2008-08-24

صورة

الصورة دي غريبة
من يوم ما شفتها و أنا معجبة بيها أوي
كل ما أروح مكان معايا
على الموبايل
على الديسك توب بتاع الكمبيوتر
و اخيرا حطيتها على البروفايل بتاع المدونة
ناس كتير شافوها و عجبتهم بس كل واحد كانت بتعجبه لسبب غير السبب اللى عاجبانى علشانه
فيه حد عاجباه علشان نقاء ألوانها
و حد عاجباه علشان شكل الكتكوت
و حد عاجباه علشان شكل الحشرة و الكتكوت مع بعض
وحد لما بيشوفها بيشتغرب من كمية الصور الطفولية اللى بحبها
أما أنا بقى بحب الصورة لسبب تانى خالص
بحبها للإصرار اللى فيها
كتكوت صغير في وسط المية صحيح ممكن يكون تايه أو مش عارف لكن بالرغم من ده عنده إصرار يحقق اللى نفسه فيه
ماعندوش مشكلة انه ينط لفوق و يأخد مغامرة انه ممكن يقع لكن لو وقع هيكون مبسوط انه جرب و حاول يوصل لهدفه
و حتى لو وقع
أكيد المرة الجاية مش هيقع لأنه هيكون حاسب المسافة بينه و بين الهدف كويس
الصورة دي بتحمسنى
و بتخليني أتعلم من الكتكوت
الإصرار

هناك 7 تعليقات:

blue-wave يقول...

مممممممممممممممم
حلوة الفكرة
وحلوة الصورة كمان
تسلم دماغك

ولــــــــــو يقول...

والله قريت البوست ده امبارح وامبارح ده اللي هو اول مانزل بس مش عرفت ارد علشان كنت بالعب فيفا الصراحة
انا بقى اللي عجبني اوي انك اتعلمتي المعنى ده من صورة بسيطة زي دي

كل سنة وانتي بالف خير وان شاء الله يكون رمضان كويس وربنا يغفرلنا
ويارب تقدري تقضي شوية ايام فيه مع العيلة
وزي مابيقولوا عندكوا ف الخليج
عساكي من عواده

الحلم العربي يقول...

blue-wave
.........
أشكرك
تسلم دماغك انت كمان يا شاعرنا
و كل سنة و انت طيب
رمضان كريم

الحلم العربي يقول...

و لو
.....
ههههههههه
فيفا
و لا يهمك انت تيجي في أي وقت و نورت المدونة
فعلا هي الصورة بسيكة لكن معبرة و هو ده اللى عجبنى فيها
كل سنة و انت طيب
و ربنا يبلغنا رمضان كلنا و يبلغنا ليلة القدر يا رب
شكرا على دعواتك و ربنا يتقبل مننا جميعا
تحياتي

momken يقول...

الكتكوت جميل وشكله حلو وبرىء اوى كمان

بس ياترى هيستحمل قسوة وماديه بلاد النفط

ربنا معاه
بدعيلم من قلبى يا كتكوت

تحياتى

الحلم العربي يقول...

momken
.......
عندك حق يا ممكن
مع اني مش عايزة اقول كده من زمان لكن فعلا الحياة هنا مادية و قاسية
و يمكن احساسي بكده زايد دلوقتى لأن رمضان مختلف اوي هنا عن مصر
عموما الكتكوت هيحاول و يكفيه شرف المحاولة
المهم ان اصحابه وو الكتاكيت اللى زيه يدعوله ربنا يوفقه
كل سنة و انت طيب

aya يقول...

علي فكره بكل صدق وامانه ده الاحساس الي وصلي اول ما شوفت الصوره وقبل ما اقرا البوست حسيت رغم انه كتكوت مبلول وتعب من كتر المحاولات الا انه لازال بيشب عشان يوصل للهدف الي هوه عايزه
بجد ابدعتي
اتمني دوام التواصل وانتظر زيارتك
د.ايه