٢٠٠٩-٠٣-١٥

أنا في انتظار الصباح

عندما تبتعد عن الطريق
و تشعر بالوحدة و الظلمة
عندما تشعر أنه لا مكان ... لا زمان ... لا أمل
فقط و حده يعطيك بارقة الأمل
يبعث لك خيط من ضوء الفجر
وحده الله يفعل لك ذلك
حتى تعلم انه لا ملجأ منه إلا إليه
..........
تعرضت في الفترة الماضية لمحنة داخلية .. لم يشعر بها سواي
تجديد لجراح و إعادة إحياء لآلام كانت قد طويت منذ وقت ليس ببعيد
لم يعلم بذلك غيري
لم يمسح دموعي سوى يدي
لم أبح لأن مرارة البوح أقسى
طابع و طبع ألفته أن أصمت في مواجهة كل يهمني و يلم بي
كنت أضحك للجميع اتمنى لهم السعادة من قلبي و أحاول أن أخفف عمن بجواري و اشعرهم أنه لا شئ في هذه الدنيا يجلب الحزن بينما كنت أجتفظ لنفسي بالكثير منه
ظننت حينا أني ضللت الطريق و أني قد كتب علي ان أمشي في طريق أراه موصدا بعيني و لكن لا تجرؤ قدماي إلا على السير فيه
في كل هذا
أتاني من الله نور و بشرى
دعوة من رب العالمين لأن أزور بيته المحرم و مسجد الرسول الكريم صلي الله عليه و سلم
وقتها شعرت كيف أنه وحده ربي خالقى و رازقي يعلم ما في نفسي
يحبني
ربما منعني شيئا بسيطا ليعطيني أمنية كنت أتمناها منذ وقت طويل و أتعجب و أستشعر في نفسي النقص لأنها لم تأت بعد
لكن ربي قدرها لي في أشد وقت أحتاجها فيه
حمدا لله
ربي كيف أحمدك؟
ربي كيف اشكرك؟
" رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِير "ٌ
اللهم اقبلها منا و تقلبنا يا رب العالمين
اللهم اجعلها خالصة لوجهك كما وهبتنا إياها يا كريم
أحمدك ربي حمدا كثيرا طيبا مباركا فيه
.................
ملحوظة : سأذهب لأداء العمرة إن شاء الله يوم الخميس القادم
سأدعوا لكم كثيرا بظاهر الغيب
ملحوظة أخرى : من يريد دعوة بعينها لا يتردد و إن شاء الله سأكتبهم جميعا و أدعو الله ألا أنسى شيئا و لا أحدا
ادعولى
ارجع طاهرة نقية من دنس الدنيا
ادعولي أن أرى صباحي الذي أنتظره
بفارغ الصبر

هناك ٢٤ تعليقًا:

sakayar يقول...

السلام عليكم ورحمة الله وبركاته
انا ف الأول هباركلك يا بشمهندسة على العمرة ويارب يتقبل منك وإن شاء الله يتممها عليكي بالحج قريباً ويباركلك ف العمر بعمل صالح رشيد
ثانياً عن الحزن والدموع والآلام ... متهيألي انتي حد حسب ما قرأت شخصيتك من كتاباتك فبجد حد يستاهل الخير ويستحق السعادة ... فبلاش تسيبي نفسك للحزن ... الذكريات اللي بترجع علينا برسايل سلبية اقتليها أحسن .. إذا جتلك مشاعر سلبية اعملي نفسك مش واخدة بالك منها وانشغلي ف أي حاجة وادعي ربنا وشوفي أي حاجة تانية بتسعدك وتفرحك وروحيلها
فيه بعض الناس ف لحظات الألم بتحتاج تترمي ف حضن حد ... وفيه ناس ف لحظات الألم بتفضل تختفي عن الجميع .... لكن المهم ف كل ده ... إننا منستسلمش للألم والحزن ... إزاي أكون عايش وعارف إني صنع الله وخلق الله وأحزن أو أستسلم للألم؟؟
ربنا يعينك آية ويقويكي ويكتبلك السعادة دائماً أبداً
وعن الدعوة اللي هطلبها منك بقى علشان مش معقول مش هنطلع بمصلحة من وراكي :)
ادعيلي ربنا يهدي المسلمين ويخلي كل المسلمين ف سعادة وخير
:))
ربنا يتقبل منك يا بشمهندسة
وإن شاء الله تروحي وترجعي ف سعادة وفرح

Wish I were a Butterfly ... يقول...

