2007-05-31

افتح حسابك.....في بنك الطعام




شاء الله أن أجتمع بذلك الرجل في مكان عمل واحد
و شاء الله أن يتوسم في شيئا من حب التطوع للخير
و شاء الله أن فتح أمامى ذلك الباب
...............
أنا لم أدخل بعد ذلك الباب و لكن بما أنه وضع في يدي أمانة بعد الاجتماع ان أخبر كل من أتوسم فيهم الخير ...فها أنا أخبركم لأننى أتوسم فيكم الخير الكثير
............

الموضوع : بنك الطعام
.............................
لا أدري إن كان احدكم سمع عنه أم لا قبل ذلك و لكنى كنت قد سمعت عنه بالفعل قبل أن ألتقي مديري الجديد في العمل و الذي يعمل مديرا للمتطوعين في هذا المشروع الخيري الضخم ...........

فكرة المشروع :

بداية جاءت فكرة المشروع عندما كان يمشي رئيس مجلس إدارة المشروع في إحدى المناطق العشوائية ووجد امرأة تحمل طفلا رضيعا تبحث في القمامة ثم وجدت شيئا فأخذته من القمامة ثم وضعته في فم الطفل ..........(لا حول و لا قوة إلا بالله هذا يحدث في مصر ) فقرر أن يبدأ مشروعا خيريا يساعد هؤلاء الذين لا يجدون الطعام ...هؤلاء الذين يمرضون لانهم لا يجدون ما يقتاتوا به ..وبعد البحث وجد أنهم كثيرون في بلادنا

الهدف من المشروع:

القضاء على الجوع في مصر سنة 2025

آلية المشروع :

جمعية خيرية هدفها توفيروتوصيل الطعام للأيتام و كبار السن و الأرامل و الأسر المحتاجة و الأشخاص الغير قادرين علي العمل و الكسب تقوم فكرة بنك الطعام علي تلقي التبرعات النقدية و العينية و الأغدية غير المستغلة والفائضة عن طريق جمعها من مختلف الشركات و الهيئات و المؤسسات و الافراد والاستفادة منها في توفير الطعام بصفة دورية للمحتاج الحقيقي -

وقد أنجز المشروع العديد من الإنجازات منها :0

- يقوم "بنك الطعام "بتوزيع الأطعمة الطازجة علي دور الأيتام والمستشفيات الحكومية مثل الألبان والمربات و العصائرو البيض و الفواكه والخضروات ......الخ

- يقوم "بنك الطعام " بإطعام عدد من الأسر بصفة منتظمة شهرياً في الوقت الحالي بالطعام الجاف الرئيسي و المخطط زيادة العدد 200 ألف أسرة سنوياً (مليون مواطن) بتكلفة تزيد عن 240 مليون جنية خلال الفترة القادم وذلك عن طريق زيادة الموارد المتوقعة للبنك


- يقوم "بنك الطعام "بدوره القومي حال حدوث الكوارث لا قدر الله حيث قمنا بتوزيع 38 الف وجبة بميناء سفاجا لأهالي المصابين في كارثة غرق العبارة السلام 98


- يقوم "بنك الطعام "برعاية الإحتفال السنوي بيوم اليتيم حيث يتكفل البنك بكافة الوجبات المطلوبة لعدد 60 ألف طفل بالقاهرة والجيزة والمحافظات الأخري سواء كانت جافة أو ساخنة كما تكفل البنك أيضا بتجهيز البوفيه الخاص بحفل الزفاف الجماعي وساهم البنك في المؤتمر التحضيري ليوم اليتيم العربي الذي أقيم بجامعة الدول العربية

- قام و مازال "بنك الطعام " بنشر ثقافة إستغلال الأطعمة السليمة بالفنادق الكبري ( إداره الفنادق و اصحاب المناسبات ) و قد تم توزيعها كالتالي :



- "بنك الطعام" سن سنة حسنة في تحويل شريعة الأضحية الي مشروع حضاري منظم لأول مرة في مصر.

