2009-06-13

حبيبتي ...في غيابك


عندما اخترت أنا الرحيل و البعد عنك
كنا نحمل وعودا و اتفاقات ضمنية
وعودا بأن أعود سريعا
و اتفاقات ضمنية بيني و بينك أننا لن نمرر لحظة الوداع بدموع الفراق
اخترنا ألا يكون وداعنا صعبا حتى لا تكون العودة كذلك
حاولت أنا و أنت التنفيذ قدر استطاعتنا لكن أبي أبى ذلك
كلانا صمد لكنه هو لم يستطع
رغم ذلك و رغم وعودي لك ووعودك لي
أعلم أنك تعلمين كم ذرفت من دموع في غيابك و أعلم أنك فعلت المثل إن لم يكن أكثر

حسنا فلننس الأمر و تعالى لأحدثك عما أخفيته عنك طيلة سنة بعدتها
لم أرد أن أشركك في تلك التفاصيل حتى لا ترهقك تفاصيلي
و لأني أعرف قدر اهتمامك بتفاصيلنا
و اعرف قدر تأثرك بما يطرأ علي في غربتي
و أعرف أن ذلك موجع
و أعرف أيضا أنك لست تحتملين وجعا أكثر و لا أكبر
.......................
في بداية الأمر
لم يكن إخفاء مشاعري بالوحشة لك شيئا يسيرا
يومي الأول
عندما تركني أخي في البيت وحدي ليذهب للعمل ليلا
احساسي انى في بلد غريب في بيت غريب بعيد عنك كثيرا
صدمة اني لن أنام بجوارك حينما أريد
صدمة اني لن أراك اليوم ...كانت أول صدمة و بالطبع ليست أول دمعة
أيامي الأولى
قلقي و خوفي و توتري ممتزجين بوحشتك التى لا تنقطع
اشتياقي لحكيك ...لطمأنتك لي ...للثقة التى تمنحيني إياها
كل ذلك لا يجيد "الماسنجر" إيصاله سالما
لكن الحياة كانت تمر على أية حال
و اللحظات الصعبة كنا نتصبر عليها بمكالمة هاتفية أو أن تشاهدي وجهي على شاشة الكترونية أو أشاهد صورك على هاتفي
أمي
في غيابك تغيرت كثيرا
لم أعد تلك الطفلة التى لا تحتمل أخذ القرارات بنفسها بل تشركك في اختيار لون ردائها اليومي
أصبحت أدرك معني قراراتي و عباراتي أكثر
لم يعد العالم بالنسبة لي واحة خضراء كلما رويتها ازدادت
بل عرفت ما تحمله الابتسامات الباهتة للبشر
و ما يخفيه الآدميون وراء عطورهم الفواحة و ملابسهم الأنيقة
-و لن أخفيك سرا أني قد تعلمت منهم البعض-
حتى عاداتي تغيرت
صحيح أني لازلت أسهر حتى ساعات الصباح الأولى
لكنى لم أعد أتأخر في الاستيقاظ -ما كان يغضبك مني-
و ذلك بالطبع له أسباب قوية
أولها : أنى لم أعد أشعر بالأمان في النوم كما كنت في ظلك
تعرفين كم كان حبي للنوم صغيرة لكنك لا تعرفين كم أصبح النوم واجب ثقيل علي اليوم
أما ثانيها :أني لم أعد أتوقع أن تمتد يديك الحانيتين علي ليلا كي تغطيني أو تحملى هاتفي من جواري لتضعيه بعيدا لأنه "خطر أثناء النوم"
حتى أحاسيسي الخفية بأنك هنا في مكان ما تنتظرين صحوي كي أحضر لك فنجان القهوة الصباحية لنسترق دقائق للفضفضة في بداية اليوم ، كل تلك الاحاسيس لم تعد تطمئني بعدما تجرعت صدمات أوهامها في أيامي الأولى
هذا عن النوم
أما عن باقى تفاصيلى...فإليك المفاجأة
أمي في غيابك...أدمنت القهوة
أجل القهوة يا امي
لم تقرئيها خطأ
القهوة التى كانت تسبب لي السهر يومين كاملين إن حملنى فضولي يوما و رشفت من فنجانك رشفة أصبحت اليوم ملاذي الوحيد مع مشاكل النوم الذي حكيته لك سالفا
الحقيقة .. أن مقاومة النوم ليست هي السبب الوحيد
هناك سبب آخر نفسي
اكتشفته عندما تفاجأت بنفسي عدة مرات اتذكرك كلما اشتممت رائحة القهوة
كان هذا هو رد فعلى لوحشتك و شوقى اليك
أعلم انك تغضبين من ادمانى للقهوة
و لكن عذرا أمي .. فالاشتياق اليك يثبت كل يوم انه اقوى من ارادتي ضد الادمان
.........
بالطبع ليست القهوة وحدها ادمانى اللذيذ ...هناك ادمان آخر
لكنه هذه المرة ليس مفاجأة لك ... الانترنت
لكنه اليوم اتخذ شكلا جديدا
إن كان يأخذ من يومي نصفه قبل ذلك .... فالانترنت اليوم هو يومي كله
لسبب بسيط لأنه الآن هو العالم بأسره
أن يصبح عالم و علاقاتي بأهلى و أصدقائي و حياتي كلها رهن لسلك إما متصل أو منقطع .. احساس ليس بهين على أي انسان
لقد تغيرت يا أمي
وحدتى جعلتنى اجلس مع نفسي التى كنت أهرب من الجلوس معها
أصبحت الآن أجرأ على أن أعترف بكل عيوبي دون خجل
و أصبحت أيضا أقوى أن أذكر مميزاتي دون تواضع
اتخذت قرارات اتمنى أن أكون بالصلابة التى تجعلنى أنفذها بعدما تجرعت مرارات أخطائي
كل ذلك حدث في غيابك
ربما تتسآئلين الآن لماذا أذكر لك كل هذا ؟
أتعلمين لم يا أمي
ربما
حتى تكون هذه التفاصيل ذكريات جميلة نتذكرها سويا أنا و أنت بينما نحتسي فنجاني القهوة الصباحية في أيامنا القادمة إن شاء الله
............
على الهامش : أستعد للعودة النهائية لبلدي مصر خلال أيام إن شاء الله