ياااااه
:)))
فرحانة أوييييي ماشاء الله

ربنا يتقبل إن شاء الله

وان شاء الله هترجعي منها جميـــــــلة أوي و سعيدة أوي أوي ومش هتفتكري اي حاجة وحشة
ربنا يسهل لك الطريق يا جميلة :).بجد خبر جميل اوي اوي ماشاء الله
طمنينا عليكي لما ترجعي :)

امممم. استني بأة أفكر :).. لأ بس ادعي إن ربنا يهدي شباب المسلمين عشان الموضوع بأة صعب أوي،ومخصوص..ادعيلي ربنا يقدرني مش أفكر في أي حاجة غيره،ومش يخلي الدنيا تمثل لي أي حاجة.ممكن؟؟
:)
بجد فرحت أويييي ماشاء الله. ربنا ييسرهالك يا يوية

سمكه واحده يقول...

السلام عليكم ورحمه الله وبركاته
اللهم امين

ربنا يتقبل منك يارب
بجد فرحت اوي عشانك والف الف مبروك ويارب ترجعي فرحانه ومبسوطه وربنا متقبل منك كل الدعاء ويصلح حالك يارب
ومعلش كلنا بنمر بالحاله دي بس القرب من رب العباد والصبر والحمد الله علي كل حال
اما الدعوه يا ستي
ادعيلي بالله عليكي اني اروح عمره وربنا يقدرني استمر في مروحها بجد دي اكتر حاجه نفسي فيها وبدعي ربنا بيها علي طول طبعا ادعي بقي ان ربنا يصلح حال المسلمين
وترجعي بالف سلامه وربنا يكتبهلنا ان شاء الله ونردلك الدعوه ياستي

هوندا يقول...

ربنا يتقبل منك يايويو
ويفك كربك كلنا بنمر بمحنات قد تكون منح

وانا متأكده انك تقدرى تتجاوزيها :)

غير معرف يقول...

ربنايتقبل منك

ويسعدك دنيا واخرة

momken يقول...

تقبل الله منا جميعا

وجزاكى خير الجزاء

تحياتى

حائر في دنيا الله يقول...

تقبل الله منك العمرة، وكتب لك بعدها الحجة بعد الحجة المبرورة
وسبحان الله فإنما بعد العسر يسرا إن بعد العسر يسرا
ويا سلام على هذا اليسر
ادعيلنا نلحق بك فالقلوب مشتاقة لأن ترتاح عن الأحبة محمد وصحبه

سمكه واحده يقول...

متهيقلي بقي
نقول
حمدالله علي السلامه
وربنا يتقبل ان شاء الله؟
ياله بقي ارجعلنا بالسلامه
في انتظارك

الحلم العربي يقول...

sakayar
........
الله يبارك فيك يل سكايار و عقبلك يا رب
بجد مش عارفة اقولك ايه على كل الكلام الجميل ده ، ربنا يبارك لك و يجعلك سبب في سعادة كل اللى حواليك
دعيتلك كتير هناك و دعيت للمسلمين و لمصر ربنا يتقبل مننا جميعا

الحلم العربي يقول...

Wish I were a Butterfly
.......................
ربنا يخليكي ليه و يفرحك دايما
انا دعيتلك و الله كتير و افتكرتك على طول ربنا يتقبل و عقبالك يا رب إن شاء الله
بحبك في الله يا أجمل فراشة

الحلم العربي يقول...

