٢٠٠٨-٠٣-١٢

بين البكاء و الضحك شعرة

النهاردة الصبح أول ما دخلت على الماسنجر لقيت واحدة زميلتى في المكتب كاتبة عبارة استغربتها اوي
"ما أجمل أن يبكي الإنسان و البسمة على شفتيه و أن يضحك و الدمعة في عينيه "
استغربت الكلام أوي و قلت " ايه اللخبطة دي ازاي واحد يضحك و يدمع في نفس الوقت ...طب و ليه الكآبة على الصبح"
بعد كام ساعة و كعادتى في الشغل (مزاجى متقلب) حسيت انى عايزة اعيط ....يعني شوية حاجات أثرت عليه
و لقيت نفسي تلقائيا بضحك في وش كل الناس و بهزر مع انى من جوة مخنوقة أوي
و ساعتها حسيت قد ايه كان عندها حق
"ما أجمل أن يبكي الإنسان و البسمة على شفتيه و أن يضحك و الدمعة في عينيه "

ما أغرب أحوال الإنسان

ساعات يكون مبسوط أوي بس مش عارف أو مش عايز يبين قد ايه هو مبسوط فيسكت و ساعتها يفتكر الناس انه متضايق


و ساعات يكون مخنوق أوي بس مش عارف أو مش عايز يبين أو مش عارف لمين يبين أو مش لاقى الشخص اللى يبين له قد ايه هو مخنوق فيضحك و يهزر و يفتكروه الناس سعيد
صحيح:
سبحان مقلب القلوب و الأبصار
سبحان من بيده ان نضحك ثم نبكي في نفس الوقت
بسم الله الرحمن الرحيم
" و أنه هو أضحك و أبكى"
صدق الله العظيم

عموما
لما تلاقى نفسك وصلت للمرحلة دي (اقصد مرحلة بضحك و قلبي حزين)
حاول تفتكر من هو أتعس منك
تفتكر اخوانك اللى في غزة تحت الحصار و مع ذلك صامدين و صابرين
تفتكر اللى في الصومال قمة سعادتهم انهم يلاقوا قوت يوم واحد
تنظر لأطفال الشوارع في الميادين بالرغم من حياتهم الغير آدمية إلا إنهم عارفين يلاقوا لنفسهم بسمة صافية

تشوف فرحة راجل عجوز فرحان لأنه عرف يجيب لولاده رغيفين عيش بعد ساعتين عذاب في طابور العيش لأنه لو ماجابش من العيش بتاع الفرن مش هيلاقيلهم أكل النهاردة

واعرف قد ايه انت في نعمة كبيرة تحسدك عليها الملوك
الحمد لله
الحمد لله الذي أبكانا لنشعر بمآسي الآخرين
و الحمدلله الذي أضحكنا لنستطيع تكملة مشوار الحياة

هناك ٢٣ تعليقًا:

هوندا يقول...

فعلا وهذا مانا فيه حاليا

MarwaAshraf يقول...

المشكلة إن غزة والراجل العجوز هو سبب بكائنا.. تفتكري نفتكر ايه بقى علشان نبطل نبكي ؟؟؟؟

على فكرة الجملة دي انا بحبها اوي وحطتها مرات على الماسنجر .. ساعت بحس إني فهماها وساعات بحس إني مش قادرة أستوعبها

على فكرة يا حلم .. البوست بتاعك معبر أوي ولمسني أوي

على فكرة يا حلم.. صور الكارتون بتاعتك حتجنني

على فكرة يا حلم .. انا بحبك

semsem يقول...

حلو جدا
وفعلا فى الاخر الحمد لله الذى اضحكنا وابكانا

غير معرف يقول...

الواحد فعلا بيكون قلبه حزين وبيضحك كدة وخلاص عشان ميزعلش اللي حواليه خصوصا لو مش عايز يعرفهم

حزيــــــــــــــــــن يقول...

ايه
وانه هو اضحك وابكى
كنت سأفرد لها بوست عندى

Halawa يقول...

جملة حلوة قووووووووي

الحمد لله ع اللي احنا فيه

تعالي في بوست جديد

وفي بلوج جديد
هلم في الحاجات اللي بحبها
ممكن أبقى آخد الجملة دي
http://helw-elkalam.blogspot.com/

son's egypt يقول...

السلام عليكم
فعلا الحياة بها تناقضات غريبه
وهذه من ضمن التناقضات

غير معرف يقول...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Celular, I hope you enjoy. The address is http://telefone-celular-brasil.blogspot.com. A hug.

ياسر شمس الدين يقول...

فعلا هم يضحك وهم يبكى

الحلم العربي يقول...

honda
.....
ليه بس يا جميل
لأ ...ابتسمى لأن الابتسامة تعطي الأمل لصناع الحياة مثلك
سلامتك من البكاء حبييتى

الحلم العربي يقول...

rama
....
يبقى بردو نبتسم علشان نقدر نعمل لهم حاجة لأننا لو خنقنا نفسنا في الحزن م هنساعدهم و لا هنساعد نفسنا
انا كمان بحس ساعات انى مش فاهماها....لكن هي جات على دي ماهو فيه حاجات كتير مش فاهمينها في الدنيا لكن عايشين فيها

ربنا يخليكي ليه يا حبيبتى
و طبعا الصور و صاحبتهم تحت امرك
على فكرة بقى انا بحبك اكتر ....اهو انتى بقى
ههههههههههه

الحلم العربي يقول...

semsem
.......
اهلا بيكي يا قمر
الحمد لله على كل حال ..على العسر و على اليسر و على البكاء و الضحك
نورتينا
تحياتي

momken يقول...

