2008-02-28

كثير من الزيف


و الله احلويت يا إزاز
و بقيت فشر الألماظ
الصورة هي الصورة
و الرك على البرواز

..............
مقتبس من فيلم أضواء المدينة

هناك 12 تعليقًا:

ولــــــــــو يقول...

انتي بتجيبي الكلام الفظيع ده منين؟
عارفة ان دي قدرة ربنا اختص بيها ناس قليلين ف الدنيا
انهم يعبروا عن موضوع كبييييييييييير جدا ومش ينفع غير اننا نقعد نتكلم ونتكلم وف الاخر مش نفهم بعض فييجي حد زيك يقول كلمتين بكل الكلام اللي اتقال
انا مش ينفع طبعا اطول واقول ف الموضوع علشان انتي جيبتي المفيد

بجد تسلم دماغك

وحشني اوي اني اقول اللي هاقوله دلوقت بجد

انا اول تعليق
yes i made it

ضد الظلم يقول...

كلمات فى الجون روعه انا معرفش الفيلم ده بس الكلام جامد وممكن اكون شوفت الفيلم وعدا عليا الكلام

تحياتى

الحلم العربي يقول...

ولو
...
و الله هو الكلام بييجي لوحده ...مش عارفة المعني بيخبط في نفوخي وقت ما بسمعه و بسجله في الذاكرة
ربنا يكرمك على التعليق الجميل أوي ده ....انا ما استحقش كل الكلام ده ....بجد اسعدتنى
و انا كمان واحشنى انك تكون اول تعليق ....
welcome back
يا رب دايما مشرفنى في المدونة و ما تغيبش عننا تانى لأن بجد البوست من غير تعليقك بحس انه ناقص
تحياتي

الحلم العربي يقول...

ضد الظلم
.........
ايوة الكلمات عجبتنى بردو لما سمعتها.....مش كتير بتلاقى كلام يعبر عن حالة بدقة كده
المفروض نحيي كاتب الفيلم اللى انا شخصيا معرفوش
اشكرك على زيارتك و نورتنا
تحياتي

إنسان مقيد يقول...

عزيزتي
أنا دايما بردد كلمات الاغنيه يمكن لأني بحب الفيلم ووجدت فيهم حكمتي المفضله

بس تفتكري الرك على البروز بالنسبه لينا ولا بالنسبه للأخرين
ولأي درجه البرواز هيفرق فينا -بأحساسنا بنفسنا أعني- ولأي درجه هيفرق البروز في نظرة الأخر لينا

على الهامش
الجمله فكرتني بحكمتي الأخرى
بانو بانو بانو
على أصلكوا بانو
تحياتي

Halawa يقول...

كلام حلو قوي
ازيك أخبارك عاملة ايه؟

معلش مجيتش من زمان
عندي كتابة مش عايز أكتبها
وبوستات مش عايز أنزلها

فقلت آجي أغير جو عندككككككككك

سلام

RAMA يقول...

الصورة حلوي أوي يا حلمون بس الكلام احلى

هو مين اللي في الصورة ده يا صابحتي ؟؟؟

ابو مفراح يقول...

السلام عليكم
ايه حكايه الزراير
شكلها المره الجايه حنشتغل على ابره الخياطه

تحياتى ابو مفراح

الحلم العربي يقول...

إنسان مقيد
..........
اهلا بيك لأول مرة عندنا
سؤالك مهم اوي ....مش عارفة الإجابة ...اللى اعرفه اني بكره البراويز اللى الناس بتحطها لنفسها

مش مشكلة الناس بتشوفنى ايه قد ما هو ارق انا بشوف نفسي ايه لأن نظرتى لنفسي هتخلى الناس تشوفها فيه مهما طال الزمن
احييك على تعليقك
و اهلا بيك دايما

الحلم العربي يقول...

halawa
......
اهلا اهلا بعد غياب
كنت فين؟؟ و عامل ايه؟؟
نورت المدونة طبعا بيتك و مطرحك
لكن مالك ليه مش عايز تكتب....انا رأيي تكتب حتى لو مش عاجبك و الناس تقول رأيها
طمنى عليكي دايما
تحياتي

الحلم العربي يقول...

rama
....
أكيد مش صورتى يا راما ..ههههههههه
عجبتك الصورة ؟؟اتفضليها يا قمر
بس الكلام هو اللى معبر عن الحالة اكتر
اناشايف كده
سيبك من الصورة و البراويز انتى عاملة ايه ؟؟؟

الحلم العربي يقول...

ابو مفراح
..........
زراير ؟؟؟؟؟؟؟؟؟؟؟؟؟؟؟
مين جاب سيرة الزراير ؟؟؟هواحنا نقدر نتكلم عن الزراير يا افندم ....
مع احترامنا لكل زراير و خيوط الدنيا ....احنا حضرتك بنتكلم عن البراويز...ايه رأيك فيها؟؟ يا تري كان عندك برواز قبل كده؟؟
هستنى رأيك
عموما نورتنا و اهلا بيك