تاج لأول مرة ....من هوندا

لأول مرة في تاريخى التدوينى القصير يجيلى تاج و مين مين كمان من صديقتى التى لا أعرفها هوندا طبعا أنا بشكرها على التاج الظريف ده و كمان بشكرها لأنها أول واحدة تبعتلى تاج أصل التاجات دي بتفكرنى بلعبة كنا بنلعبها انا و صاحباتى في ثانوي

توكلنا على الله


1- أحب شخص لقلبك في الدنيا؟
الرسول صلى الله عليه و سلم ثم أمي الحبيبة صاحبتى اللى بموت فيها و بابا العزيز ثم اخواتى العساسيل و صاحباتى و أولهم بسمة انتيمتى طبعا انتو متعرفوش بسمة بس هي شخصية جميلة قوي و انا بحبها قوي قوي قوي و بحب كل الناس اللى حوالية الطيبين اللى مش بيحبوا يضايقوا غيرهم

2- انسان مستعد تضحي بحياتك – ركز فى كلمة حياتك – عشانه؟
نظريا : أي حد مادام معاه الحق
عمليا : ما اتحطتش في موقف زي ده قبل كده لكن عموما انا نفسي أموت شهيدة و اللى يموت دون عرضه و ماله فهو شهيد


3- انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟ كل اللى أياديهم ملطخة بدماء أسرانا و اخواننا في فلسطين و العراق و الجميع بلاد المسلمين و حتى بلاد غير المسلمين اللى احتلوها الجبابرة ....كل اللى بيدي نفسه الحق يقتل في خلق الله و يستعبدهم و يمص خيراتهم


4- ما هو اسم اجمل كتاب كتبه بشر قراته ومحتفظ به حتي الان؟
بين يدي عمر (خالد محمد خالد)0


5- اسم كتاب كتبه بشر برضة- انت متعلق بيه وبتقرأه كل فترة؟
كتب كتيرة أنا عموما معظم الكتب اللى قريتها بحب ارجعلها تانى منهم مثلا
سلسلة الصحابة (خالد محمد خالد)
لا تحزن (عائض القرني)
معظم كتابات (توفيق الحكيم)
العبقريات
قوة التفكير الابداعي (توني بوزان)


6- اهم جهاز منزلى انت متعلق بيه او بتستخدمه كتير؟
زمان كان التليفزيون ...دلوقتى أكيد الكمبيوتر

7- مكان تحس بالراحة عندما تدخله؟
المسجد بالذات في رمضان(الملايكة بتكون زيادة شوية)0
بيتنا و انا راجعة من الشغل
دار الحصري في ميعاد الدرس الأسبوعي بتاعنا يوم الأحد


8- شىء تحس بالراحة النفسية عندما تنظر اليه؟
صور المسجد النبوي و الروضة الشريفة (يارب أزورهم قريب أنا و كل اللى نفسهم في الزيارة )
السماء وقت الشروق و الغروب
و البحر أحيانا لكن في الغالب بخاف منه


9- مكان تحس فيه بالحنين الى شىء لا تدرى ماهو و ذكريات جارفة الى لاشىء؟
الكعبة و المسجد النبوي (شوق إلى الحج و العمرة )
المسجد الأقصى(شوق و حنين لتحريره)
المساجد القديمة و الآثار الإسلامية ..بتفكرنى بعصر النهضة الإسلامية


10-أجمل مدينة زرتها داخل مصر؟
أنا للأسف مزرتش مدن كتيرة في مصر لكن في اللى زرتهم
الساحل الشمالي
بلدنا ..الغربية


11- أجمل مكان طبيعي رأيته داخل مصر ؟
صور جبل سيناء (لسة مازرتوش)0
القاهرة من فوق المقطم
أي مكان فيه خضرة كتيير


12- شخصية كارتونية بتحبها
كتييييييييييير
عم دهب
بطوط
الجدة بطة
مينى
تيمون و بومبا
شلبي و وشوشنى
سيمبا
بكار


13- انوع هاتفك المحمول؟
ليه بس الإحراج ده
نوكيا 3200
ايه ماله؟؟؟مش بيقول ألو؟؟؟
انا متبعة النظرية المعمارية اللى بتقول : الشكل يتبع الوظيفة


14- سرعة بروسيسور جهازك؟
الأسئلة دي بتاعت أخويا بس في الغالب 2.1

15- حجم ذاكرة –هارد- جهازك؟
120

16- المساحة التى تشغلها المواد الاسلامية على جهازك؟
20 لكن ليه الأسئلة دي العبرة مش بالمساحة على الهارد


17- أهم هدف انت واضعه لحياتك الآن؟
إنى أكون قدوة صالحة لأولادي إن شاء الله
انى أكمل حفظ القرآن الكريم
انى اتعلم على قد ما أقدر في مجالى (الهندسة المعمارية)0


18- مواصفات فتى الأحلام بالنسبة لك؟
يااه انا كنت محددة مواصفات كتيرة لكن أنا واثقة ان ربنا هيرزقنى بحد أحسن من كل المواصفات اللى كنت محددها
و عموما في حاجات ما ينفعش اتنازل عنها إن شاء الله
1- الأخلاق - أنا آسفة انى مش بقول التدين في الأول لكن بصراحة دلوقتى فيه متدينين أخلاقهم مش قد كده-يعني يكون ابن ناس و أهله مربينه كويس
2- التدين
3- يكون عنده هدف لا يتنازل عن تحقيقه
4- يكون بيحب النجاح للآخرين زي ما بيحبه لنفسه (يعني مش منفسن هههه)0

صف ما يأتى

:

شعورك لما بتسمع كلمة مصر ؟
بحس انى ممكن أضحي بحياتى علشان هي تكون أحسن


شعورك لما بتسمع كلام عن اليهود؟
بتحفز و أشتغل أكتر علشان نكون أحسن منهم و نسترد أرضنا منهم

شعورك لما بتشوف ظابط شرطة؟
بفتكر كل النماذج اللى قابلتها في حياتى منهم و بقعد أدور على حد كويس فيهم مش بلاقى و بعدين بقول أكيد فيه منهم كويسين بردو بس أنا ما قابلتهمش لسة


شعورك لما بتشوف الكناس العجوز فى الطريق؟
بقول أين أنت يا عمر
لو كنت موجود كنت صرفتله راتب شهري و عينتله واحد يرعاه

افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
بقول يارب يكون الجوهر زي المظهر حتى لا تكون فتنة لضعاف النفوس

احساس يراودك فى اشارة مرور مغلقة بسبب مسئول كبير؟
بجد بيبقى نفسي أقوله :
يا بيه انت بس تقعد في مكتبك المكيف دي في حد ذاتها خدمة كبيرة للوطن علشان الشعب يعرف يقضي مصالحه

و بما أن التاج علينا حق فأنا أحب أمرر التاج ده لكل المدونين اللى أعرفهم بس في كتير منهم جاوب عليه علشان كده همرره للى ما جاوبوش عليه قبل كده على حد علمى و على الله بقى ما يجاوبوش عليه هبعتلهم كل يوم تاج لغاية ما يزهقوا منى

إصرار أمل
أحمد منسي
عم أحمد رفعت
همسة قلم
أ/ محمد البنا
لو كنت أعلم

و كل تاج و انتو طيبين و على الأسئلة مجاوبين

افتح حسابك.....في بنك الطعام

شاء الله أن أجتمع بذلك الرجل في مكان عمل واحد

و شاء الله أن يتوسم في شيئا من حب التطوع للخير
و شاء الله أن فتح أمامى ذلك الباب
...............
أنا لم أدخل بعد ذلك الباب و لكن بما أنه وضع في يدي أمانة بعد الاجتماع ان أخبر كل من أتوسم فيهم الخير ...فها أنا أخبركم لأننى أتوسم فيكم الخير الكثير
............

الموضوع : بنك الطعام

.............................

لا أدري إن كان احدكم سمع عنه أم لا قبل ذلك و لكنى كنت قد سمعت عنه بالفعل قبل أن ألتقي مديري الجديد في العمل و الذي يعمل مديرا للمتطوعين في هذا المشروع الخيري الضخم ...........

فكرة المشروع :

بداية جاءت فكرة المشروع عندما كان يمشي رئيس مجلس إدارة المشروع في إحدى المناطق العشوائية ووجد امرأة تحمل طفلا رضيعا تبحث في القمامة ثم وجدت شيئا فأخذته من القمامة ثم وضعته في فم الطفل ..........(لا حول و لا قوة إلا بالله هذا يحدث في مصر ) فقرر أن يبدأ مشروعا خيريا يساعد هؤلاء الذين لا يجدون الطعام ...هؤلاء الذين يمرضون لانهم لا يجدون ما يقتاتوا به ..وبعد البحث وجد أنهم كثيرون في بلادنا

الهدف من المشروع:

القضاء على الجوع في مصر سنة 2025

آلية المشروع :

جمعية خيرية هدفها توفيروتوصيل الطعام للأيتام و كبار السن و الأرامل و الأسر المحتاجة و الأشخاص الغير قادرين علي العمل و الكسب تقوم فكرة بنك الطعام علي تلقي التبرعات النقدية و العينية و الأغدية غير المستغلة والفائضة عن طريق جمعها من مختلف الشركات و الهيئات و المؤسسات و الافراد والاستفادة منها في توفير الطعام بصفة دورية للمحتاج الحقيقي -

وقد أنجز المشروع العديد من الإنجازات منها :0

- يقوم "بنك الطعام "بتوزيع الأطعمة الطازجة علي دور الأيتام والمستشفيات الحكومية مثل الألبان والمربات و العصائرو البيض و الفواكه والخضروات ......الخ

- يقوم "بنك الطعام " بإطعام عدد من الأسر بصفة منتظمة شهرياً في الوقت الحالي بالطعام الجاف الرئيسي و المخطط زيادة العدد 200 ألف أسرة سنوياً (مليون مواطن) بتكلفة تزيد عن 240 مليون جنية خلال الفترة القادم وذلك عن طريق زيادة الموارد المتوقعة للبنك

- يقوم "بنك الطعام "بدوره القومي حال حدوث الكوارث لا قدر الله حيث قمنا بتوزيع 38 الف وجبة بميناء سفاجا لأهالي المصابين في كارثة غرق العبارة السلام 98

- يقوم "بنك الطعام "برعاية الإحتفال السنوي بيوم اليتيم حيث يتكفل البنك بكافة الوجبات المطلوبة لعدد 60 ألف طفل بالقاهرة والجيزة والمحافظات الأخري سواء كانت جافة أو ساخنة كما تكفل البنك أيضا بتجهيز البوفيه الخاص بحفل الزفاف الجماعي وساهم البنك في المؤتمر التحضيري ليوم اليتيم العربي الذي أقيم بجامعة الدول العربية

- قام و مازال "بنك الطعام " بنشر ثقافة إستغلال الأطعمة السليمة بالفنادق الكبري ( إداره الفنادق و اصحاب المناسبات ) و قد تم توزيعها كالتالي :

- "بنك الطعام" سن سنة حسنة في تحويل شريعة الأضحية الي مشروع حضاري منظم لأول مرة في مصر.

حيث تبني هذا المشروع الحضاري بالاشتراك مع المصرف المتحد بعد دراسة نمط توزيع لحوم الآضاحي في جمهورية مصر العربية والذي يتسم بعدم الوصول إلي كثير من المستحقين الحقيقيين ونسبة كبيرة من العشوائية؛ فيصل في بعض الأحيان إلي الأسرة الواحدة أكثر من كيس من اللحم وبعض الأسر لايصلها اللحم منذ سنوات في حين أن بنك الطعام المصري لديه الكثير من الحالات المدروسة في جميع أنحاء الجمهورية.

و يفخر "بنك الطعام" بأنه قد وصل إلي كثير من الأسر المستحقة في قري ومحافظات لايصل إليها أحد و قد تم توزيع اللحوم المجمدة علي 160 جمعية علي مستوي 25 محافظة. و بشكل منظم وحضاري وفي وقت قياسي وفي سيارات تجميد و تبريد لضمان الصلاحية.

- لأول مرة في مصر قام "بنك الطعام" بإستخدام نسبة من لحوم الآضاحي في تصنيع معلبات مطبوحة (خضار بالحم جاهز للأكل)و بصلاحية تمتد إلي عام و بالتالي نستطيع أن نوفر للأسر المستحقة وجبة من اللحوم بشكل شهري وليس مرة واحدة في العام ( خطوة في طريق العمل الجماعي المنظم لصورة الأضحية )

- إمتداد لهذه الفكرة يقوم "بنك الطعام" بذبح الكفارات و النذور و الفدو و الصدقات بالنيابة عن الأفراد و القيام بتوزيعها علي المحتاجين الحقيقيين.

