٢٠٠٩-٠٢-٢٦

في عامها الثاني



الزمان :الجمعة فبراير 2007
المكان: غرفة المكتب في بيتنا القديم
التوقيت : الساعة 12 بعد نصف الليل
أجلس أمام شاشة الكمبيوتر ، عندي تسليم مشروع خاص غدا ، لم أذق طعم النوم منذ حوالي 48 ساعة ، أحسب الوقت فأجدني سأحتاج ألا أنام هذه الليلة أيضا ، الضيق و الضجر يخيمان على كل شئ ، إذا هو الوقت المناسب لإنشاء مدونتي الخاصة :))
كنت منذ فترة أتابع المدونات باهتمام و اعجاب بتلك الفكرة ، أجمل ما أعجبني فيها فكرة الحرية ، أن أكون حرا أقول ما أريد وقتما أشاء ،لا أحد يمنع أحد و لا أحد يعترض على رأي أحد
و كان السؤال بم سأسميها و ماذا سأكتب فيها؟
أما عن السؤال الأول فلم تستغرق الإجابة أكثر من إحدى عشرة ثانية و نصف كي أقرر أن يكون اسمها الحلم العربي لأسباب كثيرة ذكرت القليل منها قبل ذلك و احتفظت لنفسي بالكثير
و أما عن إجابة الشق الثاني فكانت هي الفكرة التى جائت بعد السكرة
ماذا سأكتب ؟؟
هل أجمع قصاصات الورق القديمة التي تملأ أدراجي و خزاناتي و كتبي القديمة
أم أعتمد على القصاصات الأكثر التى تملأ أدراج عقلي
فليكن أيهما المهم أن نبدأ
و بدأت بالفعل
كان يسيطر علي شعور بأني سوف أغلقها أو أمسحها قريبا عندما أكتشف أن الأمر ليس بهذا التشويق و أنه لا أحد يقرأ أو يتابع خاصة أني كنت قد قررت ألا أخبر أحدا من أصدقائي حتى بسمة صديقة الطفولة و الأقرب لقلبي بها حتى أتمتع بقسط الحرية الخاص بي كاملا
بالطبع زارتني كثيرا فكرة الإغلاق مده العامين عمر مدونتى و لكن الإرجاء او العزوف كان الحل الأمثل في جميع الأحوال خاصة عندما يأتيك تعليق من صديق لم تكن تتوقع تشجيعه .
لا أخفيكم سرا ، أصبحت أدمنها و أصبحت تدمنني ، لا أتخيل حياتي بدونها الآن ، و لا أتخيل حياتي بدون أصدقائي الذين عرفتهم منها، فكيف لي أن أعرف أصدقاء باحترام و عقول أصدقائي المدونين المتفتحة؟
كيف لي أن أعرف أنه لازال في العالم من يعرف الأصدقاء لا لمصلحة مشتركة او لصدفة من صدف الحياة ؟
هذه هي حياتي مع مدونتى منذ عامين
عامين مراعلينا تحملتني و تحملتها و تحملتونا أنتم
في عامها الثاني
أتذكر مكان عملى القديم
أتذكر قرارات التغيير
كورسات التنمية البشرية
أتذكر تنقلي من مكان لآخر و أحاسيسي وقتها و دعم أصدقائي المدونين
أتذكر رمضان قبل الماضي الذي كان من أجمل رمضانات حياتي
أتذكر أيام سفري و ترددي في اتخاذ القرار
أتذكر أيامي الأولى في الغربة و كيف كنت أشتاق للبوح فيها

في عامها الثاني
أشكر الله أن سخرها لي لأعرفكم من خلالها أولا
و لتكون ملاذا في أوقات صعبة ما كانت لتهون لولاها
و أوقات حلوة أصبحت أحلى بها

هناك ١٤ تعليقًا:

هوندا يقول...

كل سنة وانتى بخير ومدونتك احلى واحلى ايويو بس حاولى تخليها فى جدول عمالك شوية
:D

الحلم العربي يقول...

و انتى طيبة يا أجمل هوندا
و الله يا أختى بحاول بس انتى عارفة الدنيا مشاغل
:D هههههه
ربنا يخليكي ليه يا هنودتي

Aml Ghonaim يقول...

المفروض أنا أول تعليق !!!!
بس يلا مش مشكلة ...
من أرقى المدونات اللي عرفتها وشهادتي فيها مجروووحة طبعاااا ...
مبارك لنا ..
وننتظر المزيد من رقيك يا غالية ....

blue-wave يقول...

كل سنه وانتى ومدونتك بالف خير

Wish I were a Butterfly ... يقول...

