2008-07-24

ما أحلى الرجوع إليها


لا أدري هل أبدأ حديثي باعتذار عن الإنقطاع أم بتبرير أسبابه أم بتبرير أسباب العودة أساسا ، أم أتناسي كل ذلك و أكتب عن كل ما يحدث بداخلي و كل ما أكننته و لم تعني الظروف أن أبوح به في مكان البوح المفضل أو الوحيد بالنسبة لي " مدونتي" ... الحقيقة أن العودة أصعب بكثير من الرحيل....

أما عن الإنقطاع فقد كان لأسباب لا أعلم هل هي منطقية أم لا و لكن هذا ما حدث بالفعل ....لقد سافرت ....نعم سافرت بعيد عنك مصر بلدي ... نعم أحبك و لازلت و لن أزل على عهدي بك " ده و انتى مطلعة عينى بحبك موت" و لكنها منحنيات الطريق التى تذهب بك أحيانا لأبعد مكان كنت تتخيل أن تذهبه و تعرفك على أشخاص لم تكن تتخيل أن تعرفهم ....
لن أفلسف الأمور و أعطيها أكبر من حجمها لأن الأمر لا يستدعي الكثير من ذلك ، هي التجارب و المقامرات التى نقامر بها متخيلين أننا لن نخسر الكثير إذا خرجنا من التجربة و لم نفعل الكثير ، و لعل الأمر يكون كذلك في حالتى ...الله أعلم
كل ما في الأمر أن القدر وضع في طريقي فرصة للسفر إلي إحدي دول الخليج التى يعمل بها أخي ....فرصة للعمل بالطبع بمرتب أعلى بمراحل مما أحصل عليه في بلدي و خبرة كبري في شركة حجم تعاملاتها يطلقون عليه كمة " دولي" و أشخاص ربما أستفيد منهم الكثير و ربما لا ...و لكن التفكير هداني إلى الجواب الذي لا يمكن مع الإحتمالات "ولم لا"


" ولم لا " كان هذا هو الجواب من داخلي و هو البداية لخوض مغامرة أو مقامرة و لكن دعنا نقول أنها كانت تبدو آمنة و للبعض هي الآن لازالت كذلك " لم لا تذهبين إلى بلد لاتبعد الكثير عن بلدك و يعيش فيها أخاك و ربما تستطيعين جلب أفراد عائلتك فيها ، ولم لا تذهبين إليها و لو لسنة أو سنتين تستفيدين من خبرة بالعمل في شركة كبيرة في الخارج ، و لم لا تحاولين ، و ما الذي يستدعي بقائك الآن تحديدا في بلدك ما دمت تستطيعين الوصول إلى أهدافك بطريقة أسهل في بلد لا تبعد عنها الكثير ثم ترجعين إلى بلدك مرة أخرى ".....و هكذا و هكذا و الكثير من الجمل التى تجعلك تحسم الاختيار باجتياز التجربة مهما كانت النتائج لأنه ببساطة أسوء النتائج إن شاء الله ستكون عودتك لما توقفت عنده ، الأمر الذي لم يكن سيئا على كل حال .


تلك هي أسباب الانقطاع ، سافرت بالفعل و أنا الآن أعمل في تلك الشركة في ذلك البلد .

على مدي شهرين أحاول أن أخزن في ذاكرتي كل ما قابلت من جديد و كل ما حدث لي و كل انطباعاتي و أحاسيسي لتلك اللحظة التى أستطيع فيها سرد الحكايات لك مدونتي و لكم أصدقائي و لكن لماذا تخوننى الذاكرة الآن و لا تسعفني أفكاري ، لا أدري لعله زخم الحياة التى أعيشها أو ربما هو ارتباك تغيير الكثير من تفاصبل الحياة .

إذا لنجعل الحكي عن التجربة لمرات قادمة إن شاء الله و لكنى فقط جئت اليوم لأقول لكل زائري هذه المدونة
" أفتقدكم بشدة
، أحتاج دعواتكم فلاتحرموني إياها
، أشكركم "
ملحوظة : الصورة أعلاه إلتقطها من الطائرة و هي تحلق فوق آبار النفط ، ذلك الشئ الذي غير حياة الكثيرين من أبناء بلادنا.