احتياجات المشروع :

(1) تبرعات عينية (مادية أو وجبات )

(2) نحتاج لك سفيراً للخير

(3)نشر أهداف و فكرة عمل "بنك الطعام"

(4)نشر ثقافة إستغلال الأطعمة السليمة

(5)نشر الوعى لدى الأفراد عن كيفية التعامل مع الأطعمة و توزيعها للمحتاجين مباشراً من المنازل

(6)المعاونة فى تعبئة الشنط الشهرية

(7)تولى مسئولية "قائد فريق" و إستقدام و تدريب و متابعة المتطوعين

(8)المعاونة فى "مركز تلقى الإستفسارات ( الذى سيتم إستحداثه )

(9)المعاونة فى تقديم فكرة "بنك الطعام" خلال المناسابات التى يقيمها البنك

(10)المعاونة فى الإستعلام عن مستحقين الدعم طبقاً للطلبات الواردة منهم

(11)توصيل الشنط الشهرية

(12)إحياء مبادىء و قيم تكافل المجتمع و تكامله

و لمعلومات أكثر يمكنكم الدخول على موقع بنك الطعام
www.egyptianfoodbank.com

و للاستفسار عن كيفية المشاركة و التطوع في المشروع يمكنكم إرسال ايميل لى برغبتكم في المشاركة حتى أرسل لكم استمارة التطوع عن طريق هذا الايميل

we_must_b@hotmail.com

آسفة للإطالة و لكن للأهمية و يسعدنى تفاعلكم مع الفكرة و نشرها ولنحتسب جميعا الثواب عند الله

ملحوظة : هذا المشروع ليس قاصرا على دين أو عرق أو جماعة فهو عبارة عن دعوة إنسانية للقضاء على الجوع في
مصر

ملحوظة تانية (آسفة لكن من التعليقات ظهرلى شئ ....يمكن أنا ما عرفتش أعبرعنه كويس في التدوينة لكن في حاجة مهمة) :

طبعا التبرعات العينية أو المادية شئ مهم جدا للبنك و طبعا دي من مصارف الزكاة يعني لو حد يعرف رجل أعمال ممكن يدله على الباب ده .....لكن السبب اللى أنا أصلا ناشرة الفكرة علشانه هو إن البنك محتاج للمتطوعين جدا و خاصة في تعبئة الشنط الشهرية و ده طبعا كويس علشان الشباب اللى زينا اللى ميقدروش يدفعوا مبالغ كبيرة و في نفس الوقت عايزين يزكوا عن صحتهم ......فجزاكم الله خيرا نشر الفكرة بين الشباب لعل الله يجعلها في ميزان حسناتنا جميعا ...

و زي ما قلتلكوا استمارة التطوع عندي لكن مش عارفة احملها فاللى عاوزها يبعتلى ايميل بس و انا هبعتهاله...جزاكم الله خيرا

مأساة المثالي

"Saints are boring"

"القديســــون مضجــــرون "

كلمة سمعتها في فيلم أجنبي لكني أشعر بوجودها في حياتنا
نحترم الإنسان المثالى
لكن عندما نصاحب نصاحب هؤلاء المخطئين أمثالنا
............
فهؤلاء المثاليون
لا يعجبهم شئ
دائما ينصحون
و كأنهم بلا أخطاء
و الغريب أنك عندما تتصيد لهم الخطأ و تواجههم به
يعترفون
ثم يشكرونك
ثم يتوبون
ثم يزداد حبهم لك
فتزداد غيظا منهم
...............
أليسوا بحق مضجرين
!!!!!!!!!!!!!!!!!

أحلامك الضائعة

يوما من الأيام حلمت حلما كبيرا
و عندما لم تمتلك الشجاعة كي تصر على حلمك
أضعت حلمك الكبير
و عندما لم تستطع أن تعيش بدون حلم
بحثت
ثم بحثت
فأصبحت مجرد باحث عن أي حلم صغير
حتى تستطيع أن تحيا
و نسيت
أنك إن لم تمتلك يوما حلما كبيرا
سوف تكون أداة تنفذ أحلام الآخرين
ترى ...هل تجد يوما حلمك الكبير القديم
؟؟؟؟؟
أم ستظل تبحث عن حلم جديد
؟؟؟؟؟؟؟

رب أرني أنظر إليك

قالها سيدنا موسى عندما أراد أن يرى الله سبحانه و تعالى

أربع كلمات أدعو بها كلما تعثرت و فقدت توازنى

"رب أرني أنظر إليك"

بالطبع لا أعنى الجملة كما قالها سيدنا موسى

كل ما أعنيه هو

"رب أطلق بصري و بصيرتى حتى أجد طريق الحق....طريق الصالحين...الطريق الذي يصل بي إلى رضاك"

