2007-05-24

مأساة المثالي

"Saints are boring"
"القديســــون مضجــــرون "
كلمة سمعتها في فيلم أجنبي لكني أشعر بوجودها في حياتنا
نحترم الإنسان المثالى
لكن عندما نصاحب نصاحب هؤلاء المخطئين أمثالنا
............
فهؤلاء المثاليون
لا يعجبهم شئ
دائما ينصحون
و كأنهم بلا أخطاء
و الغريب أنك عندما تتصيد لهم الخطأ و تواجههم به
يعترفون
ثم يشكرونك
ثم يتوبون
ثم يزداد حبهم لك
فتزداد غيظا منهم
...............
أليسوا بحق مضجرين
!!!!!!!!!!!!!!!!!

هناك 27 تعليقًا:

حقى اهرتل يقول...

يامجرى ريق القلم على ورقه م الدفتر
اوعى لكلام خداع قبل الميعاد يفطر
خليه يكمل صوم لحد سبت النور
لو قش هوه ببنت بالتالته هيبصر

مصراوي أوي يقول...

بس يا حلم المفروض اننا منعاملش حد علي اساس انه مثالي.....وده بيخلينا متسامحين لما حد من اصحابنا يغلط.......محنش ملايكة

بس الانسان الجميل هوا فعلا اللي لما حد بينصحة مش بيتمادي في غلطه

رحم الله امرئ اهدي الي عيوبي

الحلم العربي يقول...

الأخ مصراوي اوي
انا اقصد ان في ناس بجد مثاليين لدرجة انهم بيكونوا متعبين بالنسبة للناس التانية ...و المثالى ده نفسه بيتعب أوي في الحياة لأن الناس في الآخر مش بتعرف تصاحبه لانه مثالي أوي و الناس مش دايما بتحب اللى قدامها يقولها على عيوبها ... زي ما يكونوا بيضحكوا على نفسهم و عايزين الناس كمان تضحك عليهم


أشكرك كثيرا على وجودك و على تعليقك

عصفور المدينة يقول...

جزاك الله خيرا
أنا من دعاة ادعاء المثالية
يعني كل انسان يدعي المثالية ويحاول يعيشها ولي تدوينة عن ذلك وهذا الموضوع هو محور حياتي
ويعجبني عبارة سمعتها من دكتور سيد نوح من سنين تلح علي دائما
معناها
إن الشيطان يريد أن يذكر الإنسان بأخطائه لأن هذا يجعله أضعف وعرضة للشيطان أكثر
اما متمثل المثالية فهو يكون أقوى ويقول لنفسه لا يليق بالمثالي هذا

الحلم العربي يقول...

عصفور المدينة
نورت مدونتى
حلو أوي المبدأ ده ...انه ال يليق بالمثالى أن يفعل ذلك
أنا اتعلمت من أ/ عمرو خالد حاجة زي دي ...انى أعيش داعية بأخلاقى
حتى لو في يوم غلطت ..ما أنا لازم أغلط لانى بشر لكن ما اخليش غلطي يخلينى اتمادى فيه
كلام جميل فعلا و يا ريتنا نعرف نطبقه
أشكرك على تعليقك كثيرا

semsem يقول...

والله عندك حق
بس هو فى اصلا حد مثالى
تحياتى

الحلم العربي يقول...

semsem
نورتى مدونتى لأول مرة و يا رب ماتكونش الأخيرة
و الله .........هو في ناس مثالين بس مش عارفين يعيشوا في الدنيا علشان كده مش بنلاقيهم كتير ...يا إما بيتقوقعوا داخل نفسهم يا إما بيتغيروا علشان يعرفوا يعيشوا

تحياتى

ضد الظلم يقول...

فعلا ومش عارف العيب فى مين المفروض نقرب منهم مش نزعل منهم بس الواحد بيتخنق من المثاليه الزيادة
بس اكثرهم مدعين مثاليه وليسو كذلك

تحياتى

الحلم العربي يقول...

ضد الظلم
شكرا على وجودك
المشكلة اننا مش عايزين نصدق ان في ناس بجد مثالين ...أكيد كلنا لينا أخطاء لكن اللى بيعترف بخطئه لما تواجهه بيه بيكون بحق مثالى
و يا ريت كلنا نحاول نكون كذلك حتى لا يتحول هذا العالم لغابة

تخيل العالم بدونهم .......هيكون شكله وحش أوي

شكرا ليك و تحياتى

sendbad يقول...