هناك 10 تعليقات:

sakayar يقول...

اولاً سكوت وازبهلال وممكن عيون مزغللة بسبب تجمع دموع جواها ... بس الحمد لله مفيش دموع نزلت ولمت نفسها ورجعت مكانها تاني :)
على فكرة انا بطلت اعلق عند الناس من زمان بس التدوينة دي تستحق التعليق
متغربين زي بعض بقى :)
عارفة يا بشمهندسة فيه ناس بتستفزني لما تقوللي ان شعور الغربة وانت ف وسط الناس اللي تعرفهم اصعب من شعور الغربة علشان مش ف بلدك .... بس انا شايف انه مش موضوع غربة ... ده موضوع أمان ودفى ... مش معقول كل الناس هتحس معاهم بالغربة ... لو 20 واحد هتلاقي مع واحد فيهم نفسك ... لكن لما تبقى غريب ف بلد مش بلدك ومع ناس مش اهلك ولا اصحابك ... يبقى صعب تلاقي عشمك ف حد او تلاقي الدفى او الامان ده
بلاش قهوة واشربي نسكافيه ... وطالما نويتي النزول لمصر ف فيه كوفي مكس قهوة بالكريمة حلوة برضه
مش عارف هل سبب نزولك مصر هو المشاعر دي ولا حاجة تانية .... بس لو هي المشاعر فاعرفي يا بشمهندسة ان طريق النجاح مش مزروع ورد ... لازم هنقاسي ونتعب علشان نحس بطعم النجاح
كلامك يشبه بكتير كلام بطوط - خطيبتي - انها مش مستحملة الغربة وبقت علاقتها بكل الناس عبارة عن أمل في سلك يا يكون متوصل يا اما مقطوع ... شعور كده يخلي الحياة بقت عبارة عن حلم او صورة مش حقيقة حد يلمسك او ياخدك ف حضنه لو حبيتي تعيطي او تفضفضي
ومش هقول اني مختلف معاكم ف وجهة نظركم ... انتي ف الكويت هي ف السعودية انا ف الامارات ... الله يحرق الخليج :))))
عفواً يعني على الانفعال اللي مصحوب بابتسامة ..بس ف مدونة اختي بقى وبراحتي
جميل انك تكوني اتعلمتي ف الغربة دي .. زي انك توصلي لقرارك بنفسك .. تبني شخصيتك بعيد عن اي حد ... تحققي نجاح من مجهودك محدش يقول علشان قريبها فلان او بنت سين من الناس ... جميل انك تحققي ذاتك يا آية وتجاهدي ف وسط ضغوط صعبة على اي بنت عادية - زيك زي بطوط - بس الاجمل انك تستمري ف ده مش تنسحبي وإلا هتكوني اتهزمتي
ممكن الامر صعب معاكي ... بس اظن مع الوقت الواحد بيتعود ويعرف يستمر ... فيه واحد عرفته هنا برضه نزل مصر نهائي مكانش بيفارق النت طول ما هو ف البيت ... علطول بيتكلم مع اصحابه ومع قرايبه ويفضل مستني اي حد يدخل نت علشان يتكلم معاه ... كنت بحس بعصرة شديدة لما اشوفه ... حسيت كإنه عايش ف صومعة مش عاوز يخرج منها
ليه منخرجش للعالم ونتعلم؟
ليه دايماً كمصريين بتحكمنا العاطفة؟
ليه بنحب بلدنا اكتر مننا رغم انها بتبقى كتير قاسية علينا؟
احنا غريبين اوي
ف الغرب بيشوفوا حب بلدهم دافع انهم يسافروا ويظهروا نفسهم بره بلادهم علشان يعلوا اسم بلدهم في بلاد العالم ... واحنا حبنا لبلدنا مخلينا نمسك ف ديل الجلابية ومنسيبهاش :(
انا بقصدنا كلنا يا آية مش اقصدك انتي او الشخص اللي اتكلمت عليه
ممكن اكون زيكم بس انا عنيد ورخم ومبحبش اسيب اللعبة غير لو الجهاز خرب ... يا اما اخلص اللعبة وافوز ... يا اما الجهاز ينفجر بيا :)
حاولي تفكري تاني ف تحقيق نجاحاتك وذاتك
اعملي جدول مميزات وعيوب للغربة ولوجودك ف مصر ... وشوفي بنسبة مئوية كل نقطة هتاخد كام ف المية واحسبي مين فيهم الكسبان وقرري قبل ما تحكمي بالعاطفة بس يا بشمهندسة
وربنا يوفقك لكل خير ويسدد خطاكي ويعزك
آسف ع الاطالة ... انتي زي اختي ومش تتضايقي لو كلامي فيه حدة انا بتكلم من منطلق الاخوة دي :)