رب أرني .....رب أرنا جميعا

رب أر الأمة تنظر إليك

سيناء ...و أغانى السلام

من كام يوم كنت بقلب في التليفزيون كعادتى لما أحب أن أعرف عن كل القنوات كل شئ حتى أقرر أنى سأشاهد لا شئ
المهم ..جلست أقلب في القنوات حتى رأيت أغنية لمجموعة من المغنيين المصريين ...لا و كمان بتتكلم عن سيناء ..إذا ..لازم اتفرج عليها
ما انكرش ان الأغانى الوطنية دلوقتى مش زي زمان .
بردو ما الأغانى الدينية مش زي زمان.
ما بقتش بقعد استنى الاغانى دي زي ما كنت زمان بقعد استنى أغنية وطنى حبيبي الوطن الأكبر مثلا و أقعد أغنى معاها .
الأغانى فقدت مصداقيتها .
عاملة زي الفراخ البيضا كده .
لا طعم و لا لون و لا ريحة.
على العموم دي سمة الجيل كله
المهم لفت نظري حاجة
المطربين لابسين أبيض
قلت أكيد قصدهم على السلام.....السلام اللى هو الخياااااااار الاستراتيجى
قلت ماشي نعديها
كلمات الأغنية كلها عن ان سيناء مهد للديانات
و ان في أنبياء كتير مشيوا على أرضها
و على استحياء كده جابوا سيرة ان في ناس استشهدوا فيها
كلام جميل
...................................
اللى استفزنى بقى وخلى الدم يضرب في نفوخي هو آخر مشهد
الصورة على جسر مليان رايات بيضا مرفوعة
!!!!!!!!!!!!!!!!!!!!!!!!!!!!!!!!
حد يقولى معناها ايه
؟؟؟؟؟؟؟
طيب المخرج العبقري اللى صور الأغنية دي مفكرش يعنى يحط صورة علم مصر و لو حتى لحفظ ماء الوجه
؟؟؟؟؟؟؟؟؟
ده حتى ما هانش عليه يجيب صورة العلم طول الأغنية
!!!!!!!!!!!!!!
و كأن سيناء دي بلد مستقلة أو بقعة على الخريطة محدش يعرفها و هو بقى بيعرفنا عليها
بلد السلام
بلد الرايات البيضا المرفوعة
بلد خطى عليها كل الانبياء فعشان خاطرنا محدش ييجي يحاربنا فيها
و احنا علشان ما تزعلوش مش هنحط عليها علم مصر
هو ده السلام
؟؟؟؟؟؟؟؟؟؟؟؟؟؟؟؟؟
أعتقد لو كان حط علم مصر كان هيقول المعنى بشكل أحسن
يمكن مش عارف معناه كويس

الأحمر: دم خير أجناد الأرض اللى روى أرض سيناء قبل ما ترويها الماء
الأبيض : سلام مش استسلام...نسالم من يسالمنا و نعادي من يعادينا
الأسود: سمار ولادنا ...طين الأرض و خيرها...لون مقابر الغزاه اللى ماليه بلادنا
................
هو ده علم مصر زي مانا شايفاه و اللى عندى أحسن من مية راية سلام سياسية
..........................
مش عارفة إذا كانت أغنية زي دي فرحت أهالى سيناء و لا لأ لكن الأكيد انها حرقت دمى
...........

مقتل القمر

....وتناقلوا النبأ الأليم على بريد الشمس
في كل مدينة ،
(( قُتِل القمـــر ))!
شهدوه مصلوباً تَتَدَلَّى رأسه فوق الشجر !
نهب اللصوص قلادة الماس الثمينة من صدره!
تركوه في الأعواد ،
كالأسطورة السوداء في عيني ضرير
ويقول جاري :
-(( كان قديساً ، لماذا يقتلونه ؟))
وتقول جارتنا الصبية :
- (( كان يعجبه غنائي في المساء
وكان يهديني قوارير العطور
فبأي ذنب يقتلونه ؟
هل شاهدوه عند نافذتي _قبيل الفجر _ يصغي للغناء!؟!؟))
..... ........ .......
وتدلت الدمعات من كل العيون
كأنها الأيتام – أطفال القمر
وترحموا...
وتفرقوا.....
فكما يموت الناس.....مات !
وجلست ،
أسأله عن الأيدي التي غدرت به
لكنه لم يستمع لي ،
..... كان مات !
****
دثرته بعباءته
وسحبت جفنيه على عينيه...
حتى لايرى من فارقوه!
وخرجت من باب المدينة
للريف:
يا أبناء قريتنا أبوكم مات
قد قتلته أبناء المدينة
ذرفوا عليه دموع أخوة يوسف
وتفرَّقوا
تركوه فوق شوارع الإسفلت والدم والضغينة
يا أخوتي : هذا أبوكم مات !
- ماذا ؟ لا.......أبونا لا يموت
- بالأمس طول الليل كان هنا
- يقص لنا حكايته الحزينة !
- يا أخوتي بيديّ هاتين احتضنته
أسبلت جفنيه على عينيه حتى تدفنوه !
قالوا : كفاك ، اصمت
فإنك لست تدري ما تقول !
قلت : الحقيقة ما أقول
قالوا : انتظر
لم تبق إلا بضع ساعات...
ويأتي!
***
حط المساء
وأطل من فوقي القمر
متألق البسمات ، ماسيّ النظر
- يا إخوتي هذا أبوكم ما يزال هنا
فمن هو ذلك المُلْقىَ على أرض المدينة ؟
قالوا: غريب
ظنه الناس القمر
قتلوه ، ثم بكوا عليه
ورددوا (( قُتِل القمر ))
لكن أبونا لا يموت
أبداً أبونا لايموت !

..........................

أمل دنقل

بعد كام يوم

بعد كام يوم يوم ميلادي
تفتكروا افرح و لا ازعل
يعمل ايه الواحد يوم ما يتم ربع قرن
من زمان بستنى يوم زي ده
خايفة منه
خايفة منه اوي
انا عارفة نفسي
مش هعرف امسك نفسي
هحاسب نفسي
هكتشف
انى لليوم ده ما قدمت شئ افتكره لنفسي
تفتكروا افرح و لا أزعل
........................

هندسة الحياة

ليست المرة الأولى التى يمسك فيها بتلك الزجاجة

زجاجة بنية اللون مكتوب عليها (سم قاتل)....0

..................................

و لكن هذه المرة لم يكتف المهندس شوقى بأن يخرج الزجاجة من درج المكتب لينظر إليها كعادته ثم يعيدها إلى مخبأها؛ بل أمسك بها و ضغط على فوهتها ثم فتح الغطاء

لقد إتخذ قراره

الرحيل إلى الأبد

لكن قبل الرحيل أخذ يفكر

هل أرحل هكذا دون أن أترك شيئا لهذه الدنيا التى أودت بي لهذه النهاية ؟؟

لا لن أتركها تفوز في النهاية

ستكون آخر ورقة أكتبها لهذه الدنيا هي حقيقتها

سوف أكشفها أمام نفسها ...و لكن بطريقتى...0

سوف أرسم لها حقيقتها ....لن أنسى أبدا أننى مهندس ..هكذا تعلمت في هذه الدنيا ..أن أرسم كل شئ ...و كما تعلمت ذلك منها سوف أرده عليها وبالا لما فعلت بي

هاهاها ...ايه أيها الدنيا ...سوف أرسم لك حقيقتك الآن

...............................

يضع ورقه أمامه

يمسك قلما سميكا

يحاول أن يرسم

يفكر

يسأل نفسه

من أنت أيها الدنيا؟؟

تلمع عينياه

يرسم ثلاثة أضلاع

يتذكر أستاذة الفلسفة في الثانوية العامة و هي تقول : " الحق - الجمال - الخير ".... يتأمل ...ينظر إلى المثلث بامتعاض ثم يمسك الورقة و يمزقها

........................