مدونة بحبها أوي
وبموت في صاحبتها
و بحب كلماتها اللي بحس فيها بنوع من الرقي مش بلاقيه في معظم المدونات التانية مهما كانت حلوة
رقيقة بس عقلانية
و عارفة إن صاحبتها واحدة تستحق كل الاحترام و الاهتمام...و الحب أكيد

كل سنة و مدونتك اللي اتولدت في ظروف غريبة دي:) طيبة
بعدين إيه موضوع الحداشر دقيقة ونص دة؟ :). يارب دايما مبسوطة و مرتاحة و متفائلة
و بتبعثي التفاؤل لكل اللي حواليكي يا حلم

أنا كمان بشكر ربنا عشان عرفني على ناس جميلة زيك يا يوية:). استمري في مدونتك معانا...دايما في تقدم إن شاء الله

الحلم العربي يقول...

اصرار أمل
.........
يا حبيبتى يا أمولة انتى تيجي في أي وقت مرحبا بيكي
و عمري ما هنسي ان انتى من أول الناس اللى انا عرفتهم من المدونة و تعليقاتك دايما بتحسسني بتفاؤل
ربنا يديم بيننا الحب في الله
بجد انتى من أهم الناس اللى بحمد ربنا انى عرفتهم من خلال التدوين
بجبك في الله

الحلم العربي يقول...

blue-wave
..........
و حضرتك بألف صحة و سلامة
و دايما مشرفني بتشجيعك
تحياتي الخالصة يا شاعرنا الهمام

الحلم العربي يقول...

wish i were a butterfly
.......................
و الله انا كمان بحبك أكتر و مدونتك بحس انها قريبة منى اوي مش علشان انتى بتقوليلي كده لكن ده احساسي فعلا
أما بقى موضوع الحداشر ثانية و نص فده الزمن الطبيعي الذي يستغرقه الإنسا لما يكون بقاله يومين مانامش و عايز يعمل مدونه في اختيار اسم المدونة ههههههههه
كل سنة و احنا اصحاب و اكتر و إن شاء الله السنة الجاية نكون اتقابلنا و عرفنا بعض اكتر يا صديقتى اللى بحبها أوي مع اني لغاية دلوقتى ما اعرفش اسمها :)))

سمكه واحده يقول...

كل سنه وانتي بالف خير وسعاده
وديما منورنا بأسلوبك الجميل
ومننحرمش من كلامك الجميل
ومتغبيش علينا كتير

sakayar يقول...

كل سنة وحضرتك بألف خير بشمهندسة وإن شاء الله السنة الجاية تكون المدونة بدأت تركب عجل ونجيبلها عجلةهدية (بسكلتة) وتتشاقى بيها
من المدونات الجميلة والخفيفة اللي بحب أدخل أستريح فيها شوية أشرب نسكافيه أو أضرب حلمين ف السريع
وأجمل ما في كل عمل هو الاستفادة اللي بتعود علينا منه ... والمهم النية والقصد يكون أدامنا دايماً
تحياتي للمدونة ولحضرتك بشمهندسة ... شعب المملكة بيقدم مباركاته للعام الثاني على المدونة ... وفعلاً كتير من المدونات مشتركة في توقيت بدء التدوين في الشهر ده ... وشرف ليا أكون منهم
تحياتي

الحلم العربي يقول...

سمكة واحدة
.........
ربنا يكرمك يا سمكة على الأمنيات و الدعوات الجميلة دي
و ربنا يوفقك و ما يحرمناش من تعليقاتك المشجعة دايما
تحياتي الخالصة :))

الحلم العربي يقول...

sakayar
........
هههههههه
إن شاء الله نجيب البسكلتة ووعد منى ابقى ادي مدونتك لفة بيها بما انهم قد بعض في السن فلازم يلعبوا مع بعض :))
ايوة انا ملاحظة انك كل ما تيجي عندنا مش بتتطلب غير نسكافي مع اننا بنقدم لاتيه و بيتي بان و بيتي بون حلوين أوي و بنفكر كمان نفتح قسم زنجبيل و زعتر كمان

جزاك الله كل خير على التذكرة بالنية و ربنا يخلص نوايانا جميعا
بجد بشكرك اوي لأنك من الناس اللى انا استفدت من معرفتى بيهم من خلال التدوين جدا
أشكرك و ربنا يوفقك تحقق كل اللى بتتمناه
سلامى و احترامي لجميع شعب المملكة

حائر في دنيا الله يقول...

كل حرف تخطينه في سبيل الحق والعلم والمستقل والنور بكل خير وجمال وتقدم وازدهار
ومن رائع الي أورع

لك تحيات أربع أعوام يعني أقدمية بقا
السلام عليكم

الحلم العربي يقول...

حائر في دنيا الله
...............
أشكرك بشدة على الكلام الجميل ده جعلنا الله ممن يستمعون إلى القول فيتبعون أحسنه

ما شاء الله ربنا يزيد و يبارك ده انت من ساعة ما اخترعوا التدوين تقريبا و انت مدون :)))
بارك الله في عمرك و عمر مدونتك بجد من المدونات اللى بحترمها أوي