٢٠٠٨-٠٨-١٦

بعض الإنطباعات عن بلاد النفط




اليوم الأول :
أخرج من المطار فأصاب بالدهشة " ما هذه السخونة في الجو ، إتها ليست الشمس التي أعرفها " بالفعل فالشمس هنا مختلفة تماما عن تلك التى عرفتها في مصر ، كنت في مصر استمتع بالنظر إلى الشمس و السير في الشمس و إن كلفنى ذلك بعض الإجهاد و كثير من الضرر ، و لكن الأمر مختلف تمام في هذه البلاد التى أعيش فيها الآن ، فالشمس هنا لها إمكانيات مختلفة تفوق بكثير مجرد أضرار البشرة عند التعرض لها بل تصل أحيانا للإحتراق...... أول إنطباع عن بلاد النفط.

اليوم الثاني :
أسير في الشارع فأواجه السيارات صديقتى من أيام مصر ، أنا لا أحتاج للتوصيات في مواجهة السيارات فربما ذلك هو الشئ الوحيد الذي استفدت به من زحام مصر ، و لكن .... إن السيارات هنا أيضا لها مفهوم آخر
فالسيارات هنا تقف للمارة ..... أجل إنها تقف للمارة على عكس سياراتنا في مصر ، هل دهشتم ؟ إذا لا بد أن تندهشوا أكثر عندما تعرفوا أن السيارات هنا تقف للمارة و تنتظرهم دون ضجر أو استعجال أو حتى إستعمال لآلة التنبيه ........ إنطباع ثاني عن بلاد النفط.

يوم من الأيام :
أشتري بعض الأشياء من السوبر ماركت القريب و أحسب المسافة للبيت و أنا أحمل بعض الأكياس فأجدها لا تتعدى الخمس دقائق سيرا على الأقدام فأفاجأ بأنني أنا الشخص الوحيد الذي يحمل شيئا و يسير في الشارع و أفاجأ بأن جميع البشر خلف زجاج السيارات ينظرون إلى و كأنهم يرون فتاة تسير على رأسها لا على قدميها ........ الإنطباع الثالث عن بلاد النفط

يوم آخر :
أنظر من خلف زجاج النافذة على ذلك المقهى أمامي فأراه كامل العدد كل يوم حتى الساعات الأولى من الصباح تماما كمقاهي مصر أيام مباريات الأهلى و الزمالك و لكن المقاهي هنا لا تحتاج من الأهلى و الزمالك أن يلعبا سويا كي تمتلئ عن آخرها ...... الإنطباع الرابع عن بلاد النفط

يوم أيضا :
في بداية مجيئي يسألنى زميلى (س) سؤال واضح : مبسوطة يا آية ؟؟ فأجيب بالنفي فيبادرني بالجواب هو : البلد دي اللى عايز يبقى مبسوط فيها هيتبسط و اللى عايز يكرهها هيلاقي مليون سبب علشان يكرهها
اليوم و بعد مرور أكثر من شهرين و نصف على مجيئي أعترف أنه إختصر الأمر بتلك الجملة ........إنطباع مجمل عن بلاد النفط

و تتوالى الإنطباعات ما دمنا لم نعد إليك بعد بلدنا الحبيب و ما دمنا لم نمت في البعد عنك حتى الآن

هناك ١٢ تعليقًا:

Lady E يقول...

ربنا يعينك ويهون غربتك وغربتي في بلاد النفط يا أية
بس حاولي تشوفي المميزات وبالتأكيد ده هيساعدك على التأقلم على الحياة
ومتنسيش انهم بلاد عربية يعني زيهم زي مصر
دي أول زيارة لمدونتك الرائعة وان شاء الله مش هتكون الأخيرة

ولــــــــــو يقول...