ينظر إلى جدران الغرفة

تلمع عيناه مرة أخرى

يتأمل

ينطر إلى الورقة

يرسم مربعا

يتذكر أباه في الحبس ...هو أيضا في حبس و لكن ..شتان بين الحبسين فجدران حبس أبيه لا تحرمه من أن يبتسم و لو قليلا لا لشئ إلا لأنه يعلم أنه يوما ما سيخرج من هذا الحبس ...أما شوقي فلن يخرج من حبسه أبدا فجدران حبسه الأربعة داخله ...قابعة في قلبه ..حاول الكثيرون أن يخرجوه منها و حاول هو أيضا ان يخرج منها كثيرا و لكن...لم يخرج حتى الآن

يفكر ...كيف كان أمله كبيرا عندما تزوج سنية أن تكون هي ذلك الشئ الذي يخرجه من ذلك الحبس ..و لكن على العكس ...يتمنى الآن لو لم يقابلها تلك الخرقاء عالية الصوت لا يهمها إلا ولدهما ...لا تهتم به إبدا ..تعامله كخيال يعيش معهم إلا أنه خيال مطيع يسمع الأوامر و ليس عليه إلا التنفيذ فقط

تدمع عيناه

ينظر إلى المربع في الورقة

يمسح ضلعا من أضلاعه

يطيل الضلعين المجاورين ..ثم يعيد رسمه بعد أن أصبح المربع مستطيلا

............................

يتمعن المستطيل

يهز رأسه

تمر أمامه صورة جده ذلك الطاعن في السن ...خمسة و ثمانون سنه ..ياااه ..لقد عاش طويلا ..كانت حياته كذلك المستطيل ...طويلة طويلة ...و لكن ماذا حدث له في النهاية .....أمراض عضال ...تأوهات مريرة ...أدوية قاتلة ...عذاب ..عذاب ..ثم سكون تااااااام

..................................

ينظر إلى المستطيل

يحرك رأسه بالنفي

يتذكر سلمى تلك الطفلة الجميلة ..إبنه أخيه عندما ابتلعتها دوامة البحر منذ خمسة سنوات ...لا ينسى شكلها و هي تدور في الدوامة أمامه و هو عاجز ...لم يستطع أن ينقذها ...كم كان يحبها وكم كان مشهد الدوامة مرير

تسقط من عينيه دمعة

يرسم دائرة الدوامة على الورقة

يضع القلم

يبكي

يبكى

....................................

يتذكر رئيسه في العمل ذلك المتغطرس و هو يقول :"لا لن نقبل هذا المشروع إنه مشروع صغير جدا " ثم يعود في اليوم التالى ليقول :"شوقى ...سوف نبدأ بالعمل في هذا المشروع "0

تمر أمامه صورة المذيعة في التلفاز " استقبل اليوم وزير الخارجية وزير خارجية دولة العدو و اتفقا على التعاون المشترك في حل أزمات المنطقة "ثم يذكر في نفس االقناة و نفس المذيعة و هي تقول " و قد صرح وزير الخارجية أن الدولة لن تسكت عن حقوق أبنائها التى ضاعت على يد دولة العدو

عالم عشوائي

هلامي

يمسك القلم

ينظرإلى الدائرة ثم يرسم أشكالا عشوائية تخرج

يتذكر في الصف الأول الثانوي تلك المدرسة الحسناء و هي تقول " الأميبا حيوان ذو شكل هلامي" ..يتذكر و هو يسألها "مامعنى شكل هلامي" ..تمسك المدرسة بالطباشير ثم ترسم له الشكل الهلامي على السبورة ...لم يكن يعلم أنه سوف يستخدم تلك المعلومة في ذلك

و لكن المهم أنه قد توصل أخيرا لنتيجة ترضيه

يبتسم

تتسع ابتسامته

يضحك

يضحك

............................

"لقد انتصرت عليك أيها الدنيا ..الآن عرفتك ..و الآن فقط كشفت حقيقتك أمام نفسك ..سوف اتركك تحتسين كؤوس الندم ...و سوف أحتسي أنا ذلك الشراب اللذيذ ...ذلك الشراب الذي سيحول بينى و بينك"0

يمسك الزجاجة يرفعها ببطء

يضع فوهتها على شفته

يميلها

................................

"هذا الولد في منتهى البلاهة و لابد أن تذاكر له مسائل الرياضيات فهو لا يفهم في هذه المادة شئ ...هيا لتذاكر له ..أسرع".0

قالتها سنية ثم خرجت من الحجرة مثل المدفع الذي أطلق رصاصته و استدار يبحث عن شئ آخر ليطلق عليه البعض..0

و لكن ماذا حدث لشوقي؟؟ !!!....لقد وضع الزجاجة على المكتب و قال :"محمود ..ولدي ...نعم لقد نسيته ..نسيت أننى لابد أن أذاكر له حتى يصبح مهندسا كما تمنيت ..إذا سأؤجل الانتحار حتى أذاكر له ...لا سأؤجله حتى ينجح في الثانوية العامة ...لالا سأؤجله حتى يتخرج من كلية الهندسة و يعمل و يتزوج ....هاها ..و ما يدرينى أنى سأعيش حتى ذلك العمر ...يالنى من أبله ..."0

يضع الزجاجة على المكتب ثم يمشي

يقف

يتذكر

يتذكر إمام المسجد في آخر جمعة صلاها منذ شهرين عندما كان يروي ذلك الحديث عن رسول الله صلى الله عليه و سلم ..كان يقول :

ذات مرة رسم رسول الله صلى الله عليه وسلم خطاً مستقيماً ثم تلا قول الله تعالى: "وأن هذا صراطي مستقيماً فاتبعوه ولا تتبعوا السبل فتفرق بكم عن سبيله "، ثم رسم على جوانب الخط المستقيم الطويل خطوطا متعرجة وقال: (على كل طريق من هذا شيطان يدعو).

...................................

يبتسم ثم يرجع للورقة

يضحك

يمزق الورقة و يلقى بها

يأخذ ورقة جديدة

بيضاء

يرسم عليها خطا مستقيما

و فقط

...........................

