2007-11-17

مثل ذو معنى


إن السفن تكون أكثر أمنا في المرفأ
ولكن
ليس لهذا خلقت السفن
................
مثل صيني

هناك 32 تعليقًا:

محمود علي يقول...


مثل عبقري

وليه معاني كتير

مصراوي أوي يقول...

والله مثل روعة

أول حاجة جت علي بالي طريق الدعوة

البعض بيتحجج بانه لما يبقي مسلم سلبي غير متحرك للدعوة يبقي كدة أأمن

ولكن ليس لهذا خلقنا



تدوينة روووووووووووعه

RAMA يقول...

جميل أوي وعميق أوي.. بس لو أنا زي السفينة حبيت أرسى شوية في مرفأ أمن إلي أين يمكنني الذهاب؟؟؟؟؟

إختيار أكثر من رائع

تحياتي

inksarat يقول...

مثل رائع
.
.
.
ورؤية هى الاروع

ــــــ
تحياتى

الحلم العربي يقول...

محمود على
........
فعلا هو مثل جميل و ليه معانى كتير لكن أهم معنى اننا لازم نتحرك و نعمل حاجة مش نقعد مستنيين

تحياتى لك و لفهمك العميق

الحلم العربي يقول...

مصراوي اوي
..........
طبعا الإناء ينضح بما فيه يا دكتور
يعني انت اول حاجة جت في دماغك الدعوة لأنك مهموم بيها لكن ليس كل الناس كذلك .... لكن انا كمان اول ما جه في دماغى هو ده و كمان حلمنا العربي اللى بنحلم بيه لبلادنا
يعنى مش ضروري الطريق يكون أمانأوي علشان نمشي فيه ...لأ طريق الرسالات ملئ بالصعوبات

تحياتي الخالصة

الحلم العربي يقول...

rama
....
ازيك يا راما
مش عارفة ارد على سؤالك ازاي لأن مفيش راحة في الدنيا زي ما انتى عارفة
لكن لو عايزة تريحي شوية علشان تتقوي على الطريق فلا بأس ممكن تلاقى ده في كل شئ بيضفي السعادة على روحك في الدنيا

لكن مش هي دي غايتنا في الحياة

تحياتي لك يا قمر و يارب يرزقك السعادة في الدارين

الحلم العربي يقول...

inksarat
.........
ربنا يكرمك على التعليق الجميل ....فعلا الصينين ساعات بيقولوا كلام كويس مش كل حاجاتهم مضروبة زي اللعب و الفوانيس
ههههههههه
تحياتي
و نورت المدونة

اصرار أمل يقول...

مالهذا خلقنا !!!!!!!!!!!
سلمتي ياحبيبة ...
وحشتينى ......

الحلم العربي يقول...

اصرار أمل
..........
حقا ما لهذا خلقنا....بل للعمل و السير في الطريق و إن كان غير آمن

ربنا يسلمك و يكرمك ....انتى وحشتينى أكتر ...عايزين نقول مبروووك قريب إن شاء الله

تحياتى حبيبتى في الله

ولــــــــــو يقول...

انا عندي حاله انبهار من الصين واهلها
فعلا مثل يستحق انه يبقى صيني
الحركه سر التقدم والتقدم سمه الابداع
تحياتي لاختياراتك الرائعه

semsem يقول...

مثل له معانى رائعه
بس هى الصين دى ورانا ورانا حتى فى الامثال

A.SAMIR يقول...

ياااااااااااااااااااااه
دي مش معاني كتير بس
دي معاني ورا المعني من معاني كمان
ياريت ياللي في بالي يالي شعارك الاستمرار والاستقرار تسمع المثل دة وتؤمن بيه
كان زمان في حاجات كتير قوي اتغيرت
تحياتي

اسلام رفاعى يقول...

مثل رائع بجد
سعيد بزيارة مدونتك

احمد رفعت يقول...

مثل اللى قاله جرب كتير علشان يقوله ..

شكرا اوي

محمد السيد..مش حاسكت يقول...

ليس لهذا خلقت ....

وليس لهذا خلقنا ...

ياريت بس نجرب. .ومع كل تجربة .... حنعرف لم خلقنا؟؟

momken يقول...

انا مؤمن جدا بهذا المثل

فلولا الرياح ما كانت الامواج ولسار البحر مجرد بركه راكده


البوست مفيد جدا

تحياتى

الحلم العربي يقول...