حيث تبني هذا المشروع الحضاري بالاشتراك مع المصرف المتحد بعد دراسة نمط توزيع لحوم الآضاحي في جمهورية مصر العربية والذي يتسم بعدم الوصول إلي كثير من المستحقين الحقيقيين ونسبة كبيرة من العشوائية؛ فيصل في بعض الأحيان إلي الأسرة الواحدة أكثر من كيس من اللحم وبعض الأسر لايصلها اللحم منذ سنوات في حين أن بنك الطعام المصري لديه الكثير من الحالات المدروسة في جميع أنحاء الجمهورية.

و يفخر "بنك الطعام" بأنه قد وصل إلي كثير من الأسر المستحقة في قري ومحافظات لايصل إليها أحد و قد تم توزيع اللحوم المجمدة علي 160 جمعية علي مستوي 25 محافظة. و بشكل منظم وحضاري وفي وقت قياسي وفي سيارات تجميد و تبريد لضمان الصلاحية.

- لأول مرة في مصر قام "بنك الطعام" بإستخدام نسبة من لحوم الآضاحي في تصنيع معلبات مطبوحة (خضار بالحم جاهز للأكل)و بصلاحية تمتد إلي عام و بالتالي نستطيع أن نوفر للأسر المستحقة وجبة من اللحوم بشكل شهري وليس مرة واحدة في العام ( خطوة في طريق العمل الجماعي المنظم لصورة الأضحية )

- إمتداد لهذه الفكرة يقوم "بنك الطعام" بذبح الكفارات و النذور و الفدو و الصدقات بالنيابة عن الأفراد و القيام بتوزيعها علي المحتاجين الحقيقيين.


احتياجات المشروع :

(1) تبرعات عينية (مادية أو وجبات )

(2) نحتاج لك سفيراً للخير

(3)نشر أهداف و فكرة عمل "بنك الطعام"

(4)نشر ثقافة إستغلال الأطعمة السليمة

(5)نشر الوعى لدى الأفراد عن كيفية التعامل مع الأطعمة و توزيعها للمحتاجين مباشراً من المنازل

(6)المعاونة فى تعبئة الشنط الشهرية

(7)تولى مسئولية "قائد فريق" و إستقدام و تدريب و متابعة المتطوعين

(8)المعاونة فى "مركز تلقى الإستفسارات ( الذى سيتم إستحداثه )

(9)المعاونة فى تقديم فكرة "بنك الطعام" خلال المناسابات التى يقيمها البنك

(10)المعاونة فى الإستعلام عن مستحقين الدعم طبقاً للطلبات الواردة منهم

(11)توصيل الشنط الشهرية

(12)إحياء مبادىء و قيم تكافل المجتمع و تكامله


و لمعلومات أكثر يمكنكم الدخول على موقع بنك الطعام
www.egyptianfoodbank.com

و للاستفسار عن كيفية المشاركة و التطوع في المشروع يمكنكم إرسال ايميل لى برغبتكم في المشاركة حتى أرسل لكم استمارة التطوع عن طريق هذا الايميل

we_must_b@hotmail.com

آسفة للإطالة و لكن للأهمية و يسعدنى تفاعلكم مع الفكرة و نشرها ولنحتسب جميعا الثواب عند الله

ملحوظة : هذا المشروع ليس قاصرا على دين أو عرق أو جماعة فهو عبارة عن دعوة إنسانية للقضاء على الجوع في
مصر

ملحوظة تانية (آسفة لكن من التعليقات ظهرلى شئ ....يمكن أنا ما عرفتش أعبرعنه كويس في التدوينة لكن في حاجة مهمة) :

طبعا التبرعات العينية أو المادية شئ مهم جدا للبنك و طبعا دي من مصارف الزكاة يعني لو حد يعرف رجل أعمال ممكن يدله على الباب ده .....لكن السبب اللى أنا أصلا ناشرة الفكرة علشانه هو إن البنك محتاج للمتطوعين جدا و خاصة في تعبئة الشنط الشهرية و ده طبعا كويس علشان الشباب اللى زينا اللى ميقدروش يدفعوا مبالغ كبيرة و في نفس الوقت عايزين يزكوا عن صحتهم ......فجزاكم الله خيرا نشر الفكرة بين الشباب لعل الله يجعلها في ميزان حسناتنا جميعا ...