"محمود ......هات كتاب الهندسة بسرعة عنوان الدرس تعريف الخط المستقيم : هو أقصر طريق بين نقطتين

.....................................

يا عم فك التكشيرة

النهاردة حالتى غريبة جدا

في حاجات كتيرة مضايقانى لكن بالرغم من كدة عايزة اكون مبسوطة

ساعات بحس انى متفائلة جدا زيادة عن اللزوم و ساعات بحس انى كئيبة و قتمة

كل اللى انا عارفاه دلوقتى انى عايزة أكون مبسوطة

و بما إن مفيش حاجة حوالية تبسط

فتحت فايل عندي كنت شايلاه للأوقات اللى زي دي الاوقات اللى بكون عايزة ابقى مبسوطة بس مش عارفة ، الفايل ده مليان نكت ...قديمة..ممكن ...بايخة ...ممكن بردو ...بس الأكيد إنها ممكن تطلع الواحد من مود الكآبة

و على رأي عمنا صلاح جاهين:

الضحك قال يا سم على التكشير

أمشير و طوبة و أنا ربيعي بشير

مطرح ما بظهر بنتصر ع العدم

إن شاء الله اكون رسماية بالطباشير

عجبي

شوية نكت :
تلاته خرجوا في رحلة سفاري..واحد مصري والتاني صومالي والتالت أمريكاني..دخلوا ناموا..وصحيوا بعد 300سنة!..كل واحد فيهم قام رجع بلدة..
الصومالي شغل الراديو سمع: (الصومال لن تتنازل أبدا عن حقها الشرعي والتاريخي في ولاية نيوجيرسي)
الأمريكي شغل الراديو سمع: (سيدافع الجيش الأمريكي عن البلاد لآخر جندي!)
المصري شغل الراديو سمع: (إخترناه..وبايعناه...وعشان كده احنا اخترناااااااااااااااااااه!) مفيش فايدة

واحد بيقول لخطيبته لما ازمرلك انزلى قالتله هو انت اشتريت عربيه قاللها لأ اشتريت زماره

ومرة مدرس بيسأل تلميذ

المدرس: الثعلب يا حبيبى بيبض ولا بيولد

التلميذ: أصل التعلب ده يا استاذ مكار وممكن يعمل أي حاجة

مرة واحد بلاديتنا بيدهن الحيطة.... قالوله طب حط جرنال تحتك... قال لهم : لا مش مهم انا كدا طايل

بلاديتنا بيكتبوا محاضرة مع الدكتور كل ما يمسح السبورة يقطعوا الورقة

واحد مسطول راح مطعم وقال لصاحب المطعم سندوتش طعمية من غير سلطة.. صاحب المطعم كمان مسطول قال له من غير سلطة ايه؟ قال له : من غير سلطة قوطة – صاحب المطعم : ماعنديش سلطة قوطة اعمله من غير سلطة طحينة؟؟؟

مرة واحدة ست بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس ... يالهوي وعملتي إية ..عملت بامية وامري لله

مرة شرطي مرور مسك واحدبيعمل امركانى بالعربية .. وقاله ادفع مخالفة 50 جنيه ... رد السواق وقال :ماعيش إلا ورقة بــ 100 جنيه ..... قال له شرطي المرور خلاص روح اعمل أمريكانى بــ 50 جنيه تانيه ..وارجع

كمسارى ماشى فى جنازة بيقول يا جماعة الجنازة فاضية قدام

واحد سكران فتح التلاجه وبص للجلي ...وجده بيرتعش: قالوه متخفش هاخد عصير

بطة راحت لبقال قالت له عندك سكر ؟؟ قال لها لا.. راحت له تاني يوم قالت له عندك سكر؟؟ قال لها لأ ، وعارفه لو جتيني تاني حدق رجليك المفلطحه في الأرض... راحت له تاني وقالت له عندك مسامير؟؟ قال لها لأ .. قالت له طب عندك سكر؟؟

أستاذ كيمياء راح يشوف نتيجة ابنه لقاها ..... راسب أزرق

بيقولك مره واحد بخيل

ابنه: بابا انا عايز 50 قرش
أبوه: انت عايز 40 قرش هاتعملايه بال 30 ممعاييش غير ريال تاخد بريزه

في واحد جندي حطوه في الجبهة على الخط الأول مع العدو وقالو له: أول ما تحس بأيتحرك للعدو فورا تقولنا عندك هنا جهاز تليفون على اتصال مباشر مع القيادة.
وفييوم لاحظ الجندي تحرك العدو فرفع التليفون، وقال: ألو قيادة العدو على بعد 5 كم. فقالو له علم.
بعد نص ساعة تانية رفع سماعة التليفون وقال: ألو قيادة العدو علىبعد كيلو واحد فقالو له علم, ومجاش حد.
وبعد نص ساعة كمان، اتصل بيهم وقال: ألوقيادة؟ قالوله: نعم؛ فقال لهم: اتفضلو كلموا العدو

واحد بعربية شبح واقف فى إشارة مرور جنب واحد بعربية سيات، صاحب العربية السيات بصمن فوق لتحت لصاحب العربية الشبح وقاله تبدل عربيتى بعربيتك وتدفع لى مليون جنيه؟

الراجل التانى قاله إنت مجنون ولا شكلك كده؟ فرد عليه صاحب السيات وقاله: أناعربيتى فيها عفريت يحقق لك أى حاجة، المهم دخل صاحب الشبح معاه فى السيات وحركالدركسيون فظهر العفريت، فقاله صاحب العربية: قوام هات شاى ليا وقهوة للبيه فراحجابها له، المهم بدلوا العربيات وأخد صاحب السيات مليون جنيه كمان، وأما دخل صاحب الشبح العربية السيات وحرك الدركسيون ظهر الجنى فقاله عايزك ترجع لى عربيتى تانىوالمليون جنيه رد الجنى وقاله: معلش أنا بتاع شاى وقهوة بس

قال رسول الله صلى الله عليه و سلم

"تبسمك في وجه أخيك صدقة"

صدق رسول الله صلى الله عليه و سلم

أتمنى تكون النكت عجبتكوا......0

أن تنسي القدوة أنها قدوة ....كلاكيت تانى مرة

ملحوظة:هذه التدوينة هي تدوينة سابقة لى و لكنى أعدت إظهارها في مقدمة مدونتى لأننى الآن أشعر بها أكثر من أي وقت مضى...