الحمد لله رب العالمين

حلو اوى البوست المتناقض دى يا حلم

ربنا ياستى يسعد اوقاتك ويبعد عنك اى دموع وخنقه ان شاء الله

بس انتى اتكلمتى فى الموضوع بشياكه اوى وختمتى الموضوع بمنتهى الوقار

تحياتى

سمسم يقول...

امممممممممممم
مساء الفل
على فكرة ممكن تكون صديقتك مش ف الحالة اللي بتعبر عنها الجملة دي وحاطاها كده .. اعجاب بالكلمات وخلاص
ومن وجهه نظري بقى
ان الانسان مش ممكن يبتسم وهو بيبكي .. ممكن وهو مضايق آه
وعلى فكرة كمان
ده اول بلوج ادخل عليه من زمان قوي
واسيب تعليق كمان
ومساء الفل عليكي
(F)

الحلم العربي يقول...

مصراوي اوي
..........
عندك حق بس بردو لازم نفضفض و نقول للى نثق في مشورتهم
ربنا يفرحك دايما و يبعدعنك الحزن
تحياتي
و عود أحمد

الحلم العربي يقول...

حزين
.....
يبقى عمرك اطول من عمري
و لا ده تشابه افكار
عموما ده لا يمنع اننا عايزين نشوف البوست بتاعك لأنه أكيد هيكون ملئ بالإفادة
اشكرك
تحياتي

الحلم العربي يقول...

حلاوة
.....
ازيك يا ولد اخبارك ايه
طبعا الجملة تحت امرك خاصة انها مش بتاعتى يعني هههههههه
لا و جاي لنا بكل ما هو جديد بوست و بلوج كمان
طبعا هاجي إن شاء الله
إلى اللقاء

الحلم العربي يقول...

son's egypt
...........
و لكن تلك التناقضات هي ما يجعل للحياة طعم ....أحيانا
ربنا يفرح قلبك و نورتنا
خالص تحياتي

الحلم العربي يقول...

حدوتةمصرية - ياسر شمس الدين
...........................
و كمان شر البلية ما يضحك
ربنا يسلمنا من شر البلية و من كل البلايا
و يفرح ايامنا كلها
نورت البلوج
و يا ريت تشرفنا كتير
سلام

الحلم العربي يقول...

momken
......
ههههههههههه
عارف انا بضحك ليه؟
اصل انا اول ما قريت التعليق ضحكت لأنى حسيت انك فهمت قصدي اوي ..
و الله مش قصدي اتكلم بشياكة و لا وقار اللى كان قصدي انى ابعد عن بث الكآبة في البوست لأنى حسيت انه قلب حزن اوي
ربنا يسعدك
و يسعدنا بتشريفك لينا دايما
اشكرك

الحلم العربي يقول...

سمسم
....
مساء النور
لازم اقولك الول انى مبسوطة جدا انك رجعت للتدوين و انى مدونتى أول مدونة تزورها من زمان ....ده شرف ليه يا حضرت المخرج العظيم
مش عافة مش متفقة معاك يا سمسم لأن انا نفسي حصل معايا كده و بيحصل و بشوف ناس كتير قدامي بتكون عندهم مشاكل تموت مش تخلى الواحد يبكي بس و تلاقيهم بيضحكوا و بيهزروا علشان مش عايزين يضايقوا اللى حواليهم
هي عموما مرحلة عالية من التسامي
بس انت نورت البلوج
و ما تقطعش الزيارات تاني بقى
تحياتي

غير معرف يقول...

لقد تم البحث على شبكة الإنترنت في محاولة للعثور على أفكار حول كيفية الحصول على موقع بلدي بلوق شخصية مشفرة ، وطريقتك في الحاضر وموضوع بشكل رائع. هل هذا رمز نفسك أو هل توظيف المبرمج لانجاز ذلك بالنسبة لك شخصيا؟

rana يقول...

ان المبيدات لها خطوره عالية على الصحة وخاصتا على صحة الاطفال ولذلك فان وزارة الصحة تنصح الاشخاص دائما بعدم التعامل او استخدام اى مبيدات ليست مصرحة من وزاره الصحة ويجب ان تتم عمليات رش المبيد لابادة والقضاء على الحشرات على ايدى مهندسين زراعين ويكونوا لديهم الخبرة والكفاءة المطلوبة ولذلك فنحن نقدم لكم خدمات رش المبيدات ومكافحة الحشرات فى شركتنا شركة رش مبيدات بالدماموفروعها شركة مكافحة حشرات بالدماموشركة رش مبيدات بالخبر وشركة مكافحة حشرات بالخبر وشركة مكافحة النمل الابيض بالدمامفان شركتنا تختلف عن الشركات الاخرى فنحن نستخدم مبيدات عالمية فهى مبيدات صناعة المانية وامريكية وحاصلة على تصريح وزراه الصحة ولذلك فهى لا تشكل خطوره على حياه الاشخاص فنحن فى شركتنا نكون حريصين كل الحرص على صحة عملائنا ونعمل دائما على تقديم الراحة والامان لهم فنحن كل مانسعى الية هو ارضاء عملائنا فاذا كنتم تعانون من الحشرات التى تتواجد فى منازلكم ولم تجدو الحل حتى الان فنحن نقول لكم قولوا وداعا للحشرات واهلا بمنزل سعيد هادئ وخالى من الحشرات المزعجة والضاره وان شركتنا لها فروع اخرى للتنظيف شركة تنظيف بالدمام وشركة تنظيف بالجبيل وذلك لان تواجد الحشرات يكون مرتبطا دائما بالمنزل النظيف وذلك لان الحشرات دجائما تحب ان تتواجد فى المناطق المتسخة الغير نظيف وتعتبرها ملجا وبيت تعيش به فى امان ولذا فنحن نعمل جاهدين على توفير الراحة اليكم فاذا اردتم الاتصال وطلب الخدمة
جوال رقم0558973863