة الأخيرة رغم إنه بيساعدنى كتير بس برضه ما يمنعش :)

تحياتى

momken يقول...

هههههههههههههه
ماشى طب كنا قولنا لبتوع الثانويه العامه يضغطوا ext
علشام يخرجوا من الحياه

البوست فكرته حلوة اوى
يا ريتنا شغلين بزراير مكنش حد غلب
تحياتى

الحلم العربي يقول...

لو كنت أعلم
.............
انتى وحشتينى أكتر

فعلا البرنامج خياراته كتيرة و علشان تتبسطي فيه
delete & erase
شفتى بقى ....
لكن يا ريت نعرف نعمل لهم كده فعلا .....للأسف حتى دول مش بنعرف نمسحهم من حياتك

تحياتي

الحلم العربي يقول...

dead man
.........
أهلا بيك عندنا لأول مرة و نورت البلوج فعلا

اتفق معك بشده ...فكل ما يحدث لنا في حياتنا حتى و لو كان خطأ فهو بالتأكيد استفادة لنا و دروس نتعلمها

تحياتي لكلماتك العميقة
و أهلا بيك

الحلم العربي يقول...

ضد الظلم
.........
ههههههههههههههههه
حلوة معلم دي ....حسستنى انى ماسكة الشيشة بدل الكيبورد

كويس ان الفكاكة لسة شغالة في الزمن ده .....و تحياتي لفكاكتك

نورتنى

الحلم العربي يقول...

مصراوي أوي
...........
أهلا بيك و سعيدة برجوعك لعالم التدوين

كلامك صح فعلا لكن للأسف الاصحاب دول مش كتير .... مش كتير اللى بيقدروا يسامحوا و يصفوا تماما من ناحية أصصحابهم

و مش كتير اللى بيعرفوا يعتذروا و يعملوا الأندو مع اصحابهم

تحياتي

الحلم العربي يقول...

الصقر الجارح
...........

أهلا بيك لول مرة عندنا و يارب المدونة تعجبك

متفقة معاك بردو في كلامك ....ياريتنا نقدر نتغير بزرار ....لكن هكذا الحياة ...تعب و مشقة حتى نحقق الأحلام

تحياتي

الحلم العربي يقول...

sendbad
.........
أهلا بيك
نورتنى كالعادة

فعلا احنا بشر و علشان احنا بشر لازم نتعلم ان الاندو مش كتير في حياتنا فلازم نفكر في كل شئ قبل فعله

تحياتي

الحلم العربي يقول...

بيقولوا سايكو
..............
هما مين اللى بيقولوا سايكو؟؟؟؟

ماتصدقيهمش ...انتى زي الفل

أهلا بيكى لأول مرة و نورتينا

مادمتى زميلة بقى و بتستعمليه احب اقولك خدي بالك ليحثلك زي ما حصلى و دماغك تلسع منه...هههههههه

تحياتي

الحلم العربي يقول...

momken
........
اهلا بيك يا افندم

لكن لو كنا شغالين بزراير كنا هنعتمد عليها و نركن لها و ما نتغيرش و تفاجئنا الحياة بان النور يقطع فجأة و مانلحقش نعمل أندو و لا أي حاجة ..
أنا بقول الحمد لله اننا مش بزراير

تحياتي لك و لتعليقاتك الظريفة دائما

mo'men mohamed يقول...

فعلا
حياتنا كلها تردد وعدم استقرار
كلها من أولها لآخرها زى بعضها
ان شاء الله نقدر نغير الوضع
جزاك الله كل خير
السلام عليكم

الحلم العربي يقول...

mo'men mohamed
..............
شكرا لوجودك و جزانا الله و إيالك الجنة

فعلا جيلنا كله موسوم بالتردد ...ربنا يهدينا جميعا

تحياتي لك
و أهلا بيك

أحمد الدريني يقول...

كاد الاتوكاد ان يكون حياة؟

الحلم العربي يقول...

أحمد..يكتب كما لم يكتب من قبل
..........................

صدقت
و لكنه حياة تنقصها عفوية البشر

تحياتي للتعليقات المختلفة