و زي ما قلتلكوا استمارة التطوع عندي لكن مش عارفة احملها فاللى عاوزها يبعتلى ايميل بس و انا هبعتهاله...جزاكم الله خيرا

هناك 21 تعليقًا:

مصراوي أوي يقول...

انا سمعت عن الموضوع

بس بصراحة اول مرة اعرف بالتفصيل

اتمني ان يكون ليه فروع في المحافظات او علي الاقل رقم حساب لفروع البنوك في المحافظات المختلفة علشان باذن الله نساهم

وبعد اذنك احتمال ابقي انقل تدوينتك دي في مدونتي ممكن؟
ربنا يبارك فيكي

الحلم العربي يقول...

مصراوي أوي
فعلا البنك ليه جمعيات بتتعامل معاه في كل المحافظات و بيوزع عليها لكن هل هو نفسه ليه فروع و لالأ مش عارفة ممكن أسأل لحضرتك و أرد عليك و موضوع حساب البنك هو فعلا ليه حساب في البنك الأهلى مش فاكره رقمه دلوقتى لكن هبحث عنه و ابقى اقولهولك.
و طبعا ممكن حضرتك و أي حد ياخد التدوينة دي و ينقلها في مدونته من أجل نشر الفكرة لعل الله يجعلها في ميزان حسناتك و حسناتنا جميعا ...بارك الله فيك

الحلم العربي يقول...

الأخ مصراوي اوي
أنا جبتلك الإجابات من الموقع بالنسبة لموضوع التبرع المادي:

يمكنكم التبرع نقداً أو بشيكات بإسم بنك الطعام المصري لأحد مندوبينا أو بحسابنا الموحد رقم 888777 لدى البنوك التالية:

*

بنك مصر
*

البنك التجاري الدولي (CIB)
*

البنك الأهلي المصري
*

بنك فيصل الإسلامي
*

البنك العربي الأفريقي الدولي
*

بنك الأهلى سوسيتيه جينيرال NSGB
*

بنك كاليون Calyon

كما يمكنكم التبرع بمقر بنك الطعام 92 شارع التحرير برج ساريدار – الدور العاشر - الدقى

أما بالنسبة للأماكن التى يغطيها لبنك الطعام فلها خريكطة على هذا اللينك
http://www.egyptianfoodbank.com/Bank.asp?strdoc=Map

مصراوي أوي يقول...

شكرا يا حلم
ليا صاحبي في ال بنك التجاري تالدولي


وان شاء الله هشارك

مصراوي أوي يقول...

انا وضعت لينك التدوينة غلي مدونتي يا حلم جزاكي الله خيرا

الحلم العربي يقول...

الأخ مصراوي أوي:
جزاك الله خيرا على التفاعل مع المشروع و جعله الله في ميزان حسناتك

تحياتي

ضد الظلم يقول...

الدال على الخير كفاعله
اخى الكريم اثابك الله على هذا العمل ووفقنا معك فيه
ولكن نوريد التبرع بس بمبلغ بسيط وهنتحرج نروح البنك عيزين حل اقرب

الحلم العربي يقول...

الأخ الكريم :ضد الظلم
أو لا أنا بنت مش ولد
ثانيا :طبعا ربنا يكرمك على التفاعل مع الفكرة و أثابك الله
لكن أنا كنت بطرح الفكرة من أجل التطوع في المشروع ...طبعا التبرع شئ مطلوب جدا لكن الأهم منه التطوع في الوقت الحالى لان البنك محتاج جدا للمتطوعين ....فجزاك الله خيرا لو تفاعلت معه من تلك الزاوية و نشرت الفكرة بين أصدقائك

تحياتى

رينـــــــــــا يقول...

السلام عليكم
جزاكى الله خيرا
ان شاء الله كل حد هيستفاد هيكون فى ميزان حساناتك
وكما قال الاخ ضد الظلم
الدال على الخير كفاعله
ان شاء الله نحاول نشارك
تسلم ايدك

mohamed elbanna يقول...