هناك 22 تعليقًا:

هوندا يقول...

يااااااااااااه سبحانك يارب امبارح جيتى فى بالى وبقول هيا رمت المدونة كده ليه ههههههههههههههههه

يارب تكونى بخر وبتستفيدى من عملك ومستمتعه فى مكانك ربنا يوفقك

blue-wave يقول...

انشاء الله خطوة موفقه
وربنا يكرمك يارب

حزيــــــــــــــــــن يقول...

ربنا يوفقك ويحفظك
كنت اتى مدونتك كثيرا واقول لعل المانع خير

ربنا يوفقك
ابقى شوفيلنا احنا كمان فرصه عندك فى البلد اللى انت فيها :)
ومتتأخريش فى التدوين

ShimaaMahdy يقول...

ربنا معكى و يكون فى عونك ويوفقك

تحياتى

(:

اصرار أمل يقول...

ها أنذى أجد سببا أخيرا لتلك المرأة التى ترد دائما على هاتفكط لتقول : الهاتف الذى طلبته غير متاح !!!!!
فى الشهر الماضى كنت أسكن بنفس المنطقة التى تسكنين بها ... حاولت الاتصال بك ولم أجد جوابا ... كنت فى امتحاناتى؛ واختلقت لك أسبابا ...
كلها الا السفر ...
من المؤكد انها فرصة كبيرة أن تكونى فى الخارج ؛؛؛
الصراحة تطور أكتر ؛ وخاصة فى مجال شغلك ....
ربنا يوفقك ياآية ....
ويكتب لك الخير فى أي مكان ...
وحشتينى .... دعواتك ...........

الحلم العربي يقول...

هوندا
......
ههههههههههه
هو انا اقدر ارميها بردو !!! و الله انا كمان كنت مضايقة علشان بعيدة عنها
وحشتينى اوي يا بنتى
الحمد لله انا كويسة ابتديت استقر نفسيا شوية و كله بيعدي الحمد لله
أشكرك يا قمر

الحلم العربي يقول...

blue-wave
.........
ربنا يخليك يا افندم و يوفقك انت كمان و أشكرك على دعواتك الجميلة

الحلم العربي يقول...

حزين
....
المدونة كانت بتنور بتشريفك يا افندم و آسفة على التأخير
و طبعا لو لقيت فرصة هقولك بس المهم ما تدعيش عليه لو جيت
هههههههههههههه
تحياتي

الحلم العربي يقول...

shaimaamahdy
............
ربنا يكرمك يا قمر
نورتينى و ربنا يتقبل منك و يجازيكي مثل دعواتك الجميلة

الحلم العربي يقول...

ياااااااااااه
أمل حبيبة قلبي ..... وحشتينى جدا جدا جدا
على قد سعادتى بتعليقك على قد ما انا مضايقة من نفسي إزاي ما اتصلتش بيكي و قلت لك قبل ما أسافر ... لكن انا عارفة انك هتعذرينى لما تعرفي قد ايه انا كنت مطحونة قبل ما اسافر
...بجد أنا آسفة
ووحشتينى اوي اوي
ربنا يوفقك في النتيجة و يكرمك في حياتك الزوجية
بحبك في الله

sakayar يقول...