blue-wave يقول...

كم هى رائعة تلك الاحاسيس اللتى اخذتينا كى نسبح فى بحورها
بالفعل كم دمعت عيون وكم انشقت قلوب من وقع كلماتك الرائعة عزيزتى
لا تعليق لدى على تلك الأحاسيس الا تنورى بلدك وترجعى بالف سلامه
وربنا يخليلك مامتك.

Wish I were a Butterfly ... يقول...

انت جميلة أوي يا حلم
:)
رسالتك رقيقة أوي وفعلا أي حد حتى لو أهله مش بعاد عنه لازم دموعه تنزل من كلماتك دي

عارفةأغنية "أحن إلى خبز أمي"؟؟بحبها أوي وكل ماأسمعها بتأثر جداجدا !بصراحة مش متخيلةإذا دة بيحصل وأنا جنبها. أمال لوجربت أبعد هعمل إيه؟؟ البوست بتاعك حسسني بالاغنية دي خلفيةوراه

صحيح الغربة رغم قسوتها بس فعلا بنستفيد منها كتير لأننا بنبقى لوحدنا أوي. سعيدة بخبراتك الحياتية:). ابقي علمينا شوية عشان اللي مجرب غير اللي بيتكلم وبس
عارفة موضوع الاعتماد على النفس و الصحيان بدري والحاجات دي..فكرني بالجيش:)). ساعات فعلا بيرجعوا منه رجالة بجد مش زي ما راحوا. أتمنى تكون تجربتك علمتك كتير و قوتك في الدنيا أكتر ما خلتك تتعبي

أستعد للعودة دي عارفاها:)، بس "نهائيا" دي اللي كانت جديـــدة علي:))).خبر جميل ماشاء الله.
تنوري مصر يا يوية ياجميلة

الحلم العربي يقول...

sakayar
.......
أولا انا ليه الشرف انك تتأثر بكلامي ، و يا ترى ليه بطلت تعلق عند الناس من زمان ؟ انا فعلا ملاحظة انك بقيت مقل زيي مش عارفة نفسنا راحت فين و الله .. بس يا رب يكون خير
المثل اللى قلت عليه بردو بيستفزني لأنهم ما جربوش و اللى جرب ما ينفعش يحكم كده
موضوع القهوة .... أنا بحاول اتماثل للشفاء و ابطل الادمان بقى علشان خلاص إن شاء الله مش هحتاجلها لأنى إن شاء الله راجعة لماما هي كانت مجرد ارتباط شرطي و محاولة لحل مشكلة النوم الابدرية اللى بقابلها هنا لكن إن شاء الله تتحل قريب