أن تنسي القدوة انها قدوة

في متاهة الحياه و مصاعبها ، و في عتمة الخوف من المستقبل المجهول ، و في مصايد الشيطان لضعاف النفوس منا .... يسقط البعض .
لا بل إن صح القول يسقط الكل إلا من رحم ربي.
كل هذا ليس به شئ فالله سبحانه و تعالى يغفر الذنوب و الذلات و هو سبحانه قادر على أن يمحو عنا خطايانا .
و لكن ما يحزننا بالفعل هي الهفوات التى تصدر عن هؤلاء الذين نعتبرهم قدواتنا في الحياه .
سمعت يوما مثلا شعبيا من أمى يقول" هفوات السادات سادات الهفوات" .
بالفعل ، فسقطات الكبار دائما هي الأكبر و الأعمق أثرا...

أنا هنا لا أعنى أحدا بعينه و لكننى أعنى كثيرين

أعنى من كنت أعتبرهم في صغري مثلا أعلى في كل شئ

من أول هؤلاء الذين باعوا لنا أوهام الكرامة في التليفزيونات المحلية و اكتشفناه عندما احضرنا ذلك الاختراع الذي يسمى الدش لنرى أن الحقيقة شئ آخر...

إلى هؤلاء دكاترة الجامعة الذين كانوا يلعبون دور الشرفاء في حياتنا و بعد ذلك اكتشفنا أنهم يعطون دروسا خصوصية و يزورون درجات الطلبة من أجل أن يكون أبناء الزملاء هم الأوائل .

إلى هؤلاء الذين يعطوننا دروسا و مواعظ و ينسجون لأنفسهم أشكالا جميلة من التدين و الوقار و إذا عاملت أحدهم في الدرهم و الدينار عرفت حقيقته المحزنة.

لو علم هؤلاء كم كنا نحترمهم ......مافعلوا ذلك

و لكن نحن الأكثر حظا فالله سبحانه لم يرد لنا أن نكون من ضحاياهم

و لكن من لهؤلاء الضحايا

هؤلاء الضحايا الذين يصدقون الأقنعة الزائفة و يتيهون مع ذلك الكلام المعسول

أصبحت الآن لا أثق بأحد

أصبحت إذا أعجبت بشخصية أحد نظرت و تفحصته جيدا حتى أنزع ذلك القناع الذي على وجهه لأري الصورة أوضح

فجميعهم عندي ذوو أقنعة

و جميعهم عندي مزيفون

أحيانا أشعر اننى مثلهم

من كثرة ما كثروا أصبحت أشك في نفسي

تذكرت و أنا صغيرة ذات مرة خرج أخى و كان في عمر ال15 و خرج إلى الشارع يرتدي شورت فقابله أحد جيراننا الصالحين و أبدى له اعتراضه على ان يخرج بهذا الباس لأنه لا يستر عورته و هو الآن أصبح كبيرا فكان تعليق أخي انه لازال صغيرا و أنه لا يخرج هكذا عادة فقال له هذا الرجل الصالح: " أنت ولد صالح و جميع الأطفال في الحي يتخذونك قدوة فلابد ان تكون على قدر ذلك " 0

يومها شعرت بمعنى أن تكون قدوة و ان ذلك ليس تشريفا بقدر كونه أمانة تتحملها.

ليتهم يعلمون تلك المقولة ......ليتهم يسمعون قبلها قول الله سبحانه و تعالى

بسم الله الرحمن الرحيم

"و قفوهم إنهم مسئولون"

صدق الله العظيم

أعتقد لو أننا تلونا تلك الآية على مسئولينا قبل أن نوليهم لكنا قدنا العالم كما قاده من قبل أجدادنا الصحابة.........०

بقايا بقايا

لماذا أراك على كل شئ

كأنك في الأرض كل البشر

كأنك درب بغير انتهاء

وأني خلقت لهذا السفر

إذا كنت أهرب منك إليك

فقولى بربك أين المفر

..................

فاروق جويدة

إلى الأمة

مالك كده متغيرة
لون الشحوب ظاهر على خدودك و هامة قصيرة
كنتى زمان للكل أم دلوقتى ليه يا أمي بقيتي صغيرة
...........................................................
صرخ الضعيف فيكي و قال يا أمي أااااااااااه
و لا حد رد عليه و لا سمعتى نداه
حتى يا أمي بقيتى على ضعف ابنك متكبرة
...............................................
طلعوا الصغار يقولوا خلاص كبيرنا مات
وظهرلنا فيران كانت في الجحور زمان تبات
و بكرة يبقى للفيران قصور و بوابات
و انتى لسة يا أمى قاعدة متسمرة
.............................................
القلب كان للحزن يزعل أو يأن
دلوقتى أصبح للسعادة يبات يحن
يكتب في ليلته على الحيطان الأمل
يصبح يلاقي حيطان حياته متدمرة
..............................................
نفسي في يوم ألاقى ابنك بقى فتى
و تقولى للعالم ولدى الفارس أتى
و يعود بنا للنور و للربيع بعد الظلام و الشتا
يا هل ترى يا أمى لليوم ده متحضرة
.....................................

ماذا لو

ماذا لو؟؟؟
تيجوا نجرب لعبة ماذا لو ............0
هنسأل نفسنا أسئلة تبدأ بماذا لو و نجاوب عليها ....0
نبدأ؟............0
س: ماذا لو عينت رئيسا للجمهورية؟0
ج: كنت استقلت فورا
س: ماذا لو كانت الجامعات بدون تنسيق ؟0
ج: أكيد ما كانش معظم مهندسين و دكاترة مصر طلعوا كده
س: ماذا لو كنت وزير التعليم ؟0
ج: كنت لغيت نظام الثانوية العامة
س:ماذا لو كنت مطربة؟
ج: عمري ما كنت هغني أغنية اقول فيها لحد كلمات مثل (انا مخلوقة علشانك) أو (أنا عايشالك) لأنى في الحقيقة مخلوقة علشان حاجة تانية و عايشة علشان حاجة تانية بردو
س:ماذا لو كنت في جمال ميج راين؟0
ج: كنت أصبت بالجنون..........الحمد لله
س: ماذا لو لم أكن مصرية؟0
ج: لوددت ان أكون مصرية
س: ماذا لو كنت متشددة؟0
ج: كنت سمعت لغيري
س: ماذا لو كنت منى الشاذلى؟0
ج: كنت عملت نيو لوك للبرنامج