الحلم العربي
السلام عليكم ورحمة الله وبركاته
هوه مش اخوكي كان ف الامارات؟؟؟ راح الكويت امتى؟؟؟
بس بالنسبة لكل الكلام اللي قلتيه طالع محسوس جدا بما إني انا كمان بره مصر
والسنتين دول شهدوا خروج ناس كتيرة من اللي نعرفهم من المدونين
عندك أحمد عيسى صاحب مدونة لحظات ..ف الامارات حالياً وعندك انا في الجانب الاخر من الامارات وعندك بطوطة صاحبة مدونة بطوط ف السعودية وعندك انتي رحتي الكويت ... تشتت غريب فينا اللي أجبر عليه وفينا اللي اختاره بنفسه
لكن الفكرة اللي عايز اوصل لها
جملة بتقوليها انه ليه لأ الواحد يقعد سنة او اتنين ويرجع بلده
ممكن بالنسبة للبنت يكون عادي شوية انها تحلم بعد سنتين ترجع بلدها لان الاصل ف البنات حياة أسرية لانها هي السكن للرجل
لكن بجد اللي اكتشفته هنا على الاقل عندي ف الامارات اني لقيت ناس بقالهم 30 سنة موجودين في البلد رصيدهم ف البنوك يتعدى الملايين ومع ذلك مرجعوش بلدهم وبيقولوا وليه نرجع طالما هنا عايشين ومن غير مشاكل ولا هموم من اللي الواحد بيشوفها ف مصر؟؟
وفيه ناس كانت جاية بتقول انا مش هيعدي عليا سن ال30 غير وانا ف بلدي وبقى عندهم 35 و 40 سنة ولسه مرجعوش ... لان الغربة أخدتهم والحياة العملية اللي بتعطي فلوس اكتر او خلينا نقول الحياة المادية أخدتهم اكتر
أقول لك على حاجة هتعاتبيني فيها؟؟
انا نزلت مصر بعد ما جيت الامارات قعدت 3 شهور ... كنت حاسس بالغربة وانا ف مصر ... ولما رجعت الامارات تاني حسيت اني عادي وكإنها بلدي
لكن اللي عايز اوصل له ... خدي بالك ان الغربة تاخدك من البلد ... احنا لسه ف البداية ...خليكي مركزة على هدفك واول ما توصليله خديه واطلعي جري ...ده لو هدفك ترجعي لمصر بعد كده ... لكن لو هدفك الحياة العملية والمادية ... فخليكي عندك هتستفيدي اكتر
ربنا يعينك ف غربتك ويارب تكون ايام جميلة تعيشيها وتستفيدي منهاومتحسيش فيها بغربة
أعزكم الله
تحياتي يا حلم وأرجو مكونش طولت

آية مش هنا يقول...

تعرفي اني حاسة اني مفتقداكي
باجي كل شوية وملاقيش حاجة
لو كنت عارفة طريقة اوصلك بيها كنت بجد عملتها ...

واصلني احساس الغربة اوي رغم اني جوه البلد و انتي براها
ربنا ييسر لك الخير في مكانك الجديد و يرزقك فرحة قريبة

متغيبيش علينا كده تاني
:)

الحلم العربي يقول...

skayer
......
قائدنا المظفر في المدونة ؟؟ نورتنا يا افندم
أشكرك جدا على نصايحك و ادعيلى ما اكونش من اللى عجبهم الجو و قعدوا لأن مش ده هدفي خالص
انا عارفة ان بلدنا متعبة و الحياة بقت فيها اصعب من البلاد التانية لكن بردو بلدنا و احنا اللى المفروض نكون جمبها علشان تعدي الأزمات
دعواتك
و كلامك فعلا صح اوي و ده كان رأي كتير من المقربين ليه اللى ماكانوش موافقين انى اسافر لكن بما ان ربنا سهل لى موضوع السفر بعد الاستخارة يبقى ربنا يسهل الخير يا رب
تحياتي

الحلم العربي يقول...

آية مش هنا
..........
أنا كمان و الله كنت مفتقداكي في المدونة عارفة ليه لأننا مالحقناش نعرف بعض ويس كنت خايفة تنسينى في فترة الغياب دي ، لكن إن شاء الله مفيش غياب تاني
معلش اليومين اللى فاتوا كمان ما كنتش بفتح الايميل كتير لكن بعد كده هفتحه إن شاء الله
تصدقى إني للأسف مش حاسة بالغربة أوي زي ما ساعات كنت بحسه في مصر ، بتضايق كل ما بلاقى الحياة هنا بالسهولة دي و عندنا في مصر فيه سلبيات كتير ، طبعا مصر حاجة تانية كفاية الناس الجميلين اللى فيها لكن يا رب بلدنا تبقى بالتطور ده إن شاء الله
بحبك في الله يا قمر
و انتى كمان ما تغيبيش عليه

momken يقول...