سمكة واحدة
.........
ربنا يكتبهالك يا رب و يقدرك تروحي دايما
أشكرك بشدة على دعواتك و إن شاء الله ربنا يتقبل دعواتى ليكي و تروحي قريب :)))))))))

الحلم العربي يقول...

هوندا
......
أشكرك على حسن ظنك بيه و ربنا يقدرنا جميعا و يبعد عنا الهم و الحزن
و عقبالك يا رب قريب مع زوجك إن شاء الله

الحلم العربي يقول...

مصراوي أوي
..........
آمين و ربنا يتقبل منك أيضا و يرزقك السعادة و يبارك لك في عمرك
انا دعيتلك ربنا ينفع بيك الأمة :))

الحلم العربي يقول...

momken
.......
تقبل الله منا و منكم صالح الأعمال
و جزاك الله خير الجزاء :)))))

الحلم العربي يقول...

حائر في دنيا الله
..............
ربنا يرزقك بيها عن قريب إن شاء الله
و الله بجد ده فضل من عند ربنا يؤتيه من يشاء مش عشرط تكون شايف نفسك كويس و لا حاجة بس بجد ده فضل من ربنا
و ساعات ربنا بيبعتهالك لما يحب يرجعك للطريق الصح
ادعيه قوى و إن شاء الله هيكتبهالك و يكتبلك الحجة كمان إن شاء الله

الحلم العربي يقول...

سمكة واحدة
.........
و انتو كمان وحشتوني جدا
الحمد لله
بجد وجب الشكر علينا
ربنا يمن بيها عل الجميع و يتقبلها منا خالصة
أشكرك يا سمكتى الجميلة :)))

Wish I were a Butterfly ... يقول...

يا رب تكوني كويسة يا أجمل آية

أحبك الذي أحببتني فيه :). أنا كمان


تقبل الله و شكرا كتير على الدعاء
ربنا يكرمك

الحلم العربي يقول...

Wish I were a Butterfly
.......................
أنا الحمد لله بخير يا جميلة مش ناقصني غير اني اتطمن عيكي :)))))))))
معلش انا بتأخر كتير بس انا عارفة انك عارفة المشاغل اللى بتخليني مش عارفة حتى ادخل ارد على التعليقات :))
يا رب اعرف اوصلك قريب إن شاء الله

akeed يقول...

ربنا يتقبل منك العمرة ويغفر لكِ ذنوبك انا كمان ذاهب للعمرة بعد ايام ومشتاق الى زيارة الرسول صلى الله علية وسلم و الكعبة



ربنا يوفقك


ادعيلنا

أكيـــــــــــــــد

سمكه واحده يقول...

طب محنا كلنا والله في انتظار صباح جديد
وان شاء الله جي اكيد
بس يعني متيجي كلنا ننتظروه كلنا
ولا ايه رايك؟ نستني كده مع بعض
اخبارك ايه
اتاخرتي كده ليه لعل المانع خير

حائر في دنيا الله يقول...

أكيد استحليتي القعدة جنب الأحبة
محمد وصحبه

تيجي بالسلامة ان شاء الله

الحلم العربي يقول...

akeed
......
ربنا يتقبل منك و يا رب تفتكر تدعيلنا
انا مشتاقة ارجع تاني ربنا يزرقنا العودة جميعا إن شاء الله
نورت المدونة لأول مرة

الحلم العربي يقول...

سمكة واحدة
.........
و الله انا آسفة على التأخير يا سمكتي بس بجد كنت مشغولة قوي بعد رجوعي الحمد لله من العمرة و ماكانش حتى عندي وقتت احدث المدونة
أشكرك يا حبيبتي على سؤالك
و إن شاء الله مش هتأخر تاني

الحلم العربي يقول...

حائر في دنيا الله
.............
يا ريييييييت ،للأسف العمرة كانت خمس أيام فقط لكن الحمد لله كانت جميييييلة قوي ربنا يرزقك إياها قريب إن شاء الله
تحياتي الخالصة