تسلم ايديكى
ربنا يبارك فيك
انتى كده بتعملى حاجه بجد
بدل من اننا نقعد نشتم فى الحكومة اللى تستاهل انها تتشتم طبعا
لكن بدل كده نعمل حاجه بجد
انا هدخل على الموقع واشوف اقدر اساعد ازاى
لك من الله كل الجر
ومنى كل التحية والإحترام

احمد رفعت يقول...

بجد جزاكم الله خير انا اول مرة اسمع عنه خالص .
شكرا جدا جزاكي الله الجنة

علاء يقول...

أرسلت رسالة للايميل الموضوع في التدوينة لكنه اعطاني فشل في الارسال
عموما جزاكم الله خيرا
و أريد المشاركة و يمكنني تكوين فريق عمل بعدد ممتاز في محافظتي
ربنا يباركلك و يثبتك

الحلم العربي يقول...

الأخت رينا
نورتى مدونى لأول مرة
جزاك الله خيرا و يارب يجعلنا جميعا سبب في الخير ...و ربنا يكرمك

الحلم العربي يقول...

الأخ : محمد البنا
جزاك الله خيرا ...و أنا اصلا لسة ما عملتش حاجة أنا بس لقيتها فرصة كويسة ان الناس اللى ما تعرفش عن الفكرة حاجة تعرفها و تشارك ...بجد المشروع يستاهل اننا كلنا نساهم فيه بمجهودنا و كل واحد على قد ما يقدر
جزاك الله خيرا على التفاعل مع المشروع و ربنا يجعله في ميزان حسناتك

الحلم العربي يقول...

الأخ : أحمد رفعت
جزانا و إياك الجنة يا رب
الحمد لله انك عرفت المشروع لأن انا أصلا واضعاه في المدونة علشان الناس المؤثرين اللى زي حضرتك يتفاعلوا معاه و يحاولوا ينشروه على قد ما يقدروا ....
ربنا يوفقك ...و أنا بقى هعمل معاكو زي ما مديري عمل و هقولكوا انكم تتحملوا أمانة التبليغ و نشر المشروع...
جزاك الله كل الخير

الحلم العربي يقول...

الأستاذ علاء
جزاك الله خيرا على التفاعل مع المشروع
أنا جربت الايميل تانى دلوقتى و لقيته شغال ...لو سمحت حاول تبعت تانى و لو أعطى فشل في الارسال بردو ...أستأذنك تتركلى الايميل بتاع حضرتك و أنا هبعت لحضرتك استمارة التطوع على طول
جزاك الله خيرا
و ربنا يباركلك انت كمان و ينفع بيك الأمة....و نورت مدونتى

نقطة مية يقول...

اول مرة ادخل مدونتك و مش هتبقى آخر مرة بأذن الله..انا قريت كتير عن الموضوع و جزاكي الله خيرا انت مش سايبة تفصيلة مش ذاكراها و بنتبرع فعلا في البنك العربي الافريقي..بس دائما بحس انه مش كفاية...على العموم جزاكي الله خيرا و هبعتلك ايميل عشان الاستمارة
تحياتي يا غالية

الحلم العربي يقول...

الأخت نقطة مية
شرفتى المدونة و تسعدني زيارتك على طول

جزاك الله خيرا على اللي بتعمليه و يا رب يجعله في ميزان حسناتك

هستنى ايميلك و أول ما ييج هبعتلك الاستمارة على طول إن شاء الله
تحياتى

أحمد ندا يقول...

شيء جميل نتمنى له التمام

الحلم العربي يقول...

أحمد ندا:
شرفت مدونتى لأول مرة
فعلا نتمنى له التمام و لن يتم إلا بتفاعل شباب يمتلك الإخلاص و الأمل معا
تحياتى و يسعدني تكرار الزيارة

منة الله يقول...

الحلم العربي

ادعوك للمشاركة في استفتاء

اكثر 10 مدونات تاثيرا في قرائها

عل مدونتك منهم

اليك الرابط

http://www.6ef.blogspot.com/