ايه ده انتي اسمك آيه ؟
اول مرة اعرف
عارفة دي انطباعات اي حد يسافر الخليج بالذات والكويت بالاخص اكتر
بس لما تسألي حد مسافر واكيد انتي منهم يقولك بثقه غريبة برضه مش فيه غير مصر
فيه اللي قرفان من البلد بقى واول مايسافر يحسسك انه كان باشا وعبدالناصر اخد ممتلكاته علشان كده بيحمد ربنا انه مش عايش فيها

ده اكيد ماشربش من نيلها

ترجعي بالسلامة ودايما موفقة

sakayar يقول...

ما تنسيش نووووسة يا مصر
ههههه
حبيت بس ألطف الجو قبل الدخول
سلامو عليكي
انا عن نفسي مش بشوف قهاوي أد كده عندنا - اقصد ف ابوظبي يعني - لكن المطاعم كلها بتبقى مليانة
وعلى فكرة سمعت معلومة مش عارف حقيقية ولا غلط
إن الكويت وأبوظبي ومدينة نصر اللي عامل تخطيط الشوارع بتاعهم مهندس مصري
بالنسبة لموضوع المشي ده فعلا أنا حتى هنا لاحظت كده ...محدش بيمشي تقريبا غيري ههههه
المسافة متاخدش حاجة من الشغل للبيت ومن الماركت للبيت يعني يا دوب فركة كعب زي ما بيقولوا وألاقي الناس مستغربة ... إيه ده انت جاي مشي؟؟؟
إيه يا جماعة هو صحيح الجو حر بس الواحد متعود على انه كان بيبقى ف شمس مصر لحد ما يتحرق ... مع الفارق من رطوبة الجو طبعاً
على فكرة ممكن تكون بلاد النفط بره مصر شكلها نضيف أوي والمباني والنور والكلام ده.... وهلتاقي انطباعات حلوة أوي ... لكن فيه حاجة بنفتقدها ..مش عارف هل هي الروح؟؟روح المكان يعني
على الرغم من اني مش بحس بفرق بين ابوظبي واسكندرية ههههه لكن طبعا عشقي لاسكندرية رغم إني مش منها عشق يتعدى الوصف ... لكن برضه بحس بنفس الاحساس
خدي بالك منك ... خلي الحياة عندك أحلى وصممي تكون أحلى واستفيدي أوي منها ... الخروج بره البيت دي أكتر فرصة تقدري تستفيدي منها
تحياتي

هوندا يقول...

ربنا يعينك يامرسى احلى حاجة متسيبهاش سجلى يومياتك كل يوم الحاجات الجديدة عليكى
هتبقا ظرفة فى نهاية الرحله

صلاح منتصر كان بيعمل كده وأنيس منصور

الحلم العربي يقول...

lady e
......
أهلا بيكي لأول مرة و سعيدة بالتعرف عليكي
و أشكرك على دعواتك الجميلة
فعلا البلد عهنا فيها قوانين كويسة بالنسبة للإلتزام الأخلاقى يعني مش زي بعض العواصم العربية اللى فيها استثمارات اجنبية بتكون مش متحفظة أوي
لكن هنا الحمد لله الموضوع أحسن شوية
تحياتي

الحلم العربي يقول...

و لو
....
يا راج لده مفيش حد في جموهرية التدوين العربية ما يعرفش ان اسمى آية
هههههههههههههه
و الله يا حاتم أنا مش بقول ان البلد هنا وحشة بالعكس البلد هنا مريحة جدا و كفاية انها مرحبة بالعرب جدا و بجد فيه قوانين حلوة أوي للمغتربين زي مثلا إن التأمين الصحي على الدولة و دي حاجة مش موجودة في بلدنا للمغتربين ...
أنا بس كنت أقصد روح بلدنا المختلفة و اللى محفورة جوانا مهما رحنا أماكن تانية بتفضل جوانا و دايما حاسين بالحنين ليها
و عندك حق بقى في موضوع الناس اللى بيحمدوا ربنا انهم مش عايشن في مصر و هي الدنيا فيها بتسوء دلوقتى لكن انا مش معاهم خالص بالعكس دي حاجة مضايققاني بردو لأنها محسسانى انى المفروض اكون هناك و دلوقتى بالذات
لكن قريب إن شاء الله هرجع، أنا بس كنت بقول لنفسي أخوض التجربة
و أشكرك على دعواتك ربنا يجازيك مثلها
تحياتي