في ناس مثالين جدا جدا انما لانهم مش عارفين يعيشوا في الزمن المهبب ده تلاقيهم عايشين وحديهم ومنغلقين علي نفسهم

الحلم العربي يقول...

sendbad
أهلا بيك
فعلا في ناس مثاليين لكت مش باينيين علشان مش عارفين يعيشوا في المجتمع اللى مليان أخطاء ...مهم اننا نحاول نظهرهم أو حتى نكون زيهم علشان المجتمع ترجعله آدميته..
شكرا ليك

Ebtsam يقول...

من حقك فى عصر فتاوى ارضاع الكبير وتزوير الانتخابات بالشرع واباحة شرب بول النبى .. انك تقول ما بقاش خلاص حد نصدقه
تحياتى

الحلم العربي يقول...

abtsam
أهلا بيكي لأول مرة في مدونتى ...نورتينى
طبعا في ظل العشوائية و التخبط اللى احنا فيه لازم تطلع كل المصائب اللى بنشوفها دي ...لكن ده بردو ما يمنعش ان بردو فى ناس كويسة ...صحيح مش عارفين يعيشوا كويس لأن ده مش زمانهم لكن المهم انهم لسة موجودين..
و أهلا بيكي على طول
تحياتى

لو كنت أعلم يقول...

ليست المثالية إلا وهم خلقناه وحاولنا ونحاول الوصول إليه

بصي مافيش حد مثالي
و إن وجد
فنحن لسنا على الأرض ياعزيزتي
بل نحن في جنة الأدباة "اليوتوبيا"

تحياتي لك

shermen يقول...

مش دايما بيضايقني الشخص المثالي
لكن أتحداكي إن لقيتي حد مثالي
ولو لقتيه هاتيهولي

المثاليه ف الزمن اللي إحنا فيه دلوقتي بقى صعب تواجدها جدا

ولو الشخص ده موجود
أكيد لازم يتغير لأنه في عالم غير مثالي

إلا إذا أراد أن يلتحق بعالم مثالي غير موجود في عالمنا هذا

بالظبط ذي ذرات المياه بينها وبين بعضها كل أجزائها متشابكه لأنها من نفس النوع وما ينفعش تيجي ذرة دم وتبقى لونها الوحيد اللي واخد االلون الأحمر لازم تنصبغ باقي الجزيئات بنفس اللون لأن المياه هيه العالم المثالي اللي هو الشفاف وأي شيء لونه مختلف عنها بيعكر صفوها وبيأثر عليها

بالظبط ذي أمثال المثاليين و الفاسدين

تحياتي القلبيه

الحلم العربي يقول...

لو كنت أعلم
أهلا بيكى في مدونتى ...يا رب تكونى خلصتى امتحانات بقى علشان نشوفك كتير في المدونات
أنا معاكي طبعا ان مفيش حد مثالى في كل حاجة ...بس بجد الناس دي موجودة ..أكيد كلنا فينا أخطاء...لكن أنا بتكلم عن اللى مش عايز يغلط على قد ما يقدر و مش عايز اللى حواليه يغلطوا ...بيكون متعب شوية و مش عارف يعيش في الزمن اللى احنا فيه
تحياتى لك و شكرا على تعليقك رغم انشغالك


............................


shermen
أهلا بيكى لاول مرة في مدونتى و نورتينى
لكن حتى لو كان المثالى في زماننا زي نقطة الدم في وسط الماء ...ليه منحاولش نحافظ على وجوده ...مجرد انه يبقى موجود....مهم أوي يكون فينا ناس زي دول ....مثاليين او بيحاولوا يكونوا مثاليين لأن الحياة بدونهم هتكون وحشة أوي...
تحياتى لك

انا قلب يقول...

اعتقد ان مش كله والا ممكن يكون اعتقادي خاطئ اذا ماكنتش فاهم مين القديسون

الحلم العربي يقول...

