٢٠١١-٠٦-١١

توثيق



سؤال كان دايما بييجي في بالى .. هو احنا ليه لما بنكتب بنميل للكآبة في الكتابة ؟ ليه الحاجة اللى بنحسها بجد بتكون الحاجة اللى مائلة للحزن و النكد؟
يا ترى لأن الحياة مش مريحة حد على رأي ماما .. و لا لأن الكتابة هي فعل " تنفيس" في الأصل و الانسان لما بيكون فرحان مش بيكتب في الغالب..
طيب أنا قررت بقى انى اوثق كل اللحظات الحلوة اللى في حياتى ، و حتى لو مالقتش هوثق اي نسمة هوا عدت عليه علشان تفكرني ان الحياة فيها حاجات كتيرة تفرح بعيد عن النظرة الأحادية اللى ادمنتها دي

على فكرة ... النهاردة كان يوم كويس :)
الحمد لله

هناك ٤ تعليقات:

موناليزا يقول...

وأنا أحييكِ على هذا:)

aya mohamed يقول...

لان لما بنكون فرحانين مش بنسال
فين وازاى وليه وامتى بنبقى
عايشين الحالة وخلاص فمش فاضيين
نكتب انما واحنا زعلانيين بتحسى ان
اكتر حاجة عندك هو الفراغ فبتكتبى
انا شخصيا كنت بكتب كله حلو ووحش
ويمكن وانا مبسوطة كمان بكتب اكتر
علشان مش بفرح كتير ببقى نفسى اسجل لحظاتى الحلوة علشان لو عدت ارجعلها تانى
بوست جميل جداااا
ويارب كل لحظاتك تكون حلوة وتدونيها هنا

الحلم العربي يقول...

موناليزا
.......
و أنا اشكرك على تشجيعي ...علشان احاول اكمل :))

الحلم العربي يقول...

آيوية :
ربنا يكرمك يا يويو و يا رب انتى كمان ربنا يكتر لحظاتك الحلوة ...مبسوطة ان فيه حد بيشوف الدنيا بنظرة كويسة ...أصل كتير من اللى بيكتبوا حلو زيك بيكونوا شايفينها كئيبة مش عارفة ليه :)))