ولو
....
و انا كمان معجبة بالصينيين و باستغلالهم الكويس لكثرة عددهم مش زينا عمالين نقول ان مشكلتنا هي الزيادة السكانية

تحياتى لك أيضا و نورتنا كالعادة

الحلم العربي يقول...

semsem
......
أه جيتى على الجرح و الله
ده كل حاجة مكتوب عليها صنع في الصين مش عارفة ايه اللى ناقص ...حتى سجاجيد الصلاة صينى
عقبالنا ما نتقدم كده و نعرف نغزوالعالم بمنتجاتنا
تحياتي لك

الحلم العربي يقول...

a.samir
.......
هههههههههه
مين اللى فى بالك ده ؟؟؟
و لا بلاش ما تقولش احسن تودينا في داهية و تقول ان البوست بتاعى بيحرض على الثورة و لا حاجة لا يا عم انا بقول الناس تتغير و تتحرك علشان الحركة بركة بس
ههههههههه
على العموم نورتنا بجد
و فعلا المثل فيه معانى كتير و لازم نحسها ونعرف اننا لم نخلق حتى نسكن و نقف مكاننا

تحياتي الخالصة

الحلم العربي يقول...

إسلام رفاعي
..........
أنا أسعد بزيارتك و يا رب تتكرر
فعل المثل يحمل معاني كثيرة و يارب كلنا نتعلم و نعمل بما تعلمنا

تحياتي

الحلم العربي يقول...

أحمد رفعت
........
كلامك مضبوط لأن الكلام ده يدل على ان اللى قاله شاف و تحرك و عرف ان حتى لو فشلت فالفشل دائما يكون طريقا للنجاح

تحياتى و انا اللى اشكرك على وجودك دايما لأن رأيك في البوست يهمنى

الحلم العربي يقول...

محمد السيد .....مش هاسكت
.......................
انت جبت المفيد
التجربة حتى لو كانت فاشلة فهىأكيد خطوة من خطوات النجاح لأننا خلقنا لنعمل و نصلح في الأرض ده بعد عبادة ربنا طبعا

تحياتي و بكون سعيدة لما بتزورنى لأن تعليقاتك دايما مفيدة

الحلم العربي يقول...

momken
.......
كلام حضرتك اللى مفيد و بجد بتكمل معنى البوست
أشكرك بشدة و نورتنا كالعادة

حائر في دنيا الله يقول...

فعلا
ويقول مثل شبيه إذا لم تحاول فلن تفشل ولكنك لن تنجح

لك تحياتي
السلام عليكم

احمد رفعت يقول...

باقولك ايه
لقيت بوست تاني بنفس اسم البوست بتاعك قلت اقولك للتنسيق معاه

http://alhelmalarabi7.blogspot.com/

عمر محمود يقول...

إذاً علينا الخروج إليهم ، ألسنا سفناً ورواحل
أدعوكم لرحلة إلى رفح
http://yalaya3mlak.blogspot.com/2007/12/blog-post.html

رينـــــــــــا يقول...

المثل تحفه جدا

الحلم العربي يقول...

حائر في دنيا الله
..............
ازيك يا افندم نورتنا بعد غياب
جميل اوي المثل اللى حضرتك قلته فعلا نحن بحاجة للحركة حتى لو كانت تحمل المخاطر

تحياتي

الحلم العربي يقول...

أحمد رفعت
.......
انا دخلت المدونة فعلا و شفتها لكن بصراحة اتحرجت اقول لصاحبها يغير اسمها يعنى علشان زي اسم مدونتى
أكيد هو اختار الإسم علشان دلالة معينة زيي و محبش احرم حد من حاجة اختارها زي ما احبش ان حد ييجي يقولى غيري اسم مدونتك
و على العموم العنوان بتاعنا مختلف يعني مفيش مشكلة إن شاء الله

أشكرك جدا على التنبيه
و نورتنا يا افندم

الحلم العربي يقول...

عمرمحمود
......
بلى أخي الكريم
و لكن اختيار الوقت عامل مهم جدا

تحياتى لك و اشكرك على الدعوة و سألبي إن شاء الله

نورتنا لأول مرة

الحلم العربي يقول...

رينا
....
ربنا يكرمك و يخليكي
فعلا المثل حلو
نورتينى بجد ...ما تتأخريش علينا

تحياتي أختى العزيزة