أنا قلب:
تحياتى و أهلا و سهلا بيك في المدونة لاول مرة
أقصد ب(قديسون) من يحاول أن يصل إلى المثالية و يوصل من حوله إليها ..في الغالب يكون هو الصواب و لكنه أحيانا لشده رغبته في أن يصل من حوله للمثاليه يضجرهم منها ...و أحيانا لا يريد الانسان من ينصحه طول الوقت بل يريد من يتقبله على أخطائه هذا ليس ذنبا للمثالى و لكن هذه هي الحياة و هؤلاء هم البشر...
أتمنى أكون قدرت أوصل المعنى و شرفتنى
تحياتى

ياسر سليم يقول...

نتشرف بدعوة سيادتكم والأسرة الكريمة لحضور إفتتاح المدونة الصاعدة بإذن الله .. كلماتى .. والعاقبة عندكم فى المسرات ..
حضروكم يسرنا ..
ودخانكم يضرنا ..

الحلم العربي يقول...

ياسر سليم
أهلا بيك و شكرا على الدعوة و حالا هروح مدونتك
شكرا

omar مشروع بطل يقول...

هو بصراحة انا يمكن مش معاكى اوى فى رايك .. طبعا فى ناس زى ما قلتى و بيحبوكى لو نصحتيهم و واحنا كمان بنحبهم

بس يمكن فى نفس الوقت الكلمة اللى انتى سمعتيها فى الفيلم الى حد كبير صح
وانا سمعت زيها
no one wants to live with sant
يعنى محدش يحب يعيش مع قديس

انا بس هقولك مثال واقعى على كلامى
انا اعرف واحد عامل مشاكل مع مراته دايما .. ليه؟ زوجته انسانة مهذبة جدا وقمة الاحترام و هو كمان نفس الكلام .. بس هى محسساه انه عايش مع قديس .. دايما مواعظ مفيش غير قنوات دينية الضحك بحدود علشان بيميت القلب و الاكل بحدود و خناق علشان فوت صلاة فى المسجد و يا سلام بقى لو جه فى يوم وقفشته بيتفرج على فيلم اجنبى ولا حتى لاسماعيل ياسين .. "اتق الله .. حرام عليك .. غض بصرك .. بلاش لهو ..

من الاخر رايى ان كل شىء بحدود و فى وقته و من غير ما احسس اللى قدامى ان انا قديس

N.B
لو فى رد يستحسن فى مدونتى علشان أقراه فى اقرب فرصة

omar مشروع بطل يقول...

بما انها اول مرة ازورك فى مدونتك فعايز اقولك اسلوبك جميل واسمحيلى أعزمك انا كمان تردى الزيارة ليا

الحلم العربي يقول...

مشروع بطل
ربنا يكرمك يا رب على التشجيع و شرفتنى في أول زيارة ليك و اتمنى ما تكونش الأخيرة
أحييك على فهمك للبوست زي ما كان قصدي بالضبط و كلامك بيأكد كلامى ...ان الواحد حتى لو كان عارف انه مخطئ مش دايما بيكون عايز يعيش مع قديس يحسسه انه مخطئ طول الوقت ...
شكرا على زيارتك و انا رايحة أزور مدونتك حالا

محمود علي يقول...

مفيش حد مثالي يا حلم
كلنا فاسدون
علي رائ احمد ذكي في فيلم ضد الحكومه

الحلم العربي يقول...

الأخ محمود على
و الله كلنا لينا أخطاء لكن مش كلنا فاسدون و لا حاجة ...انا مش معاك في الكلمة دي فينا ناس صالحين و الله لكن مش باينين أو ناس على الأقل عايزين يكونوا صالحين...
تحياتى لك

محمود علي يقول...

للاسف انتي مفهمتيش قصدي صح يا حلم
انا قصدي بمفيش حد مثالي
هو ان مفيش حد مبيغلطش
كلنا بنتوب او مش بنتوب مش هي ديه القضيه
القضيه اننا بنغلط
وده معناه ان مفيش حد مثالي

الحلم العربي يقول...

الأخ محمود على
احنا تقريبا متفقين على مفهوم ان مفيش حد ما بيغلطش ...
لكن مختلفين في تعريف المثالى ....
في رأيي المثالى هو اللى بيغلط و بعدين بيتوب على طول لأننا بش في الأول و في الآخر و فكرة وجود حد ما بيغلطش دي حاجة مستحيلة ...لكن اللى بيكونوا أقرب ما يكونوا للمثالية هما اللى بيحاولوا على قد ما يقدروا يصلحوا أخطائهم و يتوبوا
نورت مدونتى و تحياتي لك