ليه بنخاف من التغيير؟؟؟؟0

ليه لما حاجة جديدة تحصل في حياتنا بنكون متلخبطين؟؟0

مع إن الحاجة دي ممكن تكون أحسن بكتير.....0

ليه لما حتى تتعرض علينا فكرة التغيير في أي شئ بنرفضها في الأول ...0

هو الألفة طبيعة بشرية؟؟؟؟؟0

و لا ده اسمه إيلاف ؟؟؟؟0

لازم أتعلم ازاي اقبل التغيير.....0

لازم اقرأ كتاب "من الذي حرك قطعة الجبن الخاصة بي

who moved my cheese

http://www.google.com.eg/search?sourceid=navclient&ie=UTF-8&rlz=1T4GGIR_enEG219&q=%d9%85%d9%86+%d8%a7%d9%84%d8%b0%d9%8a+%d8%ad%d8%b1%d9%83+%d9%82%d8%b7%d8%b9%d8%a9+%d8%a7%d9%84%d8%ac%d8%a8%d9%86+%d8%a7%d9%84%d8%ae%d8%a7%d8%b5%d8%a9+%d8%a8%d9%8a

أطفال أطفال

بحبكوا............0

نفسي أرجع زيكوا.......0

بحبكوا ...أه بحبكوا .....لكن مش عايزة ارجع زيكوا

اصل الرسالة مين يوصلها لو يوم فضلت زيكوا

ألعب و اجري مش هاممنى شئ و لا عندي شئ يشغلى بالى زيكوا

لكن في يوم ..لو يعني يوم ..عرفت اجيب ناس زيكوا

هحاول ابقى زيكوا ...0

علشان مايبقوا زيي انا ياللى بحاول أفضل زيكوا

لأنهم لازم يكونوا في يوم ذوي براءة زيكوا

عرفتوا ليه بحبكوا.....؟؟0

أ/ عمرو خالد + تامر حسني = تعايش

و كأنه فضل أن يبدأ بنفسه في تطبيق التعايش......و كأنه يقول لنا ......كيف ستتقبلون الآخر؟؟

نعم .....بهذه الروح تقبلت خبر أن من سيغني أغنية تتر برنامج أ/ عمرو خالد الجديد ( دعوة للتعايش) هو تامر حسني ....0

جميع المقربين منى يعرفون رأيي في هذا المطرب خاصة بعد محنته الاخيرة و كيف كان هجومى عليه شديدا بشكل جعلنى انصبه هو و بعض زملائه مثال صارخ لما آل إليه مجتمعنا و شبابنا.0

لا أخفى عليكم كانت تستفزنى مشاهد حفلاته و تجمهر الشباب عليه و لهفتهم على رؤيته و التصوير معه و كأنه عالم ذرة أتى لنا بنوبل الثالثة أو فقيه مخضرم يريدون أن ينالوا من علمه أو حتى أستاذ جامعى متقن في عمله .....كنت أراه مجرد مطرب يشدو بتلك الكلمات الغريبة من معجم جديد ما أنزل الله به من سلطان ....معجم ملئ بعبارات لم تألفها بلادنا إلا عندما انحدر مستواها الأخلاقى .0

و بعد محنته الاخيرة ازداد هجومى عليه . كنت رأيي موافقا لهؤلاء الذين استعجبوا :أهذا الذي كان يقول في أغنيته لو كنا بنحبها.......و أجتهد البعض في تكملة الأغنية ...نهرب 0من جيشها و ننفض لها ........0

ثم جاءت المفاجأة من أ/ عمرو خالد ......0

لم أعلن غضبي على أ/ عمرو فهذا الرجل المخلص يمتلك بداخلى رصيد كبيرا من مشاعر الاحترام تكفيه لان يفعل أكثر من ذلك دون أن تتأثر .. و لكن لا اخفى ان مشاعري وقتها كانت خوفا شديدا ...0

خوفا على اسم أ/ عمرو خالد .......خوفا على رسالة أ/ عمرو خالد و مشروع النهضة من هؤلاء الذين يترصدون له ....هؤلاء الذين يريدون أن يحبطوا أي طريق للاصلاح إلا من ورائهم ...هؤلاء الذين يريدون أن يهدموا أبواب الخير إلا بابهم حتى تكون لهم الغلبة و السيطرة على كل شئ ..0

ولكن بعد أن سمعت حوار أ/ عمرو خالد و سمعت معه الأغنية عرفت المغزى و المعنى المرادين من ذلك ووصلتنى الرسالة .....0

أ/عمرو .......وصلتنى رسالتك .....0

ستظل هذه الأغنية لتكون اختبارا لنا هل فهمنا درس التعايش أم لا

أيها الملتزمون ...........تعايشوا و لكن لا تذوبوا

اسمعوا تامر حسنى و امثاله عندما يغنوا للنهضة و لا تذوبوا معهم عندما يغنوا لل...آآآآ

هذا هو الدرس و هذه هي الرسالة التى اتمنى من الله ان تصل لكل من يحتاج أن يتعلمها.......0

اتمنى أن تصل لكل رجل و امرأة ببلادنا

اتمنى أن تصل للسنة و الشيعة

أتمنى أن تصل للسلفية و المعتدلين

اتمنى أن تصل للملتزمين و غير الملتزمين

اتمنى أن تصل للمسلمين و المسيحين في بلادنا

اتمنى أن تصل للصغار و الكبار

اللهم اجعلها في ميزان حسناتك يا أ/ عمرو

كلمات الأغنية :

بص فى وشوش الناس كله وراه حكايه

اصل اختلاف البشر من ربنا آية

خلقنا غير بعضنا علشان نكمل بعض

قرب تلاقى نفسك بتبص فى مرايه

كل البشر ماشين فى طريق لكن تايهين من غير مايتقابلوا

المشكله من البدايه التفتيش فى النوايا من جيل لجيل قبله

عارف فلان عاشرته يبقى انت متعرفوش

واللى احنا مش عارفنهم بنحولهم وحوش

ساعدنى ساعد نفسك كلمنى هاسمع همسك قربلى مد ايديك

اعرفنى قبل ماتكره خليك معايا لفكرة أولادنا يستاهلوا

ده زيك ابن آدم و بفطرتك تحبه

طب ليه عايز تحاربه و عليه تقوم جيوش0