بالتوفيق ان شاء
السفر به اكثر من سبع فوائد ان شاء الله
ونسال الله ان يتقبله منك
ويجازيكى خير الجزاء عليه ان شاء الله

ونتواصل من اى مكان تكونين فيه
ومصر ليست حولنا
مصر فى داخلنا اينما ذهبنا

تحياتى

محمد آل ربيع يقول...

سعيد برجوعك، أكيد إن الإنتقال لأسلوب حياة مختلف تماماً شيء مقلق لكن حاولي تستمتعي بالتجربة لأقصى حد، هوا شيء مش سيء جداً إنك تبعد عن بلدك، السيء إنك تبعد عن أحباءك هناك، أعتقد ممكن تستغليها إنك تتعرفي ع طباع الناس اللي حواليكي من جنسيات مختلفة و ع فكرة، عشان تنجحي ف الشغل حاولي تلاحظي و تتابعي أسلوب الفلسطينيين و اللبنانيين و تعملي زيهم، ثقتك بنفسك ف الشغل هي أكتر حاجة هتخدمك وسط الناس التانية، كمثال: ماما بتحكيلي إنو واحد مصري و تاني لبناني كانوا مقدمين ع وظيفة ف دبي ف شركة بوليمرز، فبسألوا المصري عاوز كام؟ فقاللهم يعني خمسة ألاف، بينما سألوا اللبناني فقالهم : مش أقل من عشرين ألف و عايز سكن على حساب المصنع، الفكرة هنا إن المصري من القرف اللي بيشوفه هنا فبيروح مستبيع و بيرضى بأي حاجة و بالتالي مدير التوظيف ف شركة زي أسترا بوليمرز مش هيقتنع و هيقول عليه شغله مش نضيف، بينما اللبناني يمكن ما يكونش بنفس الكفاءة لكن هوا أظهرلهم نفسه

أرجو إنك تستمتعي

الحلم العربي يقول...

MOMKEN
......
أشكرك يا افندم على الدعوات و الأمنيات الجميلة و ربنا يجازيك مثلها
و طبعا نتواصل إن شاء الله دايما عن طريق المدونات
و بالنسبة لمصر كلامك صحيح جدا مصر جوانا مش عايشين فيها بس
تحياتي

لو كنت أعلم يقول...

حبيبتي
للأسف الحياة نفسها غربة
الوطن هو ما نحقق أنفسنا فيه

ياريت تكوني صدقتي البقين دول
لأني للأسف عشت بره كتير
بس برضه ما أقدرتش غير إني أموت في حب مصر

تكونش مصر عاملالنا عمل؟!
هههههههههه

ربنا يوفقك يارب

ولــــــــــو يقول...

ربنا يوفقك ان شاء الله
كفاية اننا اطمنا عليكي
ياريت من فترة للتانيه لما ظروفك تسمح تبقى تطمنينا عليكي
يالا يا بطله
سمعه المهندسين واول عباس بين ايديكي
بالتوفيق يارب

الحلم العربي يقول...

محمد آل ربيع
...........
أنا كمان سعيدة برجوعك يا عبقري
انا فعلا بحاول أستفيد و عندك حق اللبنانيين ليهم طريقة ظريفة في انهم يكسبوا اللى قدامهم و دي حاجة حلوة
و فعلا مضوع الجنسيات المختلفة بيعلم الواحد حاجات كتيرة انا ما انكرش ده
ربنا يكرم يا رب و ايوة طبعا هحتاج تجربتك بقى لأنك بقالك كتير في الغربة دي
ربنا يكرمك يا رب

الحلم العربي يقول...

لو كنت اعلم
...........
يااااااااااه
وحشتينى أوي
حمد الله على السلامة
ايوة يا بنتى دي عاملالنا عمل و رمياه في النيل كمان
هههههههه
انا مصدقاكي فعلا لأن هوه ده اللى انا عايشة فيه
انا مبسوطة اوي انك رجعتي
تحياتي

الحلم العربي يقول...

و لو
....
يا نهار ابيض دي مسئولية كبيرة
طيب المهندسين ماشي لكن أول عباس ده كتير أوي علية
ههههههههههه
ربنا يكرمنا جميعا يا رب
و طبعا لازم أظهر لأنى مقدرش استغنى عن المدونة و عن الناس المحترمين اللى اعرفهم من خلالها
تحياتي