ملاحظتك حلوة قوي بخصوص المصريين في الغربة .. دي حقيقة لكن انا مش عكسها انا معاها احنا شعب عاطفي و دي من اكتر المميزات اللى فينا مش أحسن من اللى مجرد ما بيطلعوا من بلدهم بيشتموا فيها و ينسوا كل خير قدمتهولهم ؟
أما عن اسبابي فهي كتيرة و متعددة ومش هنكر ان ده سبب رئيسي اني مش حاسة ان الموضوع يستاهل همه و تعبه ... يعني انا الحمد لله كنت بشتغل في مصر و هدفي من التجربة ماكانش اني اكون نفسي و لا اجيب شقة انا كنت جاية اكتسب خبرة معينة و اشوف التجربة و الحقيقة اني استفدت منها كتير و لو رجع بيه الزمن كنت هكررها بردو بالرغم من كل التعب اللى تعبته فيها
و انا معاك في موضوع ان الواحد ما يسيبش المركب و ينط لما يلاقيها بتغرق .. لكن الوضع بالنسبة لي انا مختلف شويتين ... عارف لما تقعد تصلى استخارة كتير و انت مش عارف انت صح و لا غلط و فجأة تلاقي ربنا بعتلك حاجة صغيرة تخليك تاخد قرار كبير ما كنتش عارف تاخده بقالك فترة .. اهو هو ده اللى حصل معايا
ده غير اسباب تانية لو جت فرصة هقولك عليها كلها لكن مش عاوزة اوجع دماغك بيها..
انا موافقاك جدا في آرائك و بشكرك قوي و الله على النصيحة لأن بجد بحترم آرائك و كلامك .. ربنا يزيدك
ادعيلى اكون قد قراراتى اللى اخدتها و ربنا يعيينى على الاحسن و اللى فيه النفع ليه و للأمة و طبعا لك مثله
ربنا يعينك على الغربة انت و بطوط و يوفقكم للخير دايما
و ما تتاخرش علينا تانى :)))
أختك حلم :))

الحلم العربي يقول...

blue wave
.........
أشكرك يا دكتور على كلماتك الجميلة و اتمنى تكون عجبتك فعلا
و طبعا مصر منورة باللى فيها
و يا رب يخلي كل الأمهات لأبنائهم .. أجمل حاجة في الدنيا الأمان خصوصا لما تكون بتستمده من أقرب الناس ليك
أشكرك و نورت المدونة بعد غياب :))

الحلم العربي يقول...

Wish I were a Butterfly
........................
و الله انتى أجمل يا هوبة بجد
أنا كمان بحب الأغنية و بحب القصيدة نفسها أكتر كمان .. محمود درويش العبقري رحمه الله
ايوة يا هبه عارفة اكتر حاجة الواحد يطلع بيها من الوحدة و الغربة ايه ؟ انه مالوش غير ربنا في الدنيا دي .... بجد لما تتحطي في موقف و ما تلاقيش حد حواليكي من اللى اتعودتى تسأليهم و يكونوا معاكي ... تحسي اكتر و اكتر ان قد ايه ربنا اقرب للانسان فعلا من حبل الوريد ...و ان الانسان نظره قصير قوي
يمكن الاحساس ده كلنا بنحسه حتى لو مش في الغربة لكن الغربة بتزيد الاحساس ده قوي و بتقويه
و دي حاجة انا استفدتها من هنا
اتمنى اشوفك قريب غن شاء الله في بلدنا الجميلة مصر
و ربنا يوفقك و يوفقنى للخير يا رب :))

حائر في دنيا الله يقول...

تيجي بالسلامة
وادعيلنا آجي برده بالسلامة، بس آجي منين من بيتنا

المشكلة ان الغربة بين اهلك وحبايبك صعبة ولكن لما تكون الغربة بعيد ومفيش ونس أو تصبيرة لحد ما تعدي بتبقى أصعب

الحمد لله فيه هنا تصبيرة وهي النوم، على عكسك يعني

لك تحياتي وأمنيات براحة داخلية أكثر وأكثر واكثر

السلام عليكم

الحلم العربي يقول...

حائر في دنيا الله
...............
اشكرك بشدة على امنياتك و دعواتك و لك مثلها إن شاء الله
انا الحمد لله رجعت و دلوقتى احسن بكتير عقبال كل اللى اتغربوا يرتاحوا نفسيا
ففعلا الغربة لما ما بيكونش فيها حاجة بتصبر بتبقى اصعب و لعلمك لما بيكون النوم هو الحاجة الوحيدة ال بتصبر بيكون الأمر صعب بردو :)) الأحسن نواجه مشاكلنا بدل ما نهرب منها
تحياتي و تمنياتي لك بالتوفيق

Ahmed Mansi يقول...

http://roba3yat-mansi.blogspot.com/
دا اللينك الجيد للمدونة ممكن تعملى ا ب دييييييت

الحائره يقول...

كتبات رائعه جدا يازينب


اعجبتني خاطره من خواطرك كانك تحكين عن نفسي


اتمنى لك مستقبل مثمر



زميلتك في الجامعه