الحلم العربي يقول...

sakayer
.......
و عليكم السلام و رحمة الله و بركاته
ما تخافش الجو متلطف لوحده ده حتى الرطوبة هنا عالية أوي
ههههههههههههه
لا مش عارفة موضوع المهندس المصري ده بس تحس ان في مناطق في الكويت شبه مدينة نصر شوية فعلا
ايوة و انا كمان مفيش حد بيمشي هنا غيري ، بس بصراحة الأجانب بيمشوا على البحر أنا بقى واخدة على المشي من أيام مصر يعني مش بتضايق لما أمشي لكن اللى بيضايقنى ان الناس بجد بتبصلى اني غريبة يعني ايه اللى الماشية في الشارع دي؟؟ هههههه
ايوة يا سكاير هو موضوع الروح ده ، انا عارفة و الله ان البلد هنا جميلة و فيها حاجات حلوة أوي
لكن موضوع الروح ده بيفرق معايا أوي
لكن انا بحاول فعلا أستفيد من التجربة بالكامل ، و دعواتك لينا
ربنا يبلغك رمضان
كل سنة و انت طيب

الحلم العربي يقول...

هوندا
.....
يومياتي يا هوندا؟؟!!!!
يا بنتى انا لو قعدت أكتب يومياتى مش هعمل حاجة أصلا
يا بنتى انا بشتغل 10 ساعات في اليوم و بعدين برجع أعمل الأكل و أكلم بابا و ماما و يا دوب أدخل أنام علشان فيه شغل الصبح
بجد كنت فاكرة نفسي هيبقى عندي وقت أعمل حاجت كتير لكن واضح ان الوقت هنا محتاج وقتين على وقته
ههههههه
بس هحاول لما اقدر اعمل موضوع المذكرات ده فعلا لأنه هيكون تسجيل لحاجات كتير بتحصلى و بنساها لكن أكيد هستفيد منها بعدين إن شاء الله
شكرا على النصيحة يا حبي
وحشتينى و الله
كل سنة وانتى طيبة

حزيــــــــــــــــــن يقول...

ايه ؟؟؟؟؟؟؟؟؟
ايه ايه دا ؟؟ انت مش اسمك شيماء ولا انا كنت خادع نفسى طول الفتره دى
دانا بعلق عندك بقالى سنه ونص وفاكر اسمك شيماء
--------
ربنا يرجعك بالسلامه
كل عام وانت بخير
يا ترى فى دروس قرءان بردو عندك ولا خلاص

الحلم العربي يقول...

حزين
.....
ههههههههههه
ايوة مانا بقالى سنةو نص بحاول أفهم حضرتك من خلال التعليقات ان اسمي آية مش شيماء بس انت مش واخد بالك
ههههههههه
شكرا على دعواتك و ربنا يكرمك و كل سنة و انت طيب
بالنسبة لموضوع القرآن و الله انا بحاول مع نفسي لغاية ما ألاقى هنا دار أو مسجد أكمل فيه الحفظ لكن الموضوع مش سهل بصراحة
ادعيلى
تحياتي الخالصة

Ahmed Mansi يقول...

ياااااااااااااااه
الانطباعات كتيرة بس احلى احساس فى الغربة ان الواحد بيحس بقيمة بلدة ......وفعلا لولا ان الناس فى مطار القاهرة ممكن يستغربو كان الواحد باس ترابها فى كل مرة ارجع اليها

Ahmed Mansi يقول...

فكرتينى مرة فى الغربة جات عليا نسمة هوا حلوة فكرتنى بليالى القاهرة على النيل وبعت رسالة لبلدى مصر
وفين بعدك الاقى نسمة هوا......
وبرة ارضك عمر ما جدرى ارتوى.....
جدورى فيكى وفرعى مهما يمد..
هيقول.. اهو اصلى .. مصرى.. ولا عمرة يوم اغتوى........